الوسم: المهند

عودين بصل أخضر + قرن فلفل أخضر مفروم + بقدونس مفروم + مبشور الجزر

حبتين بطاطا مسلوقة

علبة تونة

البهارات : كركم + فلفل أسود + فلفل أحمر بودرة + بهارات هندية ( الكمية حسب رغبك )

طبعا ما أضفت الملح اكتفيت بالملح الموجود في التونة ، ولو حبيتي تضيفي براحتك

الطريقة

نشوح الخضار في زيت زيتون ونضيف لهم فصين ثوم مبشورين عشان النكهة (y)

نضيف علبة التونة بعد ما صفيناها من الزيت اللي فيها

ومن بعد نضيف البهارات ،،

وننتظر شوي لين ما تلين عندنا المقادير وتاخذ نضجة بسيطة

نحط المقادير على البطاطا المهروس مسبقا ونعجن فيهم ،،

وبيصير شكلها هيك ،، تأكدي من تجانس جميع المكونات ويا بعض ،،

ونبدأ بتشكيل العجين الشكل اللي تجبينه ، بس الكتاليس معروفة أشكاله اما دوائر أو مستطيلات

ونبدأ عملية القلي في الزيت الغزير ،،

نحتاج للبيض والبقسماط والطريقة معروفة طبعا ،، نحط الكتاليسة في البيض بالأول وعقب في البقسماط وعلى طول بالزيت الحامي ،،

وبالأخير راح يصير عندنا هالشكل الغاوي يمي يمي :tongue:

صورة من قريب (6)

وفي هالأثناء نجهز الصلصة اللي نغمس فيها الكتاليس عشان طعم ألذ ( وهنا براحتك ممكن تستغني عنها وتاكليها بروحها ) ،،

هي شبيهة بالمتبل ومقاديرها باذنجان شويته في الفرن ،،

وفي الخلاط حطيته ويا ( ملعقتين طحينية + نصف ليمونة + شوية ملح + ملعقتين روب زبادي + 3 فصوص ثوم ) ،،

وهاي شكله بعد العجن ، على فكرة ما يحتاج تطحني كثير يعني بس لين ما تشوفي ان المقادير صارت مهروسة ،،

وبالأخير هاي اللوك النهائي لطبقنا الشهي وبالهنا والعافية عليكم حبيباتي ،،

تسلمين الحبة ، وبالدجاج سويتها بس بالتونة الكتاليس معروف ( توووونة فقط ) ،،

وبالتونة تطلع شي خصوصا لو شوحتي التونه عشان الريحة والزفرة تروح ،،

وعساه صباح منور عندكم ومسا منور عندي بطلتك الغاوية ،،

الكتاليس غير الكفتة ،،

يمكن لأن الكتاليس أساسه تونه عندنا ،، مدري خخخخ المهم هاي اسمها كتاليس .. :tongue:

وبالنسبة للجبن الشيدر لالالالا ما أحب أضيفه ويا التونة يعطي طعم :confused: الله المستعان ، ايه قولي ويا الكاتشوري والكفتة بس هنيه الشيمة ما تطلع يمي كلش واسأل المجرب ،، 😉

وهذا يختي ما اسمه متبل ، مدري شو أسميه بس طريقته مشابهة للمتبل ،،

دوري له اسم تكفين :tongue: ،،

خلاص يعني سميتوه متبل براحتكم :tongue:

وكفتة الدجاج طريقتي فيها غير عن ذي ىحاول وقلت بحاول كان شفت فرصة بسويه وأصوره بإذن الله ،،

الثوم أساس المتبل وأساس هاي اللي أنا سويته مدري شو اسمه :tongue:

ما خبروك لنا قاموس خاص في المسميات ،،

يختي يا أم صلوح لا تتدلعي وباكر ناطرين منك طبق غاوي من يدك الغاوية ،،

محد شيف أبوي كل حد شيف نفسه وباكر موعدنا

اليوم اشتهيت على العشا آكل دجاج كنتاكي بعمل ايدي .. سبق وجربتها بس عن طريق الشوي بالفرن وليس القلي << باغية تبدع حضرتها :p ،، بس طلعت أضحوكة بربكم وشكلها كان الله المستعان :thumbs_down: .. وهالمرة نويت أسويها ثاني بس بالقلي ،، رغم إني ما كثير أحب المقالي بس مجبر أخاك ..

