والله هالمكان استفدت منه حيل حيل ودايم متابعه له والله ….
حبيت اسألكم عن شغلات مهمه وشاغلتني كثير …
أنا زواجي بعد شهرين ونص ..
ومااستخدم اي شي لبشرتي قبل غير { الكحل والمسكرا والشدو بشكل قليل والبلشر والأرواج والقلوسات }
يعني تقدرون تقولون استخدامي لـ { البيس،الفونديشن،الكونسيلر، اللوس بودر } نااااادر ،
لكن بما اني قريب رايحه اشتري الميك اب تبعي لبعد الزواج ، وعشان برضه اتدرب عليه من قبل ..
حابه اسألكم …
أنا نوع بشرتي مختلطة أو عادية ماادري وسط ، جهات جافة وجهات شوي حيل دهنية .. تتأثر بشكل قليل بعد المكياج اذا استخدمته بكثره لعدة ايام
كأيام الاعياد … في حبوب سودا حول الانف لكنها مو دهنيه ، ماعندي حبوب شباب بوجهي الحمدلله يارب
ولصاحبات الخبرة الله يجزاكم الجنة ويفرج عليكم يااارب ولكم مني دعوة بظهر الغيب باذن الله …
سؤالي هو :
– ايش انواع { البيس ، كريم الاساس الفونديشن ، الكونسيلر ، لوس باودر} المناسب لي ؟؟
وايش هي الماركة الجيدة بهالمجال …
أنا من النوع اللي ما افضل المبالغة في الاساس ابداً … يعني بالأيام العادية مااحب استخدم ..
لكن بالمناسبات احب استخدم عشان يسطع وجهي ويبين متغير شويه … يعني حتى الكريم اللي
ابغا استخدمه للمناسبات مايكون مبالغ فيه …. ، برضه مايكون متعب للبشرة ويكون استخدامه حتى
بكثره مايأثر ع صحة البشرة …
انا الحمدلله بيضاء البشرة ماشاء الله لا قوة الا بالله لكن هالموضوع مو مشكله اقدر استفسر من صاحب الماركه
واخذ الدرجة اللي تناسب لون بشرتي …
– وايش الكريمات المناسبة لصحة البشرة ولمعانها عشان صحة بشرتي بعدين بسبب كثرة المكياج …
الله يجزيكم الجنة اللي بيساعدني وبيعطيني مما عنده …
بانتظاركم عشان قريب ابغا اشتري وابغا استفيد من خبراتكم العاليه بهالمجال ؟؟؟
انتظركم الله يخليكم عطوني مما عندكم خل نستفيد
ولااااااااا رد
انا مو خبرة وايد بهالموضوع بس عندي خلفية حول احسن الماركات
دايما الكريم الاساس البيس الكونسيلر افضل انهم يكونون من الماركات الغالية والمعروفة
والماركات المعروفة
ديورشانيلماكلانكومجيرلانايف سان لورانجيفنشيكلارنسايست لودركلينك طبيبينفيتايفون,,
وهالماركات تعتبر غالية نوعا ما,,
بس لعلمج كل وحدة بشرتها غير عن الثانية:poster_dots: يعني يمكن انا ينفع معاي ماركة معينه بس ماينفع على بشرتج بس انتي جربي الماركات اللي كتبتلجياهم ترا هذيل القمة وعلى فكرة كل ماركة تضم كذا مجموعة من كريمات الاساس يعني ديور عندهم كريم اساس خفيف وغير خفيف لماع او باهت او مطفي ودرجات الالوان كثيرة يعني بما انج بيضة حلو تاخذين المايل على الوردي اما انا بما اني حنطية اخذ المايل على البيج.
وبالنسبة للاسعار انا شارية كريم اساس من ديور ب42 دولار يعني 12 دينار كويتي يعني بالريال السعودي تقريبا 158 ريال عالفكرة انا حسبتها عن طريق موقع تحويل العملات,,
بس عشان ماتغلطين الغلطة اللي غلطتها انا اشتريت هالكريم بس بصراحة ماعجبني:sad: احسه وايد خفيف كاني مو حاطة شي عشان جذي انصحج لما تبين تشترين لازم تقولين حق العاملات بالضبط انتي شتبين والاهم من كل هذا لااازم اتجربينه بالمحل قبل لا تشترينه,,
يعني تقوليلها ابي نوع شوي ثقيل او وسط افتح من بشرتي بدرجتين او درجة ابيه يبين على الويه ولا تنسين تجربينه بالمحل وحطي بالج ان اضاءة محلات المكياج بالغالب تكون قوية فانتبهي لا تنخدعين بالالوان,,
اوووووه شنو بعد ياربي:icon9: اي بعد حبيت اقولج ان باجي المكياج مثل الاي شدو والحمرة عادي مو لازم ماركة حيل غالية مثل ماكس فاكتورمايبلينغولدن ليديبودي شوباو حتى عند الهنود خخخخخخ:21_133: بس هم بعد ضروري تجربين المنتج قبل لاتاخذينه :angry:
والتجربة مو انج تحطين المنتج على ايدج وبالذات اذا كان غلوس لان ماراح يبين عدل جربيه على شفايفج وحتى الكريم حاولي تجربيه على بشرة الويه.
