ولدي عمره 5سنوات ونص تقرييباً …الحمدلله ماينقصه شئ ابداً والحمدلله
لكن المشكله هي بيوم الاربعاء .. اكيد راح تستغربو "ليش المشكله بهاليوم!!!!!":eek:
احنا يوم الاربعاء نروح نتجمع في بيت اهل زوجي انا وسلايفي واخوات زوجي ومعاهم طبعاً اولادهم .. واولادهم اكبر من ولدي بأربع سنوات وفوق وولدي ماعنده احد بسنه
لكن بسم الله عليه يروح ويحاول يلعب معاهم لكن هم مايعطوه مجال ابد يعني يقعدو يخططو كيف يضربوه ويؤذوه (6):mad
6)في ولد اكبر من ولدي بأكثر من سنه لكن لان اخوه الي اكبر منه موجود مايقدر احد يكلمه او يزعله …. انا يوم يجيني ولدي مضروب طبعاً اضايق اول مرا قلت خليكي عاقله وروحي اتكلمي مع الاولاد بعقل ورحت واتكلم وحاولت اني اقرب ولدي لهم … لكن مافي فايده في مرا من المرات دخلت عليهم فجأة لقيت واحد منهم ماسك ولدي من ورا بطريقه مو زينه بحيث يلامس عورته من قدام قفا ولدي انا انجنيت وولدي قلي يماما ترا فلان يحط عيبه عليا من ورا
انا خاصمت الولد وقلتله تبغاني اعلم امك علي تسويه خاف وقالي لا ماسوي مرا ثانيه :o…
انا بعداً عن المشاكل ماكلمت امه .. لكن بعدين ولدي قال لابوه وابوه قال لاخته الي هي ام الولد
وزعلت واتضايقت وصارت ماتبغى ولدي بالذات يلعب مع بنتها يعني خايفه على بنتها من ولدي والله العظيم ان البنت تلعب مع كل الاولاد الا ولدي …ومرا قالتلو اطلع فوق عند بابا لاتلعب مع البنات ……….انا انصدمت:eek: وماقدرت اتكلم واتحسفت اني ماتكلمت
يعني انا بحاله الله يعلم فيها اني صرت اكره يوم الاربعاء ماني عارفه ايش اسوي هم للاسف يبغو ولدي جالس جنبي مايتحرك او يطلع عند ابوه وعيالهم يلعبو وياخذو راحتهم
انا ماابغى ولدي يتعقد ونفسيته تتأثر ………..ايش الحل؟؟
اتمنى تفيدوني لان مافي ولا احد اعطاني الحل
يوم اقول لزوجي كذا يقولي ايش اسوي خلاص انا اكلمهم ………وهذا كله مايفيد انا صبري نفذ امهاتهم مو سهلات اكثر من مرا استنا وحدا تقوم تشوف ولدها ولا كأنهم يشوفو لكن ان قمت انا يقومو بسرعه وراي او يرسلو جواسيس يتسمعو ويطلو علي
والله العظيم بديت اكرهم
الله يهديهم بس يعني عيالهم برابع ابتدائي وانا ولدي بالتمهيدي هم عيالهم اجسامهم قويا وانا ولدي ضعييف :ss:
اسألكم بالله تسعدوني تعطوني حل
(اقدر انزل يميلي ولا لأ)
حبيبتي نصيحتي لج ثلاث شغلات
* اول شغله لو شفتي خطأ كبير نفس الخطأ اللي وصفتييه انه الولد قاعد يلمس اماكن حساسه في جسم ولدج اخذي الاثنين وواجهي الطفل جدام امه لا تسكتيين يمكن تشوفينها مو مهتمه جدامج لانه مفتشله بس تاكدي انها في البيت مليونيين في المئه راح تانب ولدها وراح يترك هالتصرف مره ثانيه.
* ثاني شغله خلي اليهال يلعبون على راحتهم لا تدخليين ابدا لانه اهم يتضاربون يتزاعلون مردهم بيتصالحون وكل ما شافوج وره الولد اصلا الاطفال بيكرهون اللعب معاه لانه بشوفونه دلوع الماما كل ماصار بينهم وبينه شي امه بتيي تهاوشهم واالاطفال بطبيعتهم ما يحبون هالشي غير انه يولد مشاكل بينه وبين اليهال.
* ثالث شي دام تقوليين انه صاير بروحه ومحد من اليهال يلعب معاه لفارق السن والشغلات الثانيه اللي ذكرتييها انا عندي لج اقتراح حلو كل يوم اربعاء خلييي ولدج يسوي لليهال مفاجأه يكون بتنظيمج بس اللي يظهر بالصوره الولد بس بينه وبين الاطفال انتي خلج بعيده وقت التجمع والمفاجأه مثلا انه اسبوع اشتري له مجموعه حلويات وعطي اياهم قولي له يوزعهم على الاطفال واليهال بطبعهم يحبون اللي يهديهم شي خصوصا لو شي يحبونه اسبوع ثاني غلفي لولدج هديه وخليي يسوي مسابقة بسيطه تكون تناسب سنه ويقدم للأطفال هدايا حتى لو مجرد اشياء بسيطه ما تكلف.
وإن شاء الله اكون افدتج بس انتي هدي روحج تره المشاكل اللي بين اليهال يكبرون وينسونها بس المشاكل لي صارت بين الكبار تتأزم وصعب تنحل والله يخلي لج العسل يارب
وانا اقول ماطول انه بس يوم الاربعاء يارقك خلاص قولي لولدك لايروح معاهم خلي يمك اخذيله معاكي لعبه يلعب فيها انا ولد اخوي كذالك لو راح مكان معاه لعبته البي اس بي ويلعب فيها ومايلعب مع العيال لانهم كبار ويظربون بس يلعب لما يكون امه يمه مايروح مع الاطفال
ان شاءالله المرا الجايه راح اوي زي ماقلتي واخذ لولدي اشياء حلو يوزعها عالاولاد واقولك النتيجه ومشكوره ياقمر
روز 2024 والله انا دائماً اخذ القيم بوي حق ولدي ويقعد جنبي ويلعب فيه لكن هذا الشئ يضايقني لان الكل يلعب وهو يلعب جنبي ويكون مو مبسوط
لان ولدي جرئ ويحب اللعب ويحب يتفاعل معاهم لكن هم يضايقوه
ومشكوره وماقصرتي
لوفلي فلور لكي جزيل الشكر ……. لكن مااقدر اروح ساعه وارجع لانهم راح يتضايقو مني اهل زوجي