شفت كثير طرق من النت ومن صاحباتي جزاهم الله كل خير ،، بس لازم شوي نبدع من بنات أفكارنا :p ..

ومع شوي تخريفات واضافات بسيطة طلع الكنتاكي يمممممممممي ،، :thumbs_up:

بخليكم مع الصور والشرح ،، :L:

دجاجة كاملة غسلتها ونظفتها ودلعتها وقطعتها أرباع ،،

حطيتها على النار مع شوية ماي تنسلق ويا بهارات عبارة عن نص ملعقة من ( الملح + الكركم + الكمون + الفلفل الأسود + الهيل )

وقطعت بصلة صغيرة عشان تعطي نكهة يمي وتشيل زفر الدجاج :thumbs_up: ،،

للعلم ،،

أغلب طرق دجاج الكنتاكي اللي شفتها ما يسووا هالمرحلة :rolleyes: ، ، وحبيت أسويها عشان أضمن إن الدجاج راح يكون ناضج عدل مدل من داخل وبدون ما تصير معاي مفاجآت لاحقاً :worn_out: ،، والسبب الأهم إني ما بغيتها تنقلي وتطول كثير بالزيت لين تتشربه .. من مبدأ الحفاظ على الصحة ..

تأكدت إن الدجاج نضج ، شلته في المشخال وخليته فيه لين ما يتصفى تماماً من الماي ويبرد شوي معاي ،،

في هالأثناء زهبت التتبيلة الخاصة بدجاج الكنتاكي وهاي التتبيلة اختيارية ..

تتبيلتي كانت عبارة عن ( عصير ليمونتين + شوي ملح ( لأن الدجاج سلقناه وفيه ملح ) + فلفل أسود + كمون + شوي قرفة + فص ثوم مهروس عشان النكهة الشهية ) ..

صبينا التتبيلة فوق الدجاج المسلوق وتركناه يتشربها حوالي الربع ساعة مثل هالصورة ،،

بعد ما طافت الربع ساعة ،، بالطحين نلبس الدجاج المسلوق والمنقوع مسبقاً في التتبيلة ،،

ونتركه 10 دقايق بالفريزر عشان يتماسك الطحين مع التتبيلة ( قبل مرحلة القلي ) ..

في هالأثناء نكسر 4 بيضات ونجهز البقسماط عشان مرحلة القلي ،،

البقسماط اللي وياي تلاحظون فيه قطع صغيرة من الورق الأخضر اليابس ( ذاك زعتر بري أو ما يسمى بالأوريغانوو ) .. عطاه نكهة إضافية ..

واعذروني ما صورت المرحلة الأخيرة لأن العملية يبالها سرعة ،، 😮 ..

وفيها تم قلي الدجاج الملبس بالطحين ،، غمسناه بالبيض وعقب في البقسماط وعلى طول في الزيت الغزير ( المسخن مسبقاً ) ،، :thumbs_up:

طبعاً ما أخذ مني وقت في القلي بس عشان التحمير قليتها ( وهذا هو المهم ، عشان ما تكون زيتية ودسمة كثير ) ..

وكانت النتيجة النهائية ولا أرووووع ،، شكل وطعم ومذاق ونكهة غير طبيعية ،،

سموا بالله .. وتفضلوا بالعافية على قلوبكم ،، :adore::adore:

المقادير مثل ما هو موضح بالصورة ،،

4 حبات بطاطا مسلوقة ،،

ملح + كركم + فلف أسود + فلفل أحمر بودرة + ثوم مفروم + قرن فلفل مفروم + ورق الغار مكسر لقطع صغيرة

سمن بلدي النوع اللي تحبي ( أنا سويت السمن العماني )

الطريقة ،،

في السمن نقلي جمييييييييع المقادير لين ما يتجانسوا وتطلع منهم الريحة اليمي يمي (y)

وسامحوني بعض المراحل نسيت أصورها بس بإذن الله تكون واضحة لكم ،،

أنصحكم فيه لأنه بجد (y) ..

