خواتي نكمل دردشاتنا الرمضانية معاكم واليوم دردشتنا غير ,, لأنها مع أخت غير ,,
أختنا في دردشة هالأسبوع هي
الغالية / البــندري
أختنا البــندري خبيرة بمعظم الماركات والمستحضرات ,, من ميك أب وعناية بالبشرة وعطور وكريمات للجسم ,
أختنا بدون مبالغة تمتلك لأكبر كمية من المستحضرات في الخليج العربي 
<< ترى أنا شفت
مكياجها وعطرها محد قاللي ,,
يعني عن جد هاللقاء وهالدردشة راح تكون ممتعة وشيقة ومفيدة ومليئة بتجارب وخبرات
حبيبتنا البندري ,,
أتمنى تسإلون كل اللي تبونه بخصوص عالم التجميل والتجمل ترى ضيفتنا عن جد خبيرة قديرة ,,
وأرجو الابتعاد عن الأسئلة الشخصية
وانا اللي يسعدني اني اكون بينكم .. وارد على استفسارتكم واسألتكم باللي تامرون فيه
بغيت اسالج…شنو اقرب الوان الروج الى قلبج..لول…وابغي الاسماء لو سمحتي…
وشي ثاني شنو احسن فرشاة استخدمتيها للكحل الكريمي…ومن وين وكم رقمها…
وبعد في شي…بشنو تزيلين المكياج….؟
وبس سلامتج …اتمنى مااكون ثقلت عليج
الغاليه بخصووص الالوان القريبه مني البيج والوردي اللي على بيج ودرجات الوردي .. والمشمشي الفاتح .. واكثر شي عندي الغلوسات 
احسهم عمليين اكثر
وعن الاسمااء والله واايد …بس هالاياام استخدم اكثر شي hig tea من ماك وhug me
بخصوص فرش الكحل .. جربت وايد ..
بس اللي احبهم اكثر شي من ميك اب فور ايفر s2
وثاني وحده من تحت من ماركة تريش مكافي روعه وتجنن وحلوه لرسم العين وهالماركه بتلقينها باوربا
من ماك اللي بالصوره .. بس عيبها انها مش متمااسكه ..
ولمدامع العين .. فرشاه بن فت المايله
والمكياج الله يسلمج .. اول شي ازيله بمناديل مزيله للميك اب من ماك ..
وبعدين اغسل وجهي بغسول طبي من فيجي وايد حلوو وينفع للي بشراتهم دهنيه لانه ينشف.. وينظف عدل ..
وهذول اللي استخدمهم اذا ماعندي مناديل وفي المخصص للعين فقط من ديور.. وقوامه زيتي حلو للماسكارا الوتر بروف يشيل الماسكارا بطريقه حلووه
وأي سوال الغاليه .. انا بالخدمه
هاغ مي عندي بس ابغي اشتري هاي تي من لسته الاغراض اللي ابغيهم..يسلمووووووووو
وعيونج الحلووه اللي تشوف كل شي حلو
واذا تبين اي مساعده بماك مري على فلما تراها خطيره وذوقها رهيب تعطيج اللي يناسب بشرتج .. وانتي شوفي واختاري .. اللي يعجبج .. منهم
عندي سؤال صغرون وايد…
أبي آخذ لي كريم عيون و نفس الوقت يعالج الهالات السودة.. جربت كلارينس و تحسست منه.. جربت غرلاين ما فادني و ما ضرني.. حاليا أستخدم Age delay Eye Gel من Chanel… حلو و خفف الهالات.. بس أحس أنه في أحسن منه :gum:
حاطة ببالي إما Sheisido أو كانيبو … جربت أي واحد فيهم?? و إذا ما جربت بأيش تنصحيني??
أشكرج مقدما…
مرحبا اختي البندري
حبيت استفسر عن طريقة استخدام الشدو المائي من كريولاين وبأي فرشاة
وشكرا
مرحبا اختي البندري
حبيت استفسر عن طريقة استخدام الشدو المائي من كريولاين وبأي فرشاة
وشكرا
ولدي بعض الأسئلة
ماهو كريم أساسك المفضل بالصور؟
جميع كريمات الأساس التي تستخدمينها بالصور مع ذكر فائدة كل كريم
ياليت تصوري الأرواج والغلوسات اللي تستخدميهم إذا ماكان عندك مانع
ماهو الشيء الذي لاتستغني عنه من ماك بالصور؟
عطرك المفضل؟
وألف شكر لك أختي الكريمة