اليوم يايبه لكن وصفة صورتها من سنه ونص:eek::eek::eek:
وعشاني كسولة ما نزلتها إلا اليوم
وللعلم الطريقه خذيتها من منتدى بيت حواء بس ناسية اسم
صاحبة الطريقة……يزاها الله ألف خير
نبدأ الحين
المقادير:
دياية منظفة بدون تقطيع
طماط
بصلة كبيرة مقطعة
صلصة طماط
بطاط مقطع شرايح كبار
فلفل أخضر (اختياري)
بهارات وملح
مكعب ماجي
زبدة
الطريقة:
افرمي الطماط، البصل والفلفل الأخضر، طبعا مع إضافة البهارات والماجي والملح وصلصة الطماط
هذا شكله
افركي الديايه بهالخلطه واحتفظي بالباقي….وأنا هنيه ربطت الديايه (لالالا مب خايفه تشرد)
خفت تتقطع
هاتي صينية فرن وحطي فيها ألمنيوم وحطي البطاط وصبي عليه الباقي من الخلطه وحطي فوقه
الديايه,,
حطي فوق الدياي شرايح طماط ووزعي الزبده عليه….ممكن الاستغناء عن هاي الخطوة
سكري الألمنيوم وحطي الصينية في الفرن
في هالوقت تقدرين تسوين حمص بالطحينه لو حبيتي
أنا يبت حمص علب، طحنته في الخلاط ويا شوية ماي وملح وشوية ليمون
ضفت عليه طحينية وخلطته زين
هاي الديايه عقب ما استوت
شلت الألمنيوم بحرص وفتحت الخيط ورديت الديايه في الفرن عشان تحمر
ونقدمها ويا سلطة
وحمص…………بالعافية عليكن
شكله يشههههي ماشاءالله عليك
يا هلا والله منورة الركن ياغاليتي
يعطيك العافيه ياقمـــــــــــــرر,,
السلام عليكم ورحمة الله وبركاته
ماشاء الله روووووووووووعه تسلم يمناج الغاليه
هنوده
السلام عليكم ورحمة الله وبركاته
أختي الغاليه
بغيت أخبرج أني سويت الاكله اليوم وطلعت ماشاء الله رووووووووووووعه وريلي بعد وايد عيبه بس أنا ما حطيت فيه فلفل أخضر بس البهارات المخلوطه كان فيها فلفل احمر شوي
تسلمين عزيزتي وفي إنتظار يديدج
هنوده
شكلها روعة
اغلى من الالماس
تسلمين على ردج الكريم
العنود بنت الرياض
سلم غاليج اختي ومشكووووورة
^ السفيرة^
أسعدني مرورج يا سفيرتنا وردج أكبر تقدير
هنوده1
مشكورة اختي وبصراحه استانست يوم خبرتيني
انج يربتي الوصفه،،،،بالعاااااااافية عليكم جميعا
Blossoms
سلم غاليج ولا تحرمينا من طلتج
مشاعل نور
مرورج الأروع …مشكووورة