مرحبا بنات كيف حالكم انا من زماااااان مانزلت موضوع في قسمكم واليوم جايبتلكم طبخة بعملها للمرة التانية وهي البطاطا المحشية باللحمة المفرومة وبقدر الضغط ان شاء الله تعجبكم
نبدأ بسم الله الرحمن الرحيم:
المقادير حسب طبختي وانا عملتها النا ولأهلي:
11 حبة بطاطا متوسطة الحجم
علبتين صلصة بندورة(( انا حطيت علبتين لأني انا وجوزي بنحب الصلصة تقييييلة))
3حبات بندورة متوسطة
لحمة مفرومة اصبع واحد او مربع مثل اللي استخدمته
بصلة وحدة متوسطة
بهار وفلفل اسود وملح ومكعبين ماجي
اولا نقطع البصل مربعات ونحمرو بالزيت لحد مايحمر
ونحط اللحمة المفرومة ونخلطها بالبصل بعدين بنحط البهارات والملح ومكعب ماجي ((وانابحط ورقتين ورق غار وكم حبة هيل او هيل مطحون عشان الزفرة))
بعدين بنغطي المقلاية لحد ماتستوي اللحمة
بعدييييييين نيجي للبطاطا نحفرها بحفارة الكوسا بهالطريقة
وهاي صورة اقرب
وبعدين بس تبرد اللحمة بنحشيها بالبطاطا وهيك بصير شكلها
وبعدين بنسكر الفتحة ببقايا البطاطا المحفورة ونرتبها بقدر الضغط بهالطريقة
بعدين بنطحن بالخلاط 3حبات بندورة مع شوية ماء
وبعدين بنعبي القدر بالماء الساخن لحد فوق البطاطا ونضيف عليه البندورة المطحونة وبنضيف ملح ((زودو الملح شوي لأنه البطاطا بتمتص الملح))وبنضيف مكعب ماجي وفلفل اسود
ونسكر القدر ونتركه فقط 12 دقيقة لأنه البطاطا اذا استوت كتير بتتكسر وبعدين بتفتح القدر وبنحط الصلصة ونتركها لحد ماتنطبخ على نار هادية مش اكتر من 7 دقائق عشان ما تتكسر
وبعدين بنقدمها مع ارز ابيض او اي طريقة بتحبوها انا حطيتها مع رز ابيض لأنه زوجي عشقه الأرز
وصحتين وعافية يارب:15
f)
اذا عجبتكم الطبخة او ماعجبتكم لاتنسوا ان تدعولي بالذرية الصالحة عاااااجلا غير اجل(f)
بصرااحه شهيتني يمي يمي
يعطيك العافية ياقمر
تحيااتي دوووم
طبخه بتجنن
الله يعطيك العافية
شكلها يشهي