والحين الطبق الثاني الكلاج باللحمة المفرومة ،، وإليكم المقادير ،،

ورق الكلاج ،،

الخضار عبارة عن : بصل مفروم + بطاطا مفرومة + جزر مفروم + فلفل حلو مفروم + قرن فلفل مفروم + طماطم مفروم … وهنا انتوا اللي تقدروا الكمية وفي طريقتي كانت هالكميات كافية وزيادة

نشوح جميع المقادير مع شوية كركم وملح وفلفل أسود وعقب نضيف لهم اللحم المفروم ..

وبعد ما تنشف ويانا الخلطة من الزيت والماي وغيره من سوائل نحطها على الكلاج اللي صفيته مسبقا في الصينية وأكيد الطريقة تعرفونها ،، بين كل شريحة والثانية تحطون زيت وبراحتكم في العدد أنا سويت في القاع 4 ورقات من الكلاج وبين كل وحدة والثانية دهنت بالسمن ، وعقب صبيت اللحم المفروم وسكرته ب 4 ورقات كلاج غيرهم بنفس الطريقة وكان هذا شكلهم الأخير بعد ما طلعتهم من الفرن ،،

طبعا سويتهم في الصينية اللي نقدر نفك أطرافها ،،

وهنا شكلها بعد ما فكيت الأطراف ،،

وهنا بعد ما قطعتها يمي يمي يمي

ودش المطبخ ولي العهد ( المهند ) فديت روحه يقولي ماما سوي داخله جبن كيف يطلع ( يقصد داخل ورق الكلاج ) ، قلت له انزين تعال نخترع شي ،،

راح جاب الجبن المفضل له من الثلاجة وهاي شكله

راح فتتهم بروحه بهالشكل ، تقدرون تركزون شو نوعية الجبن هذا ،، من النوع اللي يذوب داخل الفرن والفم يمي يمي يمي

وحشينا الجبن داخل ورق الكلاج بشكل اسطواني بعد ما حطينا على الوجه زيت ودخلناه الفرن من فوق وتحت وهاي كان شكله الأخير بعد ما سقيناه بالشيرة وطلع شي يجنن ،، لاحظوا كيف ذاب الجبن 😉 ..

صباحك خير يا رب ،،

بالنسبة للطبق الثاني ما سويت له شي بس زيت على الوجه ،

طحين الحمص أهم سامان رمضان ، عاد ماشي فايدة تشتريه تو ناس جالسة تخلص السامان وانتي بتروحي تاخذيه :tongue: ..بالمناسبة ايش اسمه عندكم في السعودية ؟! أقصد طحين الحمص انتوا بعد تقولوا عليه نخي ؟

المقادير مثل ما هو موضح بالصورة ،،

4 حبات بطاطا مسلوقة ،،

ملح + كركم + فلف أسود + فلفل أحمر بودرة + ثوم مفروم + قرن فلفل مفروم + ورق الغار مكسر لقطع صغيرة

سمن بلدي النوع اللي تحبي ( أنا سويت السمن العماني )

الطريقة ،،

في السمن نقلي جمييييييييع المقادير لين ما يتجانسوا وتطلع منهم الريحة اليمي يمي (y)

وسامحوني بعض المراحل نسيت أصورها بس بإذن الله تكون واضحة لكم ،،

أنصحكم فيه لأنه بجد (y) ..

والحين الطبق الثاني الكلاج باللحمة المفرومة ،، وإليكم المقادير ،،

ورق الكلاج ،،

الخضار عبارة عن : بصل مفروم + بطاطا مفرومة + جزر مفروم + فلفل حلو مفروم + قرن فلفل مفروم + طماطم مفروم … وهنا انتوا اللي تقدروا الكمية وفي طريقتي كانت هالكميات كافية وزيادة

نشوح جميع المقادير مع شوية كركم وملح وفلفل أسود وعقب نضيف لهم اللحم المفروم ..

