شخباركم بنوتات رجعن لكم بعد غياااااااااااااااااااااااب فترة بعد الدردشة الاولى
حول ماركة
حبينا انا وخواتي نطرح لكم الموضوع الثاني حول ماركة والتعرف عليها راح يقربنا
منه وندعو كل بنت عندها خلفية واسعه او بسيطة عن الماركة تصور او تحط لنا صور المنتجات
الي تستعملها حتى نتعرف معا على المساؤى والايجابيات عن الماركة طبعا
خووواتي بعضر بعض المنتجات للماركة للتعرف عليها والافضل فيها
وبعدها ان شاء الله بعرض شنو خذيت منها حتى اخبركم كيف كانت تجربتي
لا تبخلووا بالردود
ماركتنا اليوم هي " .bobbibrown."
ها اكيد عرفتوها والي تحب تتعرف عليها عسى موضوعنا يساعدها
اولا نتعرف عليها
نبـــدا بالروجات وبعرض لكم روجين حبيتهم من الموقع الخاص فيهم
روج كريمي جديد بالماركة الحلو فيها انه يدوم لفترة وانه روج لميع والاحلى يحتوي على
مواد ترطيبية عاليه وبالابخص وجود زيت الشيا وهذا مرطب فعال للشفايف ويبقى لطول اليوم
على كلام الموقع !!
طبعا المجموعه كبيرة للشفايف اخترت لمحبي الباليتات مثلي باليت الارواج وعلى فكرة
درجاتهم حلوووة ومريحة للشنطة والبنت الي تكون عملية وتحب كل شي سريع خاصة
اذا حبت تغير الدرجة في حين حست بالتعب في نهاية الدوام يكون عندها خيارات ودرجات
ليكون وجها مشع <<< هذا كلامي 
في درجيتن في الباليت فيهم لمعه والالوان عميقة او الوان حلووة
هذا الباليت ويعتبر الاوفر والافضل في المبيعات
منتجات العين
هنا بحط المنتجات الي عندهم وبصراحة حبيتهم في المواقع بحط اسم كل منتج على كل صورة
الجل اي لاينر او الكحل الكريمي درجاته حلووة واستعماله احلى انا لسة ما جربت
بس شفت ردود حلوة لمجربيه
الشدو الكريمي عجبني الجار الي فيها يعني مثل الجل اي لاينر
وطبعا درجاتهم حلووة على فكرة البنت الي تشتغل بالماركة لما كنت بدبي
تقول لي لا تخافي ما راح يلخبط هو ثابت وما راح تشوفيه يدهن بيظل ثابت من جربته؟؟
الاي شدو نوعين شدو بملعه ونوع الثاني العادي المات
شدو كريم ستيك فيه درجة الفانيلا ما في درجات ثانية واستخدامه سهل
وما يبهدل عينك واكييد ينع يكون مثبت للعين 😉
البلاشرات اخترت الاحلى اخليكم مع الصور
بلاشر مات
بلاشر كريمي وبنفس الوقت لب جلوس للشفايف وحائز على جائزة
بلاشر بلمعه وفيه درجات منه واخترت الدرجة الوردية بنك شمر
لوك طبيعي كلنا نحبه هالستيك البلاشر كريم روووعه
في نوعين حصلتهم وانا اتصفح جل للبرونز بشمر للوجه يعطي لوك برونزي والثاني لتسميرالجسم
يتبع
كريم اساس مرطب للبشرة الجافة الي العادية والحلو فيها فيها مكونات حتى تبقى طول اليوم
ترطب البشرة
اخترت الاحل في مجموعه الكونسيلرت والفاونديشنات
هو كونسيلر اول ما تشوفهيه تفكريه بودر بس هو يتحول على طول كريمي
ولونه درجة وحده للكونسيلر ليخفى التعب واليغطي الهالات السودا
في اخت في المنتدى مدحت كريم اساس حلوو لذوات البشرة الجافة بما يحتوية
