السلام عليكم ………
جبت ليكم غدا النهارده عمايل ايديا وحياه عنيا:eek::cool: ………
وصورتهالكم بالتفصيل الممل جدا جدا 😉
مسقعه باللحمه المفرومه مع البطاطس باللحمه المفرومه برضه 
………….
المقادير :
2 باذنجان قليه
2 فلفلايه رومى متوسطه او واحده كبيره
4 بطاطس متوسطه او كبيره (على حسب الرغبه)
2 بصله (واحده مفرومه وواحده شرايح)
1طماطمايه كبيره ,, عصير 2 طماطم
3فصوص ثوم
بهارات (بهارات مشكله, فلفل اسود, كمون, مكعب ماجى,ملح,1 حبهان(هيل)
لحمه مفرومه طبعا
وطبعا بوتاجاز وفرن 😉
شوفوا بقى الخطوات وهتعرفوها ………..
اولا: حمرت الباذنجان
والبطاطس وجزء من الفلفل الرومى
نيجى للحمه المفرومه
نكون حمرنا البصل للون البيج مش الدهبى كل لون بيعمل نكهه مختلفه
نحط عصير 2 طماطم ..
وبعد ماخلصناها نجيب الصينيه ونحط شويه سمن او زيت <<<مش كتير لانها بتنزل زيوت لوحدها
ونفرد البصل الشرايح
والطماطم
و نص مقدار البطاطس
ونصف مقدار الباذنجان وعليه الفلفل المحمر
وتلات تربع اللحمه المفرومه
ورصيت تانى باقى كميه البطاطس فوقه
والباذنجان والفلفل الرومى (مش محمر) بحبه بيدى نكهه جميييله قوى غير المحمر
وعصير الطماطم (حوالى 4 طماطم وعليهم البهارات كلها مع حبه الهيل ومكعب الماجى والثووم )
وبعدين نكون سخنا الفرن ونحطها ……………وطبعا تتابعيها ولو عندك شوربه ولقيتيها نشفت قوى حطى كبشه زوئننه خاالص
************************************************** ******
على ماتستوى فى الفرن عملت افتكاسه
جبت 2 بطاطس كبيره مكعبات
مع طمطمايه كبيره وفلفلايه رومى>>>>بدخله فى كل حاجه الرومى ده :15:
بحط فى الحله شويه سمن <<< السمن اللى بتديله طعم جامد بصراحه,, الزيت لآ :ss:
وعليهم بقى بحط البطاطس واشوحهم شويه وبعدين ضيفت الطماطم مع الفلفل
باقى اللحمه المعصجه ومعاها البهار طبعا اللى تحبيه …
وبس على ماخلصتها كانت المسقعه كمان خلصت وطلعتها
وقبل مااطفى الفرن جبت العيش الفينو اللى عندى خساره يترمى 😉 وقسمته بالطول وقطعته مكعبات ومثلثات في نفس الوقت مش عارفه اوصفها ازاى هتشوفوها احسن
وحمصتها وبعد ماطلعت رشيت عليها شويه زيت زيتون :15: وعليها رشيت حبه البركه وكان طعمها تحفه بابا كالها حاف كده 😉 ……..
وادى الشكل النهائى 
الموضوع مجهود منزلى وشخصى بحت
لو سمحتوا اللى تعجبها الاكله تقيمنى 😮
واللى تعملها كده برضه تقوللى
صمتي,,لا يعني اني لا أفهم ما حولي لكن مايدور حولي لا يستحق كلامي
يااااااااااااااااااااااااااااااارب حقق لى احلامى …….. -@ا
نورهان
الشادن
يامراحب بيكم
ويارب تكون عجبتكم ونورتونى
صمتي,,لا يعني اني لا أفهم ما حولي لكن مايدور حولي لا يستحق كلامي
تسلم ايدك يا قمر
نبض خاص
نور التقوى …..
نورتونى
صمتي,,لا يعني اني لا أفهم ما حولي لكن مايدور حولي لا يستحق كلامي
 |
اقتباس |  |
 |
المشاركة الأساسية كتبها بوسي كوكو  |
 |
 |
| شطورة يا افروديت يا حبي تستاهلي التقييم | ||
 |
 |
بوسى حبيبتى اجمل عروسه
نورتى ويارب تعجبك وتعمليها <<اكيد عارفاها 😉
يابختك شايفه حالتك حراااانه (6) مش انتى من نفس البلد برضه ولا ايه ؟؟؟هههههه
صمتي,,لا يعني اني لا أفهم ما حولي لكن مايدور حولي لا يستحق كلامي