وبعد ما تنشف ويانا الخلطة من الزيت والماي وغيره من سوائل نحطها على الكلاج اللي صفيته مسبقا في الصينية وأكيد الطريقة تعرفونها ،، بين كل شريحة والثانية تحطون زيت وبراحتكم في العدد أنا سويت في القاع 4 ورقات من الكلاج وبين كل وحدة والثانية دهنت بالسمن ، وعقب صبيت اللحم المفروم وسكرته ب 4 ورقات كلاج غيرهم بنفس الطريقة وكان هذا شكلهم الأخير بعد ما طلعتهم من الفرن ،،

طبعا سويتهم في الصينية اللي نقدر نفك أطرافها ،،

وهنا شكلها بعد ما فكيت الأطراف ،،

وهنا بعد ما قطعتها يمي يمي يمي

ودش المطبخ ولي العهد ( المهند ) فديت روحه يقولي ماما سوي داخله جبن كيف يطلع ( يقصد داخل ورق الكلاج ) ، قلت له انزين تعال نخترع شي ،،

راح جاب الجبن المفضل له من الثلاجة وهاي شكله

راح فتتهم بروحه بهالشكل ، تقدرون تركزون شو نوعية الجبن هذا ،، من النوع اللي يذوب داخل الفرن والفم يمي يمي يمي

وحشينا الجبن داخل ورق الكلاج بشكل اسطواني بعد ما حطينا على الوجه زيت ودخلناه الفرن من فوق وتحت وهاي كان شكله الأخير بعد ما سقيناه بالشيرة وطلع شي يجنن ،، لاحظوا كيف ذاب الجبن 😉 ..

صباحك خير يا رب ،،

بالنسبة للطبق الثاني ما سويت له شي بس زيت على الوجه ،

طحين الحمص أهم سامان رمضان ، عاد ماشي فايدة تشتريه تو ناس جالسة تخلص السامان وانتي بتروحي تاخذيه :tongue: ..بالمناسبة ايش اسمه عندكم في السعودية ؟! أقصد طحين الحمص انتوا بعد تقولوا عليه نخي ؟

قبل كم يوم سافرنا نغير جو من الولاية اللي نحن فيها حالياً بأمريكا لولاية أخرى عن طريق البر ، عسب نتدفى شوي من أجواء الثلوج اللي معانا ..

الطريق كان 16 ساعة بالبر ، قسمناهم على مدار يومين ..

وبما إن المشوار طويل ، فكرت أعمل حلا يرافق دلة القهوة اللي سويتها ، وفي نفس الوقت نتسلى بالأكل في الطريق ،، واستقرت بي الأفكار على كيكة خفيفة ( سهلة الحفظ ) وما تخرب علينا بعد .. :042:
ما نسيت أصورها لكم ، نبدا بسم الله تعالى ..

المقادير :

في الخلاط نخلط بالتدريج :
2 بيضة + كأس ونصف سكر + ملعقة صغيرة فانيلا + ربع كأس زيت + نصف اصبع زبدة لينة + علبة زبادي + كأس ماي ..

والصور هنا بالتدريج ..

بالتدريج أيضاً نضيف كأسين طحين مخلوط فيهم ملعقتين بيكينج بودر ..

لاحظوا الطحين قبل لا أخلط فيه الباكنج بودر ، طبعا هالطريقة أعتمدها في الكيك لأنه يخليه منفوش أكثر ، وناضج من داخل

وبعد ما يجهز الخليط ويانا ،، نضيف كم ملعقة اختيارية من بودرة الشوكلاتة ،، بس أختكم ما كان عندها فطلعت النسكويك تبع المهند وسويت منه << شفتوا التورط يخليك تبتكري حاجات ..

وخلاص نصب الخليط في الصينية وندخله الفرن ..

