شلونكم بنات ان شاء الله بخير ، حبيت اطلب منكن طلب انا شعري مو طويل وايضا مو كثيف والله تعبانة من شعري :confused: دايما البنات تضحكين من شعري 😡 والله العظيم تعبت من شعري اللي مايطول .
وانا اعرف ان بنات السعودية مشهورات بالشعر الطويل والكثيف ، لاني انا من صلالة ( عمان ) بليززززززززززززز ساعدوني
واللي تساعدني والله بادعيلها
اهلين اختي العزيزة
اتمنى اني افيدج بالشغله اللي راح اقولها لج في وحده عندنا بالفريج كان عندها الخبيث يادافع البلاء اهيه هندية والمهم تعرفين الكيماوي طيح الشعر كله صارت قرعة المرة تدرين شنو سوت عشان يطلع لها على طول تحط الثوم بالزيت وتنقعه وتستخدمة وبعدين ماشاء الله طلع لها وراح يكثف شعرج ويطوله له فايده استخدميه وراح يفيدج
مشكورة حبيبتي دموع القلب والله يسعدج في حياتج
بس حبيبتي ممكن خلطة زيوت لاني ماحب الثوم
واسفة عالطلب 😮
شوفي عن تجربه 3 سنوات كل سنه اسويه حتى لبناتي طول شعورهم وكثرها وارسلك طرقة باالتفصيل نفس طريقتي تلاقيه في صيدلية النهدي
ممكن المشرفات يصغرووووووووووووو الصوره
حبيبتي انا بعطيج خلطة غير للشعر واللي اهيه عبارة عن زيت الخردل وزيت جوز الهند والسمسم والخروع وكبسولات زيت كبد الحوت اختي هذي تحطينه على شعرج لمدة نصف ساعه وعقبها تغسلينه وبعدين تستخدمين "حمام زيت ""فاشكول بالثوم" بس ماله ريحة لا تخافين وصدقيني لو استمريتي راح يعطيج شعر حلو اكيد جربي وشوفي بحط لج صورة الكبسولات تلاقينه في الصيدليات تفتحينه وتحطينه ويا مجموعة الزيت هذي اختي اهم شي بالخلطة تجيبين اللي تحتهم خط لازم لازم لازم وكل ماتخلطين انواع من الزيوت راح يعطيج نتيجة افضل لان كل زيت يتميز بشغلة معينة اختي واصلي 3مرات تحطين الزيت مع تدليك فروة الراس واستخدمي حمام الزيت مرتين بالاسبوع ولازم راح تحسين بتغيير وحاولي انج تقصين اطراف شعرج هذي صورة زيت كبد السمك القد واهوه عبارة عن كبسولات تفتحينها وتخلين في كل مرة ثمان كبسولات مع الخلطة اللي بتستخدمينها لمرة وحده وهذي صورة حمام الزيت فاشكول وطبعا الزيوت اختي انتي تعرفينها
وان شاء الله افدتج اختي وانا عندي موضوع كذلك فيه خلطة وهذي اهيه الوصلة شي بسيط يخلي شعرج ولا احلى – مدونة عروس
شرفينا فيها وشوفي الوصفة وان شاء الله يفيدج اختي
يالله انا فريت راسج ههههه
انا معندي خلطه معينه
بس باسئل عن الجبوب 8 حبات في كل مره مو واجد يعني اكتفي 4 مثلا وان عندي شراب ينفع ولا لا اختي دموع القلب ياليت تردين علي
مشكورات حبيباتي والله يعطيكن العافية
حبيبتي انا اكثر وحدة احس فيج
لاني كنت مثلج والحين على النهاية
وتدرين اول شي غيرت اكلي
قمت اكل فلفل اخضر يوميا او يوم وترك
و اضيف البهارات والفلفل الاسود في الطعام
وجربت وايد خلطات ورحت لاطباء متخصصين
لكن في النهاية ما نفعتني غير خلطة من اختراعي
خلطة زيوت اعشاب اشتري الاغراض من العطار
واطبخ وانقع لم احصل الزيت واستخدمه 3 مرات في
الاسبوع ولا حضت شعري طول بسرعة وطلع لي شعر صغار واايد
والي شاف شعري انبهر وطلب الزيت فصرت حاليا
ابيعه للي يبي اهو افود لكم لان انا اخذ اغراض
طبيعية مئة بالمئة ويطلع علي غالي واايد فللي تبي
اسوي لها وترى انا مااخذ فايدة فلوس بس للاجر
اذا تبين ما عندي مانع وسعر العلبة يطلع رخيص ترى
والله العظيم والي خلقني ان كل من استخدمه من اول
استعمال لاحظو تحسن في شعرهم ومن اول استخدام قالو لي
عنه وشكروني وتحمسو انهم يكملون استخدامه
ولو تبين كلميني واسوي لج انشالله و لو ما تبين انشالله
ربي يعطيج العلاج الي يخلي شعرج نفس ماتتمنين
والله يوفقج
،