اليوم حبيت اراويكم المناكير اللي مسوتنه حق العيد
توني مخلصه منه و ابا رايكم لان لبسي نفس الشي بالضبط
قطعه حرير وفيها اللون الوردي ونقش النمر
الادوات اللي نحتاجها الالوان هاي تقريبا نفس الالوان اللي في اللبس
و اكيد لكم حرية الاختيار و التغيير
مب شرط نفس الماركه للمناكير استخدموا المتوفر عندكم
بيس للاظافر هذا اللي من شانيل كان ويا المناكير الفضي مع بعض
نيل ستيشن لون وردي و بني
من بورجوا توب كوت
و ماركه elf اللون الوردي الفاتح
اسفنجه و ورقه و فرشاه ايلاينر رفيعه و الوان اكريليك تشترونهم من المكتبات
على فكره انا اكتشفت من الاجانب انهم يستخدمون هالالوان على الاظافر لانهم يجفون بسرعه و ينغسلون بالماي بس يوم تحطون توب كوت مناكير شفاف يثبتون.. اللونين اللي بستخدمهم الذهبي والاسود و فرشاه ايلاينر رفيعه.. تخلطون اللون بالماي بس يكون غليظ شوي.. لا تسوونه وايد رفيع عشان يبين اللون و يجف بسرعه
اول خطوة
انا كنت محتارة بين الوردي الغامق او الفاتح
و الوردي الفاتح هوه اللي اخترته اخر شي
نصبغ الاظافر باللون الوردي نخليه يجف
بعدين ننقط من اللون البني على الورقه
و نستخدم القطنه عشان نطبطب على طرف الظفر باللون البني
انتو تختارون عرض الخط على كيفكم و تخلونه يجف
الحين بالالوان اخترت الذهبي والاسود نرسم اول شي بالفرشاه نقط مش مرتبه على الطرف اللي صبغناه بالبني
و نكرر العمليه باللون الاسود بس نحدد زوايا الدوائر
نتركه يجف و نحط التوب كوت المناكير الشفاف و خلصنا
اللوك النهائي
من جريب
خبروني رايكم
ادري مش مرتب وايد بس انا حاولت 😎
ما اسمح بنقل الموضوع من دون الرجوع لي شخصيا
بتخبرج نيل ستيشن موجود عندنا ؟ الوردي الصراحه لونه عذاب ..انا شايفه في اليوتيوب البنات مسوين الظفر كله تايقر .. بعد يطلع حلوو .. يبالج تجربين الحركه
وفرشاة الايلينر عقب ماتستخدمينها كيف تتنظف وماتخترب اصلا ؟
ودي اسوي شراتج .. بس اعرف ان ايدي اليسااار بتضبط واليمين مابقدر اسويها هههه
وعجبني تنسيق الالوان، انا وحده احب الوردي مع البني :shy:
عليييج بالعافيه ، وانا بعد كنت بلبس تايغر على تركواز بس هونت خخخخخخخخ
وهذاني قاعده اصبغ اظافري :bigsmile:
بس الالوان الاكريليك ماعرفتهم، يبيلي أروح استكشف :think:
أنا جاية في بداية الموضوع:cool2:
حلو جداً ما شاء الله
بس عايزة أعرف أنا كمان ينفع أستعمل فرشاة الآي لاينر بدل الفرش المخصصة للمناكير؟؟
وحلوة جداً فكرة ألوان الأكريليك (y)(y)
تستاهلي تميز للموضوع ما شاء الله 
مشكورة الغاليه
الفرشاه انا شريتها بس حق المناكير يعني ما بستخدمها على عيوني و تنظفينها بالماي
و تقدرين تغسلينها بالشامبو و تنظف بس ما انصح انها تكون لشي ثاني عقب المناكير
انا اكتب باليسار اريم اديه اليمين بكل سهوله لكن اليسار اطول عليها ههههه بس النتيجه مرضيه
نيل ستيشن موجود في تاون سينتر
أنا الشوق
فديتج والله مشكورة الغلا
حتى انا وايد احب الوردي + البني
في المكياج واللبس وايد راقي
هم الوان مائيه بس نوعهم
acrylic paint
أمةالله
تسلميييييييييييييين عزيزتي
و اكيد فرشاه الايلاينر الرفييعه تنفع بس اشتريها خاصه للالوان يعني لا تستخدمينها على عيونج بعدين
والله ولهنا على أبداعاتج تسلم يمناج ياالغاليه.
كل عام وانتي بصحه وسلامه.
شغلج مرتب وايد … عيبتني فكرة الرسم بفرشاة الآي لاينر ^^
تسلمي حبيبتي
/
::
روعه ما شا الله
/
::
تسلمين على الموضوع و الشرح
بسألج شو رايج مناكير شانيل شايفه كم لون عندهم عايبيني ؟!