في هالأثناء أزهب صوص الشوكلاتة لين ما تنضج الكيكة وتبرد أضيف لها من هالصوص مباشرة

مقادير الصوص ..

علبة قشطة + ربع كوب سكر + اصبع زبدة + لوح شوكلاتة ..

في حمام مائي نذوب جزء من الشوكلاتة ( الكمية اختيارية ) ،،

وفي جانب آخر – نسيت أصور المرحلة هاي – نذوب السكر لين ما يشقر لونة ، وعلى طول نضيف الزبدة ومن ثم القشطة ،، ونمزجهم كلهم سوا ..

أول ما تزهب الكيكة من الفرن ، نخليها تبرد شوي وعقب نضيف الصوص عليها ،،

هنا الكيكة أول ما طلعت من الفرن

بديت أكسيها بالصوص :032:

بعد ما انتهيت منها

بعدين بشرت شوي من لوح الشوكلاتة وأضفته على سطح الكيكة ..
تقولوا نثارة خشب :047:

وأترككم الحين مع اللوك الأخير للكيكة ،، جربوها شهية ولذيذة وسهلة بعد ،،
صدق استمتعنا فيها بالطريق مع القهوة ،،

بالهنا والعافية على قلوبكم ،، لا تنسونا من دعواتكم ،،

نبدأ بسم الله بالمقادير :

المقادير ( أ ) ..

تتكون من // بصلة مقطعة شرائح كبيرة شوي + بطاطا حبة وحدة مقطعة مربعات + 4 فصوص ثوم مهروسين + 4 ملاعق روب الزبادي + بهارات ( ملح ، فلفل أحمر بودرة كثري شوي ، فلفل أسود ، كركم ، كمون ، شوووي بابريكا ، شوووي قرفة + بهار هندي أي نوع معاك أنا كان معاي ( كاري مدراس ) بإمكانك تضيفي فلفل أخضر بس لأن معاي العيال ما بغيت أكثر من الشطة ، يكفي الفلفل الأسود والأحمر ..

صدر دجاجة كاملة أو لحم دجاج أي جزء بدون العظام ، بصراحة أنا ما كان عندي صدور اللي متوفر وياي هي الأفخاذ فقط فرحت أشرحها تشريح أطلع اللحم منها وقطعته قطع صغيرة

المقادير ( ب ) ..

تتكون من // جزء من البهارات من المقادير ( أ ) + مكعب ماجي واحد + حبتين جبن أي نوع + نصف علبة طماطم صوص + ملعقة صغيرة نشا

الطريقة نبدأها مع مقادير المجموعة ( أ )

في مقلى أو صفرية اللي تحبي ،، نحط قطع الدجاج بدون أي اضافة لييين ما نلاحظ ان الماي اللي بالدجاج كله نزل وتبخر ،، وهنا المراحل توضح لكم (y)

وبعد ما نزل الماي كله وتبخر نحط الثوم المهروس في الدجاج ونتركه ينقلي مع الدجاج شوي بس ،،

ثم نضيف روب الزبادي <<< هو أهم المقادير على فكرة لأنه بيعطي نكهة طيبة

وفي نفس الوقت نحط البهارات من المقادير ( أ ) ونقلب فيهم ،،

نضيف قطع البطاطا ونخليهم شوووي بس لين يتجانس الخليط مع البطاطا ، ومن ثم نضيف البصل ونخلط فيهم

ونخلي المزيج كله مع بعض لمدة 10 دقايق ، خلال هالدقايق تحضرين مقادير المجموعة ( ب ) 😎

في الخلاط نحط كاسين ماي وجميع مقادير المجموعة ( ب ) ،،

نخلطهم في الخلاط وراح يصير معاك هالمزيج يم يم يم الريحة تدوخ :tongue:

بعد ما تنتهي ال 10 دقايق نروح صابين كل خليط المجموعة ( ب ) في مقادير المجموعة ( أ ) ،،

