في البدايه حبيت أهنيكم بقدوم شهر الخير شهر رمضان المبارك جعله الله شهر الرحمه والمغفره أن شاء الله.
اليوم حبيت انزل موضوع عن الفيكس بلس من فتره وانا ودي أنزله لكن قلت خلني أجرب قبل وبعدين أخبركم النتايج.
طبعا كل وحده منكم ما تخلى شنطة مكياجها من هاالمنتج العجيب قبل كنا نستخدم الفيكس حق اللمسات الأخيره من المكياج لكن طلع هاالمنتج له استخدامات وايده ونتايجها حلوه وايد الصراحه انا شفت هاالموضوع في اليوتوب وجربته والنتايج كانت ممتازه فقلت خلني أفيد خواتي واخبرهم عن طرق أستخدام الفيكس.
أول شي هذي صورة الفيكس للي ما يعرفون شكله.
ثاني شي حبيت أراويكم أستخداماته.
أول شي يستخدم مع الأيشدو المخملي ترشين الفرشاه باالقليل من الفيكس وبعدين تمسحين عليها شوي وتحطينها على الشادو وشوفي كيف بتكون النتايج أول شي اللون ثابت لفتره طويله من دون ما يصيرله شي ثاني شي اللون يكون واضح بدرجه ما تتصورينها.
ثاني شي أذا كنتي حابه تحطين الشدو كأيلاينر طبعا لازم يكون الشدو الجاف, هنيه عندي تنبيه لما تحطين الفيكس على فرشاة الأيلاينر سوي نفس الخطوات لكن يوم بتاخذين من الشادو لازم تاخذين من زاويه وحده لأنه الشادو جاف وراح يتأثر باالفيكس يعني راح يكون الشادو بعدين قاسي فهمتوا قصدي يعني راح يكون متقطع فخذوا من الزوايا أحسن علشان ما يتأثر الشادو.
ثالثا يستخدم مع البودره شو ما يكون نوعها بيوتي باودر أو بودرة أضاءه وانا هنيه جريتها مع بودرة ماك NEW VIEW لاني أحب هاالنوع من البودرات اللي فيهم اضاءه والطريقه نفس الطرق السابقه بس لا تنسون تمسحون الفرشاه شوي بعد ما ترشون الفيكس.
مع البلاشر روعه واللون واضح من الخاطر وخصوصا بلشرات ماك مرات ماتكون واضحه يعني تضطرين تحطين مره ثانيه بس مع الفيكس مره وحده لا غير.
مع الشدو ال Mineralize يمكن هذا الشادو اللي أنه من زمان أستخدمه باالفيكس لأني أذكر أول مره شريت هذا النوع كان ودي أكسر اللون من القهر اللي فيني:mad2: شوفوا اللون كيف واضح ولما كنت احطه على عيني ولا كأني حاطه شي مع اني كنت أحط بيس فقلت خلني أجربه باالماي وفعلا طلع اللون روعه بس بعدين تكتل وأختفى نص اللون فاالله هداني ذاك اليوم وقاعده اشوف الفيكس قلت خلني أجربه مع الشادو طلع روعه.
مع الفاونديشن الباودر عاد صدق هاذي روعه من الخاطر نفس الطريقه السابقه بفرشاة البودره وشوفي التغطيه اللي تجنن من الخاطر.
ولا تنسون لما تخلصون رشو رشه خفيفه كتثبيت للميكب جربوا وأدعولي.
وفي أستخدام أخير للفيكس يمكن راح تستغربون منه بس جربوا وخبروني باالنتيجه.
يستخدم للشعر يعني يعطيج لوك كأنج توج سابحه ومغسله شعرج بس رشه خفيفه على الشعر عندج ظيوف وشعرج مش مرتب لفيه بطريقه سمبل على الأخر ونزلي بعض الخصلات ورشي عليه الفيكس وشوفي النتايج الحلوه.
أتمنى أنه الموضوع عجبكم وأنكم أستفدتم منه.
في رعاية الرحمن وتصبحون على الف خير:21_164:
وتوني اليوم والله كنت في السعوديه ويوم دخلت بشتريه من المحل أذن المغرب وسكروا وطلعت من المجمع الحين صار خاطري فيه أكثر وأكثر لأني ماقد استخدمته ان شاء الله اخذه من البحرين ؟ بس ممكن اعرف جم سعره ؟
مشكوره على نقل تجربتج وبانتظار كل ماهو جديد منك : )
لأن توني شاريته قبل شهر من الرياض من صحارى بلازا
وجربته والنتائج جدا جميلة و يعطي لمسة مخملية للبشرة ,,,
وسعرة تقريباً 90 ريال سعودي .
8
8
الله يرحم ايام اول للحين عندي اياه ماستخدمه وايد
كان سعره 64 للحين موجود عالعلبه
تسلم يمنآج على هالموضوع الحلو وحرصج على افادت البنات ,, انا شفت اليو تيوب وستغربت انه للفكس كل الاستخدامات وخاصه للشعر ,,
يعطيج العافيه وفـ انتظار ابداعاتج القادمه ,, (f)
.
.
.
انا خاطري اشتري الفكس بس اتردد وايد لاني اعرف اني ما بستخدمه بكثره وبيتم طايح في الشنطة
بس ما شاء الله مع كثرة طرق استخدامج له اتشجعت له اكثر
تسلمين الغلا وربي يعطيج العافية
الله يعطيج العافيه ,,
مًشكَوْوْرٍهٌ حَبْيٌبْتَيً