بنات
ياليت تفيدوني وش اشتري ملابس للجامعه
لأن هاذي اول سنه لي وماادري طريقة بنات الجامعات في اللبس
وخايفه اشتري اشياء واندم عليها ..
لأن بكره إن شاء الله بروح السوق ..
اقترحو علي
أجيب كل اللبس رسمي
والا سبور
اش افضل الألوان للي بشرتها سمرا ..
ومن وين آخذ الشنطه ..
في بنات قالولي خوذي وحده كبيره تضف كل اغراضك ..
بس انا على مااشوف بنات الجامعات اللي بالمسلسلات
معهم شنط صغيره
ويحطون كتبهم بملف ..
انتم وش رايكم ..
ياليت تفيدوني بكل خبراتكم بالجامعه..
وطريقة مكياجك الصباحي كيف ؟
اش المكياج المناسب للصباح ؟(الأساس ,الأرواج ,الشدو )ياليت تحددين لي اسماء الأغراض عشان اشتريهابكره ..
والله يابنات انا ماحطيت الموضوع بهالمنتدى الا لثقتي فيكم وفي ذوقكم ..
ياليت تجاوبوني الليله ضروري
شكرا لكم ..
أنا عني سنة ثانية جامعة .. برووح طبعا (( ان شاء الله ))
أما عن السنة الأولى ..
1- لبسي .. البسه على رااحتي .. يعني اي لبس أشووف انه يريحني ألبسه .. ممكن كندوورة مخورة .. او تنورة وقميص أو بدلة أو أي شي ..
2- الشنطة على سب في البعض يااخذ شنطة المداارس .. وفي البعض اللي أنا منهم شنطة صغيير أحط فيها العطر والماكياج والنوته والقلم وغييرة ..
بس انا طبعا طالبة مو في السكن لا .. يعني يوميا أرووح وارجع .. يعني عندي خزاانه ((لوكر )) فعشاان جذي ااخذ شنطة صغييرة .. اما بنات السكن (( على حسب جامعتنا )) فمستحيييل ياخذوون لوكر .. لأنه السكن جرييب ..
3- الماكياج .. عااادي جدا .. يعني بودرة .. وقلووس أو رووج … لأنه اساسا جامعة يعني مكان رسمي .. فأحط شوي ماكياج ..
واللهانا اشووف انج تسويين اي شي .. يكوون رااحة لج ..
والله يوفقج ..
سمسومة بيضة
أول شي شكرا لك والله العظيم ماقصرتي ..
ثاني شي
حناعندنا موب زيكم كل شي على راحتي
يعني اغلب الأستاذات يقيمون البنيه على شكلها وكشختها
وياما سمعنا قصص بهالشكل ..
هذاغير ان الشركات يجون لحد الجامعه ينقون موظفات في قسمي (علوم اداريه )
وبعد هم يقيمون على الشكل والحضور ..
زي ماسمعت ..
لأنه قسم جديد ..
بإختصار
انا ودي الكل يصير يتكلم عن كشختي
عشان اصير مميزه ..
قسم بالله
نفسي اجي ادرس عندكم
ماشاء الله
كل الأمور عندكم مره سهله ..
خليه خفيف
شويه روج او ملمع واحمر خدود خفيف وكحل وبودره ومسكرا وبس
واتركي عنك الشدووو والالوان والتخبيص لانك بمكان رسمي
ام من ناحيه اللبس
البسي شئ مريح والوان هاديه
تنانير الجينز بألوانهااا حلوه كثيررر
بلايز قطنيه او اسبوور
من ناحيه الشنط خدي شنط متوسطه على قد اشيائك
لاني مااحبذ وحده تشيل اغرراض ومعاها شنطه ماتكفي تقهر دي الحركه
الصنادل الله يكرمك
خدي صنادل واطيه او مسح على الارض تكون راقيه ورايقه برضوو
او ابوات حلووه
عشان ماترجعي البيت ورجلك من كثر المشي مجرحه ولاتلبسي صنادل ضيقه تخليكي تكرهي تتنقلي بين مباني الجامعه
على فكره خبرره لاني بقي لي سنه تربيه عملي ومجررررررربه كل شئ
انتو شو تحبيت تلبسين يعني استايلج سبور البسي اسبور وهذا الافضل للجامعيات لان الدوام يكون طويل ومحتاجه لشي يريحج
انا اشوف كل وحده لها استايلها في اللبس يعني بتشوفين اشكال وانواع من البنات في منهن اوفر يعني فل ميك اب كشخه اخر صيحات وفي منهن عادي لبس بسيط او سبور ..يعتمد على شو تحبين لا تقيدين نفسج على ما يلبسون البنات لانج نفسيا بتتعبين ..