طبعاً أنا غيرت من المقلى للصفرية عشان المساحة ما تضيق معاي

ونخليهم حوالي نصف ساعة بالضبط لييين ما تنضج معانا كل المقادير وبالذات البصل والبطاطا

لاحظوا القوام بعد نص ساعة كيف صار ثقيل وطبعا النشا له دور في ثقل القوام مثل ما نعرف ،،

ملاحظة ،، لا تنسي في كل مرة تقلبي الطبخة عشان ما تلتصق معاك في قاع الصفرية ،،

وبكذا نكون خلصنا طبختنا الجهنمية ،، طبعاً تقدرون تاكلونها مع الخبز أو الرز براحتك وهي طبخة تنفع تسويها للغداء أو العشاء ،، أنا سويتها للغدا مع الرز وشوفوا اللوك النهائي لطبختنا الهندية (y)

بصراحة ذاك اليوم حسيت حالي تغديت من الخاطر ، لأني من محبي الأكل الهندي كثير ، والأحلى إن الحلوين اللي معاي استانسوا بأكلها بعد ، وهنا وعافية على قلوبكم جميعاً ..

ايه وياكم الصبح ومعانا الليل يا سبحانه ،،

ما عليه صايرة ما أعمل حساب لتوقيتكم :tongue:

مشكورة يا عمري على تواجدك وفي انتظار تجربتك لطبخة وعسى تعجبك وضامنة انها كذلك (y)

نبدأ بسم الله بالمقادير :

المقادير ( أ ) ..

تتكون من // بصلة مقطعة شرائح كبيرة شوي + بطاطا حبة وحدة مقطعة مربعات + 4 فصوص ثوم مهروسين + 4 ملاعق روب الزبادي + بهارات ( ملح ، فلفل أحمر بودرة كثري شوي ، فلفل أسود ، كركم ، كمون ، شوووي بابريكا ، شوووي قرفة + بهار هندي أي نوع معاك أنا كان معاي ( كاري مدراس ) بإمكانك تضيفي فلفل أخضر بس لأن معاي العيال ما بغيت أكثر من الشطة ، يكفي الفلفل الأسود والأحمر ..

صدر دجاجة كاملة أو لحم دجاج أي جزء بدون العظام ، بصراحة أنا ما كان عندي صدور اللي متوفر وياي هي الأفخاذ فقط فرحت أشرحها تشريح أطلع اللحم منها وقطعته قطع صغيرة

المقادير ( ب ) ..

تتكون من // جزء من البهارات من المقادير ( أ ) + مكعب ماجي واحد + حبتين جبن أي نوع + نصف علبة طماطم صوص + ملعقة صغيرة نشا

الطريقة نبدأها مع مقادير المجموعة ( أ )

في مقلى أو صفرية اللي تحبي ،، نحط قطع الدجاج بدون أي اضافة لييين ما نلاحظ ان الماي اللي بالدجاج كله نزل وتبخر ،، وهنا المراحل توضح لكم (y)

وبعد ما نزل الماي كله وتبخر نحط الثوم المهروس في الدجاج ونتركه ينقلي مع الدجاج شوي بس ،،

ثم نضيف روب الزبادي <<< هو أهم المقادير على فكرة لأنه بيعطي نكهة طيبة

وفي نفس الوقت نحط البهارات من المقادير ( أ ) ونقلب فيهم ،،

نضيف قطع البطاطا ونخليهم شوووي بس لين يتجانس الخليط مع البطاطا ، ومن ثم نضيف البصل ونخلط فيهم

ونخلي المزيج كله مع بعض لمدة 10 دقايق ، خلال هالدقايق تحضرين مقادير المجموعة ( ب ) 😎

في الخلاط نحط كاسين ماي وجميع مقادير المجموعة ( ب ) ،،

نخلطهم في الخلاط وراح يصير معاك هالمزيج يم يم يم الريحة تدوخ :tongue:

بعد ما تنتهي ال 10 دقايق نروح صابين كل خليط المجموعة ( ب ) في مقادير المجموعة ( أ ) ،،

