عندي جمن حمره ما أستخدمهم وايد من ضمنهم حمر ماك لاستر فنش كلش ماحبيته وعندي جمن حمره مات ينشفون شفايفي
وآنه أجوف فيديوهات في اليوتيوب عجبتني كذا طريقه وحبيت أسويها
هاي الحمر إلي مستغنيه عنهم
هاي اللون تراجعت في آخر لحظه مع إنه لاستر فنش بس بعد لونه حلو
للي مايعرف قصدي شنو لاستر هو اللون إلي يكون مب قوي يعني صاير على جلوسي أكثر مب هاي الشي إلي مكرهني فيهم لا فيهم طعم ماحبه يحرق بلاعيمي لاتسألون ليش مادري :badly:
وهاي النتيجه
الطريقه جداً سهله تاخذين أي حمره ماتبينها تكسرينها وتحطينها في ملعقه العوده مالت السوب هههه كلش ماعرف أشرح المهم تحطين فوقها أي مرطب تبين آنه حطيت لابيلو النوع إلي يكون فيه نسبة حمايه SPF أو تحطين فازلين كثر ماتبين تبين الترطيب أكثر زيدي تبين اللون أكثر قللي مافي معيار معين
الاضافات
تقدرين تحطين أي شدو ماتبينه يكون لونه وردي أو أحمر أو برتقالي أو فضي ذهبي يعني الالوان الحلوه وتقدرين تحطين الجليتر الصغير كلش في نوع للأظافر وايد صغير تقدرين تحطين بيجمنت يعني تفننو أطلقو العنان لمخيلاتكم
صدقوني بتستانسون من الطريقه وناسه قمت أدور شنو بعد أقدر أخلط وتقدرون تشاركون الياهال معاكم
إي نسيت أقولكم لمن تحطون الاضافات إلي تبونها ذوبها مع بعض عالشمعه نار الشمعه أخف من الفرن وخلو مسافه بين الشمعه والملعقه عشان الفازلين يحترق بسرعه بس خلطو المقادير إلين تذوب حطوها في القوالب بعدين في الثلاجه ساعتين ثلاث وبعدين جاهزين للأستخدام
لاحظو الصوره إلي فوق بتجوفون واحد من المرطبات صاير ملمسه لين هذي كثرت الفازلين يعني لو تبينه بهالملمس زيدي الفازلين
تبين لون ثابت حطي مع المقادير الحمره السحريه أتوقع الكل يعرفها الخضره إلي تباع عند الهنود وبهالطريقه بيصير عندج لب بالم ثابت :adore:
وإن شاء الله بحط لكم الطريقه بالصور
ما إستخدمت الشمعه حق تذويب الفازلين مع الشدو بتجوفون شكله مب مرتب بس للي حابه طريقه أسرع تسوي نفسها
حطي روج بتكون النتيجة افضل .ولا تنسين المحدد يبرز لون الروج ويلعب في ابراز اللون .
هاي الصور من النت
آنه أفضلها لأنه ملمسها شوي أيبس من الفازلين بس أختي حبت طريقة الفازلين أكثر يعني إلي يريحكم
هالطريقه بعد ما إستخدمت الشمعه مادري ليش مايذوبون المقادير أحس الالوان تختلط أحسن لمن تذوب وثانيا سطحها يصير أملس
بس كيفهم إشعلي منهم 
 |
اقتباس |  |
 |
المشاركة الأساسية كتبها أشواك ورد  |
 |
 |
| مرحبا بالنسبه للون الروج يا حبيبتي , حطي اول شئ كريم اساس على الشفايف وبعدها
حطي روج بتكون النتيجة افضل .ولا تنسين المحدد يبرز لون الروج ويلعب في ابراز اللون . |
||
 |
 |
مو قصدي إنه كل روجاتي ماتثبت أقصد إنه هالنوعيه من الروجات إلي هي لاستر هي جذي نوعها مايثبت ماعندي مشكله مع باقي الروجات
طريقة الكونسيلر وفوقها بودره وفوقها أحدد شفايفي كامله وأحط الحمره ثبات ولا أقوى 😉
مشكوره حبيبتي
|
اقتباس | |
|
المشاركة الأساسية كتبها فراولــــه ملكيــــة |
|
|
| فكرة حلوة يعطيج ربي الف عافية | ||
|
|
يسلمج ربي يالغاليه 😮
موضوعي مو عشان إنه حمري مب ثابته وأبي طريقه إشلون أثبتها
موضوعي إني سويت طريقه وعجبتني وحبيت أشارككم فيها
وإلي عندها حمر قديمه وناشفه بس تحبها تقدر تستفيد منها
أو في شدو أو بلشر إنكسر عندج وماتبين تقطينه هم الطريقه بتفيدج
حبيت أوضح الفكره بس
هاي شمع النحل ماعرف وين أحصله تبشرينه ويصير جذي
الزيت الذايب هو زيت جوز الهند مال الاكل طبعا إذا تحبين ريحته والثاني هو زيت اللوز بس مادري ليش جامد جذي ^o)
إهني حطت أقل من ربع الحمره اللون ماراح يكون واضح وايد
بيجمنت أو لوس آي شدو أو أي بلشر ماتبينه طحنيه وخلطيه معاهم
هذي حطتهم على حمام بخار
أضافت ريحة النعناع تقدرين تضيفين أي ريحه تبين (روائح الاكل) فانيلا فراوله مانجو بكيفج
تم التقييم