زايد النشاط حق الطبخ هاليومين فقلت خل اصور لكم ….يمكن الطريقه معروفه وتقليديه
بس خاطري تشوفونه خخخخخخخخ
المقادير
العجينه
اربع كاسات طحين …افضل طحين دبي او قطر روعه للمرقوق والمطازيز وهاشغلات الشعبيه
ومويه وملح
الطريقه
اعجنيها لين تحسين العجينه شوي قاسيه يعني الماء اضيفه تقديري مب عدد معين بعدين اتركيها على جنب
االحين نجي للمرقوق
مقاديره
كميه لحك مقطع صغار او دجاج حسب الرغبه
1 بصله كبيره
5 حبات ثوم
قطعتين زنجبيل صغار
4 طماط مطحون
ملعقتين صلصه
بهارات مشكله
كمون
فلفل اسود
اربع حبات ماجي
2 كوسا
2 بطاطس
2 جزر
3 حبات فلفل حار
الطريقه
تحمسين البصل ويا الثوم والزنجيبل لين يتشقر عقبها حطي اللحم وخليه يتجانس معه واضيفي الطماط مع الصلصه والماجي والبهارات والكمون وخليها ثلاث دقايق بعدها اضيفي المويه لنص القدر تقريبا
بعد ساعه او لحد مايستوي اللحم اضيفي البطاطس والكوسا والجزر والفلفل الحار وبعد خمس دقايق يعني اذا حسيتي الخضار قربت تستوي ابتدي سوي المرقوق
وطريقتها سهله …خذي قطعه من العجينه وافرديها بالنشابه وحطيها بالفدر بس خليها رقيقه حيل ولاتقطعينها وحطي ثانيه وثالثه ورابعه وهكذا لاخلصتي بالاخير قطعيهم صغار وهم بالقدر
وخليه خمس دقايق على نار هاديه وبعده قدميه بالعافيه وحطي على الوجه شوي فلفل اسود وسمن …
واستمتعي بالطعم >>> اعلانات خخخخخخ
اخليكم مع الصور عشان توضح اكثر ولاتحرموني من الردود والتشجيع :shy:
هذي صوره العجينه
وهنا فردتها خليتها رقيقه حيل
وحطيتها بدون مااقطعها بالقدر
وهذا الشكل النهائي
معليش الصور حجمه كبير ياليت المشرفات يعدلونها لي لاني ماعرف 🙁
اتمنى يعجبكم المرقوق:shy:
وتسلم ايدج يارب على الطبق الراااااااااائع..ماشاء الله يشهي
بصراحه شكله مغري وخاصه بهالبرد
ماقصرتي وتحياتي لج
وراح اسويها
ماشاءالله روعــــــــــــــــــــــــة
يعطيك العافية ياالغالية على هالوصفة الرائعة
ولا تحرمينا من جديدك
معظم السعوديين يعشقون المرقوق
يعطيك العافية على الشرح الحلو
تحياتي ……..
تسلم ايدج ويعطيج الف عافيه
مع حبي