من مرطبات ويبقى لفترة طويلة وخاصة انه يحتوى على مواد تعطي البشرة النظارة والبريق
يعني اي وحده بشرتها جافة وحابة تنور في الصيف راح ينفعها لان فيه نسبة حماية من الشمس تصل 25%
اخترت بودة وحده من الموقع وهي فينش بورد لوز بودر خالية من الدهون واحنا ما شاء الله
نعاني من اللمعان ونكره لمعان وسط الداوم 
فهذه راح تفيدنا والاحلى الي فيها انه فيها
فيتامين E
الفراشي الي في بوبي بروان بروفنشل وغير كذا غالية لو تشوفوها وشغله تمام التمام
حبيت احط كمين شنطة حبيتهم في الموقع
واخيرا
الباليتات الحلوووة اخترت احلاهم
الافضل في المبيعات هذا بالصورة الثانية
هذه الصورة الثالثة الي فهمته مثل التعبئة او انه جاهز ويشمل للشفايف والوجه من بلاشر وفاونديشين وبودر
اتمنى ما كثرت صور وحتى اشوفكم تتدورن في الموقع الخاص وتسئلون وتستفسرون وتعرضون التجارب الخاصة فيكم بمراعاة هامة جدا:
– الدردشة الخارجية ستحذف
– الاستفسارات التي لا تمت بالموضوع بصلة بتحذف
-عن الافادة اين نجد هذه الماركة الرجاء ذكرها بالتفاصيل حتى الكل يستفيد
نود منكم مشاركتكن وحتى الجيمع يستفيد بصحبة دردشتنا البسيطة
وقتا طيبا
بعد النجاح الي حققناه بدردشتنا في جزءها الاول
اولا : حبيت اشكر اختي الغاليه مسزز غموضه على الطرح الحلو
لموضوع الدردشه ( الجزء الثاني ) وطبعا مثل ما عودتينا يا غوغو
دايما طرحج للمواضيع مميز واختياراتج اكثر من رائعه …
ثانيا : ماركة بوبي براون غنيه عن التعريف منتجاتها في غايه الروعه
وموثوق منها في اكثر المنتجات ومن اكثر المنتجات المشهوره عندهم
الكحل الكريمي والفراشي صحيح ان سعر الماركه اغلى من باقي الماركات
بس بعض الاشياء تستاهل .
أكثر شي عجبني الفراشي والكونسيلر الي شكله بودر ويتحول كريمي انشاء الله
نجربهم بالمستقبل القريب
وأتمنى من الكل التفاعل معانا بهالدردشه ونقل تجاربكم لنا عشان الكل يستفيد
:15: ويعطيكم الف عافيه :15:
عاشقه الدوحه
بلاحظ انو هالشركة محبوبة من البنات الأمريكيات وخبراء التجميل والخليجيات ايضا" رغم انو ماجربت منها ايا شي
عموما" عندي صورة بتوضح الشايمر تبعية الوجة والخدود ومبين انو بيعطي healthy glow
ولأنو ما اشتريت شي من هالشركة مابعرف الاسعار لكن اكيد غالية متل كل الشركات وبتوقع موجودة بباريس غاليري والله مابعرف لكن عمري ماشفتها في بوتيك وجوة
اترككم مع الصورة تبعية الشايمر
وليش ماادري نفسي اسئلهم خخخخخخخخخخخخ
عسى ربي يحفظك ويقوييكي
بصرااحه نحن بحاجه لمثل هالمواضيع لتعزيز ثقافتنا بموضوع التجميل
ونتعرف اكثر على المنتجاات التجميليه
ابصراحه تحمست اني اشتري كريم اساس من هالماركه لانه قلتي يناسب
البشره الجااافه بس انصدمت يوم قالت الاخت محبه روشه انها غير موجوده بالسعووديه
صباح الخير يا حلوات
اولا حبيت اشكر الاخت البنفستيه الغاليه غوغو على الموضوع اللي طرحته هالمرة
عن ماركه بتستغربون اني ما شريت ولا جربت منها اي شي !!