والكريم افضلج السعر الغالي,,:88774:$$$$$$$
وبالنسبة حق الحبوب السودة اذا كانت على الانف مثلي ترا البودرة تغطيهم,,:SOFA:
اما بالنسبة حق عطورات الجسم واللوشن وهالسوالف انا انصحج بودي شوب انا احيانا ادش محلهم مو عشان اشتري لا بس عشان اشم:21_213: ريحتهم الحلوة واطلع :21_177:ههههههههه…..:21_131:
والله يوفقج بزواجك,,,,,,,,,,,,,,,,,:15:
[/FRAME]
![]() |
اقتباس | ![]() |
![]() |
المشاركة الأساسية كتبها حنان البلوشي ![]() |
![]() |
![]() |
[frame="3 70"]
انا مو خبرة وايد بهالموضوع بس عندي خلفية حول احسن الماركات دايما الكريم الاساس البيس الكونسيلر افضل انهم يكونون من الماركات الغالية والمعروفة بس لعلمج كل وحدة بشرتها غير عن الثانية:poster_dots: يعني يمكن انا ينفع معاي ماركة معينه بس ماينفع على بشرتج بس انتي جربي الماركات اللي كتبتلجياهم ترا هذيل القمة وعلى فكرة كل ماركة تضم كذا مجموعة من كريمات الاساس يعني ديور عندهم كريم اساس خفيف وغير خفيف لماع او باهت او مطفي ودرجات الالوان كثيرة يعني بما انج بيضة حلو تاخذين المايل على الوردي اما انا بما اني حنطية اخذ المايل على البيج. وبالنسبة للاسعار انا شارية كريم اساس من ديور ب42 دولار يعني 12 دينار كويتي يعني بالريال السعودي تقريبا 158 ريال عالفكرة انا حسبتها عن طريق موقع تحويل العملات,, بس عشان ماتغلطين الغلطة اللي غلطتها انا اشتريت هالكريم بس بصراحة ماعجبني:sad: احسه وايد خفيف كاني مو حاطة شي عشان جذي انصحج لما تبين تشترين لازم تقولين حق العاملات بالضبط انتي شتبين والاهم من كل هذا لااازم اتجربينه بالمحل قبل لا تشترينه,, يعني تقوليلها ابي نوع شوي ثقيل او وسط افتح من بشرتي بدرجتين او درجة ابيه يبين على الويه ولا تنسين تجربينه بالمحل وحطي بالج ان اضاءة محلات المكياج بالغالب تكون قوية فانتبهي لا تنخدعين بالالوان,, اوووووه شنو بعد ياربي:icon9: اي بعد حبيت اقولج ان باجي المكياج مثل الاي شدو والحمرة عادي مو لازم ماركة حيل غالية مثل ماكس فاكتورمايبلينغولدن ليديبودي شوباو حتى عند الهنود خخخخخخ:21_133: بس هم بعد ضروري تجربين المنتج قبل لاتاخذينه :angry: والكريم افضلج السعر الغالي,,:88774:$$$$$$$ وبالنسبة حق الحبوب السودة اذا كانت على الانف مثلي ترا البودرة تغطيهم,,:SOFA: اما بالنسبة حق عطورات الجسم واللوشن وهالسوالف انا انصحج بودي شوب انا احيانا ادش محلهم مو عشان اشتري لا بس عشان اشم:21_213: ريحتهم الحلوة واطلع :21_177:ههههههههه…..:21_131: والله يوفقج بزواجك,,,,,,,,,,,,,,,,,:15: |
||
![]() |
![]() |
ياحبي لك والله ماقصرتي ابد بالمعلوماات
وربي استفدت ولقيت اشياء كثيير من اللي ابغاها ..
يعني رايك كرمي الاساس مااشتري الا النوع الغالي ..
وبالنسبه للدرجه اتوقع اقدر اكتشفها من التجربه بالمحل ولكن انا سعوديه ومتنقبه يعني صبعه استخدم كريم الاساس بالمحل ومحلات المكياج عندنا اللي يشتغل فيها رجال مو نسوان !
مضطره استخدمه عاليد مالي حيله ..
لكن مشكلتي تكمن بشي انو وجهي بياضه يميل للاحمرار ويدي بياضها يميل للاصفرار …!!
يعني يختلف شويه ..
لكن ع قولتك راح اعطيهم المواصفات اللي ابيها وباذن الله تضبط الدرجه
يعطيك العافيه اختي وماقصرتي والله يرزقك ع قد نيتك يااارب آميييين