شخباركم؟!
اليوم جايبه لكم مجموعة مناكيري البنووتية
يلا تعالوا شووفوها معاي…
أول شي هذي العلبة الوردية احتفظ فيها بكل مناكيري
ويلا خلونا نشوف لون لون موجود بهالعلبة
ماركةHANZHIXIU
رقمه 86
لونه بصراحة ما اعرف شو يسمونه بس هو بطيخي على وردي على ماروني
بس ثباته حلو ولونه مرة ناعم
ماركة S.S.B
رقمه 3
لوونه برونزي توووحفة بس فيه عيب واحد يتقشر بسرعة عند اقل ضربه
يعني يوم احطه لازم اتحنط واخلي بالي معاه طول اليوم
ماركة WINWAX
رقمه 5
لونه بينك فاتح ويخلي لون الأظافر مرة حلو وناعمه بس لاحظته ما يجف بسرعة
ماركة ROMMANA
رقمه 21
لونه برتقالي وايد حلوو حبيته من قلب جديد توي امس ماخذته
ماركة ENCNANT
رقم 32
أول شي بتكلم عن هالماركة هالماركة حلوة وقوية المناكير تبعهم وفي عندهم كثير الوان حلوة ومميزة بس عيبهم ان العلبة بسرعة ينشف فيها اللون وهذا الا ابدا ما حبيتهم
وهذا اللون اصفر اختي شرت علبه وكان هو معاهم فعطتني اياه فأنا قلت اخليه حق لين بسوي دزاين بأظافري
ماركة PARIS
رقم 28
هذي الماركة تجنن واحبها من قلب ثابته الوانها لو تصيدني 5 ضربات باليوم مو بسهولة يتقشر
اللون ما يجف بعد فترة فأقدر استفيد منه لو بعد 10 سنين
وهذا اللون وايد روعة رصاصي ياما رحته فيه لسكوول:tongue:
ماركة MSHENGJI
رقم 10
هذا اللون بني غامق مرررة فمو بكل المناسبات اخليه واذا احطه لازم ازين فوقه
لانه قوي وانا احب الألوان الناعمة
ماركة فلوومار
صراحة انا صج خذيت منهم بس هذا لقلتر للأظافر بس رووعة مرة وثابت
شوفوا هذا شكل لقلتر على اللون البني اللي فوق
و إن شاء الله ناوية اخذ نيل بولش ازيد من عندهم
رقمه 18
هذا اللون مايل ع البيج والحليبي ما اعرف شنو ماركته
بس عليه رسمه هلو كيتي
حلو وايد سواء حطيت معاه شي او بروحه احسه كيوت
رقمه 34
هذا النيل بولش ماخذته من المعرض وللأسف ما عليه اسم
بلونه يجنن وردي و شوي مايل على بنفسجي
مرة حلوو بس عيبه بعد فترة يبدي يجف شوي
ماركة ENCNANT
رقم 37
لوونه بني فاتح اللون روعة لا يعلى عليه بس للأسف مبدي يجف
أسمه TRUE LOVER
رقمه 28
لوونه عجيب غريب بنفسجي مورد وفيه لمعة زرقة حبيته من اول نظرة
وثباته عجيب وما يتقشر بسهولة
الماركة LA MODELPOSE
الرقم 27
هذا قليتر بينك مرة حلو بس نصيحة يا بنات لا تحطونه فوق الظفر مباشرة لاني جربت وتندمت قد شعر راسي ما رضي يطير بسهولة وتشمخت اظافري
ومن يومها احطه فوق الصبغ الأظافر حق ما تتضرر اظافري لين جيت بشيله وثابت مرة
وهذا شكله فوق اللون اللي كان قبله
1) ماركة ENCANT
رقمه 20
لونه بنفسجي شوي غامق
2)ماركة SISI ملمع أظافر ومعاه فيتامين E
فعلا يخلي الأظافر طبيعية ولمعتها طبيعية وخفيف
3)ماركة ENCANT
رقمه 5
وهذي لقطة جوية للمناكير كلها
وأتمنى الموضوع نال على اعجابكم
اللي عجبها الموضوع تقيمني
وتدعي لي بالتوفيق في دراستي
مع حبي
مشتاقة ليك
تسلمين اختي على الموضوع
و دا كيوت اوى
ثانكس ع المرور والرد
منورين
مجموعة روووووووعه
تتهني فيها يالغلا
ما شاء الله
المجموعه حلوووة وحدها رهيبة وكيوووت تسلمين على موضوعج الحلوو
وفعلا اللون الرصاصي عحبني لووونه ..
الله يهنيك ويوفقك يا رب في دراستك وفي حياتك عامة
موفقة
مجموعة روووووووعه
تتهني فيها يالغلا
الله يوفقج في دراستج