أول شي راح اكلمكم عن بشرتي اهي جافة ودهنية وفي البداية كنت ميييح كل شي لقيته حطيته على ويهي مثل المجانين وهذا اكبر غلط وخصوصا لين كان كيماويات وكريمات
واحين بشرتي ما شاء الله تبارك الرحمان صافية رغم اني احف وجهي وحواجبي لكن ولا نص حبه حتى الحبة لما تطلع ما تطول معاي والكل يسالني شنو أستخدم لان بشرتي الحمدالله صافية
للين ما أختي حبيبتي قعدت معاي وعلمتني حبه حبه عشان اختي فاهمه وتروح تسوي فيشل وهالشغلات للبشرة قالت لي أولا كريمات التفتيح اللي ما ليها فيها الدولاب تسبب سرطانات مع الوقت وشي مستحيل لون بشرتج بيتغير بيروح سمار الشمس اوكي منطقي بس تتغير خلقت ربج انسي واختي تشتغل بمستشفى يعني فاهمه لهشغلات ونصحتي بأستمرار أستخدام واقي الشمس
وثاني نقطة علمتني عليها قالت لي الصابون يسبب جفاف البشرة فنصحتني أني استخدم غسول يومي للوجه ينظف بعمق
وبالنسبة لتقشير الويه قالت لي خبيرة تجميل كنت رايحة عندها قالت التقشير يسونه كل 15 يوم لان يطلع الجلد الميت كل 15 يوم
وبس هذي نقاط حبيت أنكم تعرفونها
و اللحين تعالوا شوفوا جدولي الأسبوعي
للعناية بويهي
أول ما أصحى من النوم
أغسل ويهي بغسول كلين آند كلير
واستخدم واقي الشمس من أولي وكريم الليل
بنات راح أخبرك واقي الشمس استخدميه حتى في البيت مو بس برى لان اشعة الشمس
تدخل البيت بعد مو ابد
وإسنكنول طبعا محبوب الجماهير لا يعلى عليه
نظافة وصفاء
استخدمة كل بين اسبوعين جذي
واللحين خلصنا من المنتجات برغم قلتها اللا انها مسوية مفعولها القوي ببشرتي
الأقنعة
بنات أولا صحيح الأقنعة وايد اللي نشوفها هاليومين وساعات تجيكي اسامي غريبة ما تعرفين من وين طالعة ولا تدرين شنو مكوناتها هالكيماويات والاعشاب خليها على على صوب استخدمي شي طبيعي موجود بالمطبخ وما ينخاف منها اذا ما نفعت ما تضر
ماعدا معاجين الأسنان والليمون اذا اول مرة تجربين شي وتدرين عنه حار ولا يحرق ولا ممكن يضر بشرتك كبداية حطي معاه فازلين حق حتى لو صار وحرقج يكون طفيف مو ان مباشرة يصلخ الويه يكون في مانع وملطف انا جذي سويت اول ما بديت استخدم الليمون ومعجون الأسنان ادري اني قلت ان الكيماويات ضاره بس انا المعجون حبيته بس ما اقدر اتحمله الا مع الفازلين
اول شي أنا استخدم الماسك مرتين في الأسبوع واحاول انوع ما بينهم علشان لا تتعود بشرتي عليه ويفقد مفعولة
واللي حاب يعرف شنو الخلطات اللي فادتني يدخل على وصله هالموضوع
http://forums.3roos.com/t471797.html
وبس خلص الموضوع أتمنى أكون قدرت أفيد كل بنت بالمنتدى
اللي تستفيد من موضوعي تدعي لي بالتوفيق في دراستي
وبالتوفيق في حياتي
مع حبي
مشتاقة ليك
وما يكتمل الموضوع بدون صور وانتي ما قصرتي
يعطيج العافية
على الافاده..
دمتي..
يعطيج العافية..~
منورين حبيباتي
والله يعطيك على قد نيتك
منورين حبيباتي