و ثانيا اتمنى اني القى منكم و اكيد هذا الشي
ان شاء الله بحصل المعلومات اللي انا احتاجها عن هاي الماركه اللي دوم اسمع عنها بالخير
و مدح البنات لها
يسلمووووووووووووووو يا عسل و منكم نستفيد
مشكورة غوغو على اختيار هالماركة .. تدرين اشكثر اعشقها هالماركة 😮
و ابد ما شريت شي من عندهم و تحسفت عليه ..
اسعار الماركة غالية حتى بالنسبة للأجانب..
مؤسسة الماركة اسمها على اسم الماركة Bobbi Brown>> انسانه مبدعة
شعارها المكياج لاظهار الجمال مو خلق قناع يغطي و يغير معالم الوجه..
عشان جي ما عندها ألوان غريبة و فاقعة .. كل شي طبيعي و راقي
ماركة يبوها المحترفين اصة حق الممثلين و عروض الأزياء..
بعد الهذرة الطويلة ببدأ معاكم بتجاربي مع هالماركة..
أحلى شي و اختراع بالماركة هو pot Rouge..
اللي يمكن استخدامه كبلاشر كريمي أو روج.. ثبات عجيب و لون رهيب ..
الدرجه اللي عندي اسمها Blushed.. أحلى لون يعطي حمرة طبيعية للخدود و كروج لون طبيعي رائع و ممكن تضيفي غلوس و طلع شي
عندي غلوس وايد رائع لونه ياي برونزي روزي 😮
ما أذكر اسم الدرجة..
الي ما عجبني انه العلبة كلش صغيرة:ss: و الفرشاة مل التوزيع شوينوية خشنة .. شوييية بس
بس طالما اللون عاجبني بشتريه مرة ثانية
الفرش من أحلى الفرش اللي جربثها .. حتى أحلى من ماك .. غاليييين نار بس سعرهم فيهم
عدهم الفرش نوعين نوع بعصا قصير و الثاني طويل
من اليمين ثاني وحدة.. أعتقد اسمها fine eye liner brush.. حق الأيلينر و خاصة الجل ايلينر
رائعة هالفرشاة
و عندي فرشاة لدمج الشادو.. البعض يسميها فرشاة الموزة.. مفيدة لدمج المساحات الصغيرة
أرواجهم روعة.. ترطيبهم شي
الألوان رهيبة.. أول مرة أشوف ارواج مات و مرطبة
ما أذكر أسماء الدرجات .. واحد برونز و الثاني بني .. شكله يخرع بس لما تحطينه لونه مو غامق..
الليب لاينر مالهم حلو.. يرسم بسرعة و سهولة
البلاشر مالهم روعه.. ثبات و لون و لمعة .. عندي هالوردي
الكونسيلر مالهم هذا أكثر من رائع..
خاصة للمناسبات و الحفلات.. قوامه ثقيل يعني ما ينفع لكل يوم..
و لازم يندمج مع ابودرة الي تجي معاه .. بدونها اح يتكتل .. و أي بودرة ثانية نفس الشي ما تنفع
بس تضمنين طول المناسبة ثبات و اضاءة
و المفضل عندي و الحاصل على جوائز .. long wear gel eyeliner
بلون بنفسجي.. رهيب x رهيب .. جربت fluidliner مل ماك احسه ينشف بسرعة و توزيعه مو ايد سهل مثل هذا ..
ما قصرتوا بصراحة حبيت التفاعل الطيب منكم ولا تقصرون
وان شاء الله بحط ال3 اشياء من الماركة هذه
وشكر خاص جدا جدا جدا جدا جدا
لمنتهى كنت واثقة انك راح تتدخلين وتفيدنا
وبصراحة ما قصرتي بارك الله فيكي