الخلطات اللي فادت شعري من المنتدى 2024.

مرحبا يا حلوات يا عرايس
شلونكم وكيف اخباركم عساكم طيبين
حبيت اقولكم على الخلطات اللي اخذتها من المنتدى وفادتني

اولا شامبو حور الجنان اللي يخليها ويسلمها يارب ويحميها من كل سوء وشر ويشفيها
المهم هالشامبو روعه وقف لي التساقط وصج صج لمعه في شعري مو طبيعية وريحة البيض مو مبينة كلش وانا استخدمتها في نوعين من الشامبو بس الحمد لله الصراحه
تحسن شعري

وهذا الرابط للي حابة تستفيد واللي تخاف مايحتاج تسوي
http://www.3roos.com/forums/t384062.html

اما الخلطة الثانية يا بنات بعد روعه قليل في حقها
لكن للاسف الموضع مغلق
انا اخذتها من هالمنتدى بس في واجد بنات تكلمو عنه
وهو …… الجرجيييييير نعم الجرير ومادراك ما الجرجير
يا بنات كان في خلطة مكتوبة المهم ماطول عليكم الخطلة هي
تاخذين الجرجير وتعصرينه في الخلاط مع ربع قلاص ماي يعني ماي قليل مو كثير
وبعدين تاخذين اللي تشخل الشاي وتشخلين الجرجير علشاان يصير بس الماي الاخضر بروحه
المهم وبعدين تاخذين اربع ملاعق مال االاكل من ماء الجرجير وتحطين ملعقتين حمام زيت
اي نوع تفضلينه انتي مو مشكلة
انا استخدم بانويل اللي بالخوخ المهم تخلطينه بيدج عادي اذا حسسيتيه صار شوي غليظ حطيه على شعرج واذا ماكفا شعرج زيدي الكمية بس اهم شي تسوينه غليظ
وتخلينه على شعرج نص او ساعه كاملة
انا الصراحه اخليه في شعري 3 او اربع ساعات عادي
لكن والله يا بنات شعري يبين انه غلظ
ولازم تستمرون
هي خلاص اسبوعين تبين نتيجة وبتجوفين طلع لج شعر صغار
والله العظيم اللي تبي تجوف النتيجة تستمر عليها انا الصراحه ماقدر اهدها
وعلى فكرة مو بس تغلظ الشعر تسوي الشعر حرررررررييررررررر من قلب
انا شعري ناعم بس شوي مموج لكن والله انه خطيبي قام كله يقول لي
تسلفيني شعرج ههههههههههه من كثر ماصار حلو وانا كل من جافني لاحظ فيني النتيجة
وانصحكم فيها
انا كل اسبوع اسويها 3 مرات
وانتو تقدرون تسوينها كل اسبوع مرتين

بس 3 مرات تبين النتيجة يمكن اسرع

ههههه خلاص تعبت واي شي تبون انا حاضرة
سي يو يا حلوين

الجرجير رائع و يمكن خلطه مع زيت جوز الهند و كنت استعملها كثف شعرى بطريقة رائعة و نعمه

مشكورة اختي على ردج
وتجربتج للجرجير ان شا ءالله البنات كلهم يستفيدون بعد

حمستيني اجرب
والجرجير سمعت عنه بس مااستخدامتها
يسلمووو يا عسل ع المعلومات

عن جد الله يعطيك الصحه والعااافيه0 وان شاء الله موفقه

الحمد لله انك استفدتي من المنتدى
وفدتي الاعضاء معك باللي جربتيه
الله يعطيك العافية
دمتي بود
غليمة

تسلمي يا عمري

مشكورين لكل اللي ردو
طبعي شقيه
القلب المكسور2
غليمة
حلاوة المر
نورتوني والله
الله يخليكم يارب
أحبكم كلكم

انشاء الله اجربة واستفيد بعد ومشكورة ياعمري علي المعلومة الطيبة حبيبتي
واذا في اشياء ثانية حابة نطلع عليها ونستفيد منها فيدينا حياتي

مشكورة يا الغلا بس سؤال

تاخذين صرة الجرجير كاملة وتحطينها في الخلاط مع ربع كاس ماي