ودي اعرف كل وحده شوه اتسوي علشان ايكون مكتبها في الدوام مميز ويدل على نشاطها واهتمامها من الناحيه الجماليه اقصد…
يعني اعرف وحده كل يوم تي الصبح وتدخن مكتبها بدخون واي حد يدخل عندها ترتاح نفسيته…
وثانيه حاطه شاي وقهوه وسويت ها الشي يوميا اي حد يدخل عندها تضيفه…
وثالثه حاطه صحن حلويات ككاوا مشكل..
ورابعه حاطه عبارات ايجابيه مشجعه وبعض الكلمات بطريقه حلووه.
ابا افكاركم يالله كل حد يخبرني شوه ايسوي في مكتبه ودوامه
ماشاء الله الافكار اللي حاطتها روعه
:clap:
انا اقول من الافضل تبدين في الجو العام للمكتب منناحية
1 . الرائحه
2. درجة الحراره يعني مو بااارد حيل ولا حاااار حيل
3. الوانه مثل اذا عندج طاوله مفرشها يكون حلو وطبعا القنفات او المقاعد لونهم عموما متناسق مو كل واحد لون
ومن نا حيه المكتب مرتب والاقلام لهم سله بروح طبعا والاوراق وكل احتياجياتج مرتبه
بالاضافه ان ما يمنع انك تحطي مثل ما قلتي براده صغيره فيها علب الماء الصغيره وتقديمنها للضيف او قهو ه او شاي او عصير
يعني
تضبطين الجو
غرابه الحمدالله انه الافكار عيبتج وحتى انتي افكارج حلوه …مشكوووووره حياتي على المشاركه
بس وين باقي البنات اريد افكار اكثر
يا هلا مرحبا اختي هفوون يا حياك الله بموضوعك الراائع تسلمي والله يعطيك الف الف عافيه..
انا مكتبي مغيره في اشياء كثير كثير حتى من يدخله يقول مو مكتب ابداا
يعني يقول داخل مكان خارج من الإداره كلها ودائما والحمد الله احط لمساتي فيه
اولا كما المعرف مكتب حكومي يعني شو راح يكون لون الجدران او لون الموكيت اكيد راح يكون لون الجدار بيج زيتي والارضيه بيج عليها نقاط بنيه
انا حتى اغير في ذا الشى رحت حاطه لصق برواز في وسط الجدار بالون البني حتى يكون لمكاتب يعني مثل اللحين الكثير يستخدمونه في غرف النوم والمجالس هذا موجود في كل المكاتب اعطى المكتب جمال وتغير رائع..
ثانيا حطيت لوحات من ستايل لايف الورود الموجوده داخل الاطارات بالون البيج والورود لونها برتقالي صار المكتب رااائع يعني ملفت لكل من دخله
طبعا بالاضافه إلى الفرشات الطبيعيه حصلتها في القريه العالميه ايام المهرجان التسوق اخذت منها للمكتب فعلا تجنن.. يعني كان كله التركيز على اللوحات لونها بني وغير عن الساعه إلا كل من يدخل يقول من وين اخذتيها طبعا من القريه العالميه..
ثالثا المفارش وعلبه الكلينكس كلها طقم واحد لونه بعد بني وبيج لان عندي كنبات لونهابني وزوايا طاولات يعني كلها بني صرت اختار اللون البني للمكتب والداخل عليه بعض الالوان الثانيه مثل الاخضر والبيج
رابعا الرائحه انا بصراحه ما احب ابخر مكتبي لان المكتبي بين مكاتب رجال مو حلوو تصدر هذه الريحه من مكتبي فأحافظ على ريحت المكتب ببعض الروائح من بودي شوب مثل عطور المبخره وغيرها هذه تعطي رائحه زكيه وماتفوح خارج المكتب بس إلا داخل يشم
خامسا طبعا طقم المكتب الخاص من اقلام وغيره طبعا لونه بني مثل لون المطاوله..
عندي بلاكونه حلوووه في المكتب كان خاطري احط فيها عصافير بس يا خساره من راح يهتم فيهم في الاجازات ولا كان بعطي المكان شى عجيب يله عندي بدل منه حمام
سادسا طقم الفناجين والكاسات كلها تتشابه لونها ابيض مذهبه حاولت اجيبها على لوون البني او ما يليق باللون
صدق انا مدلعه مكتبي وااااايد ماعندي سالفه كلهم ييقولون لي هذا الشى
تحياتي لك
هفوف تقدرين اتحطين اصايص زرع صغيره مو كثيره
وفى عطر اسمه (فرنسى) بخاخ ريحته عجيبه على السجاد
اذا عندك سجاد وتقدرين بعد اتحطين حلو + قهوه عربيه
:shy::shy:
:clap:دمعة قلب :clap: الله شوها الزين كله احس مكتبج روعه من الوصف اللي وصفتيه ..بصراحه افكارج خطيره خاصه سالفة البرواز هذي وايد حلووووووووه مشكوووووووره حبيبتي كلج ذوق وفن
روز الكويت شكرا حبيبتي على المشاركه بسئ اخاف على عمري من القهو والحلووو اخاف انا ايلس اكل منه لين امتن 
2