طبعاً أنا غيرت من المقلى للصفرية عشان المساحة ما تضيق معاي

ونخليهم حوالي نصف ساعة بالضبط لييين ما تنضج معانا كل المقادير وبالذات البصل والبطاطا

لاحظوا القوام بعد نص ساعة كيف صار ثقيل وطبعا النشا له دور في ثقل القوام مثل ما نعرف ،،

ملاحظة ،، لا تنسي في كل مرة تقلبي الطبخة عشان ما تلتصق معاك في قاع الصفرية ،،

وبكذا نكون خلصنا طبختنا الجهنمية ،، طبعاً تقدرون تاكلونها مع الخبز أو الرز براحتك وهي طبخة تنفع تسويها للغداء أو العشاء ،، أنا سويتها للغدا مع الرز وشوفوا اللوك النهائي لطبختنا الهندية (y)

بصراحة ذاك اليوم حسيت حالي تغديت من الخاطر ، لأني من محبي الأكل الهندي كثير ، والأحلى إن الحلوين اللي معاي استانسوا بأكلها بعد ، وهنا وعافية على قلوبكم جميعاً ..

ايه وياكم الصبح ومعانا الليل يا سبحانه ،،

ما عليه صايرة ما أعمل حساب لتوقيتكم :tongue:

مشكورة يا عمري على تواجدك وفي انتظار تجربتك لطبخة وعسى تعجبك وضامنة انها كذلك (y)

كل عام وأنتم بخير إن شاء الله ،،

أهلاً وسهلاً بكم من جديد في مطبخي للمأكولات الهندية :biggrin: ..

مثل كل مرة ، أحاول أجيب لكم أطباق سهلة وخفيفة عشان ما تتعبون من وقفة المطبخ :p ..

طبعاً مثل ما هو مبين بالعنوان ،، طبقنا هو ( مرقة البيض المسلوق ) ..

حياكم نشوف المقادير والطريقة ،،

بسم الله نبدأ ..

بيض مسلوق ،،

خضار مكونة من : حبة بصلة + بقدونس + فلفل أخضر مشطط + فصين ثوم مهروسين + فلفل حلو ..

البهارات عبارة عن نص ملعقة صغيرة من : الملح + الكركم + فلفل أسود + بهار هندي + زنجبيل ناعم + كمون ،،

الطريقة ،،

في صفرية ،، نحمس جميع الخضار بملعقتين سمن وليس زيت انتبهوا ،، لأن السمن يعطي للمرقة نكهة يمي .. :thumbs_up:

بعد ما تذبل الخضار نحط طماطم مقطعة مربعات ،، F:

في الأثناء اللي يستغرق فيها الطماطم عشان يذبل ، نقلي البيض اللي سبق وسلقناه ،، ايه لا تتفاجأوا نقليه في زيت زيتون .. راح تحسوا وانتوا تاكلون هالطبق كأنكم تاكلون نوعين من البيض ،، مسلوق ومقلي في آن واحد :biggrin: ..

وهنا في مرحلة ذبول الطماطم ،، نحط البهارات على طول ..

ثم ملعقتين معجون الطماطم ،،

ثم ملعقة واحدة زبادي ( روب ) .. <<< سر نكهة كل مرقة هندية لااازم يحطون لها زبادي عشان القوام واللون البرتقالي الجميل اللي يضفيه والأهم من كل هاي الطعم الجناااان ،، :adore:

وهاي اللون اللي أقصده 😮 ..

ثم نضيف البيض ( المسلوق والمقلي ) ..

وبكذا نكون خلصنا طبقنا الشهي ،، وبإمكانكم تاكلونه ويا الرز أو الخبز ،، وممكن على الغدا أو العشا :thumbs_up: ،،

وهاي اللوك الأخير لطبقنا مع الرز ..

وصحتين وعافية على قلوبكم الحلوة يا رب ،، أتمنى تجربوا الطبق لأنه جد شهي ومميز وتجديد من الأطباق المعتادة <<< تقصد اللحم والدجاج :worn_out: ..