اما عن الشنط فانا عن نفسي ااكثر من الشناط الصغيره وشنطتين او ثلاث حق اللاب توب
طبعا الشنط يعتمد على دراستج هل في كتب كثيره او لاب توب او غيره ..وهل الكتب ما في لها مكان غير انج تشلينهن دووم يعني مافي خزانه …
الميك اب هذا بعد يعتمد عليج انا عندي في الكليه بنات ميك اب اعراس يسوون وبنات بدون ميك اب وبنات طبيعي مثلي يعني قلوس جحال بلش..
وفي الاخير كل شي يرجع لستايلج..وسوي اللي يريحج لا تتابعين ما يسووونه البنات …والاهم من ذلك دراستج
بالتوفيق في حياتج الجامعيه
::
شكرا لك على النصايح الحلوه
إن شاء الله بسويها كلها
والله يوفقك وتتخرجين بمعدل عالي ..
شكرا لك
وذكرتيني بشي كنت ناسيته
لأني لحد الآن ماادري احتاج لاب توب بالدراسه والالا ..
الله يجزاك كل خير
ماقصرتي
اختي ميسي
اولا
خلي عنج بنات المسلسلات لأنهم يمثلون انهم رايحين الجامعه !!
يعني الشنطه الصغيرة مو مناسبه ابدًا للجامعه
و لانها بعد ما تكفي اللا للمكياج و العطر و الاشياء الثانويه
و بعد معاها راح تضطرين انج تشيلين ملف… و ما اعتقد ان الجامعه و الحركه تساعد على انج تكثرين من الاغراض .. و تحملين بايدج اكثر من شي ..صح؟
احسن شي من رأيي انج تشيلين شنطه كبيرة و عميقه و تحطين فيها كتبج و شنطه صغيرة داخلها للمكياج!!
انزيين بالنسبه للملابس:
اختاري المريح
ابتعدي عن الالوان البراقه اللي فيها خرز و ترتر …الخ
لا تلبسين ضيق حتى لو كنتي رشيقه
لا تلبسين كعب على طووول
يعني لبسي كم يوم بالاسبوع لاجل التغيير بس
الاحذيه المسطحه احسن شي و مرييييحه للحركه الزايده
اما المكياج
حاولي قد ما تقدرين انج تخففين منه … لان
اولا : هو مضر بالبشرة … يعني تخيلي تحطين مكياج كل يوم؟؟ لمدة 5 الى 6 ساعات؟
على نهاية الفصل بشرتج راح تندمر
و كلما خف المكياج يصير تصليحه في منتصف اليوم اسهل
مثل ما قالوا البنات ما قصروا فاونديشن او بودرة للوجه و كحل و ماسكارا و قلوس
ابتعدي عن الايشدو لان مهما كانت جودته عاليه مصيره بنهاية اليوم يتغير و يسيح يصير شكله غير مقبول !!
بسبب الجو و الحركه الزايده
هالكلام كلله عن خبرة
:dd:
هذي المعلومات اللي اقدر عليها
🙂
ان شاء الله اكون افدتج
تحياتي
:flower:
شكرالك والله العظيم ماقصرتي
واحس ان نصايحك كلها مفيده وانا إن شاء الله بجربها
جزاك الله خير