والحين يا الوقت اللي اخبركم فيه عن خلاصة تجاربي, بحكي لكم عن أشيا بسيطه وريحتها طيبه ولكن سوت لي تغيير حلو واليوم انا مبسوطه اكثر بنفسي والله يزيدني ويبارك ويزيد الجمييع…ترا كله بتوفيق من الله ياقمرات..
شوفي كل العيوب اللي في جسمك مهما كان حجمها وكثرها بعد ماتشوفين العيوب اقبلي بنفسك مثل ماهي واحمدي الله واشكريه انه ما جا لك في مرض أو مابعتي جسمك برخيص لأن في واايد بنات نشوفهم عال تي في حلواات واجسامهم واشكالهم تخبل ولكنهم رخاااااااااااااااص ارخصو بنفسهم للاسف …..ليش هالخطوه؟؟ لأن لما تحمدين الله بيزيدك وبيعينك في ايجاد الحلول للأشيا اللي تعانين منها.
اكتبي كل العيوب اللي فيكي وابدي في ايجاد الحلول لها, بس انتبهي من الوقوع في فخ الحماس اللي في البدايه نروح العطارين والجمعيات وانجهز الخلطه اخر شي مالنا مزاج نستخدمها او نستخدمها يومين وخلاااص بطلنا عنايه واخر شي خسرنا فلوس ووقت عالفاضي والاهم ان نفسيتنا تضيق اكثر لأننا فشلنا
(y)
واليكم بعض المأكولات اللي وااااااااايد غيرت من طبيعة جسمي وضبطت هرموناتي
روعه روعه روعه احلى شي جربته بالذات لما اصحى الصبح بدل القهوه اللي تسحب نضارة الجسم وتعطي ريحه فم كافيين وتزيد التعرق والدهون فالوجه
الشاي الاخضر بالنعناع خلاني اكره القهوه بعد ماجربته لأنه عطاني نتائج روعه جسم ناعم مع الوقت وخفف التعرق وخلى ريحة جسمي الطبيعيه رااااااااااااااائعه ووجهي ماصار دهني مثل قبل وحتى نفسيتي ارتاحت كل ما اقوم الصبح احس براحه ونشاط لما اشم ريحة الشاي الاخضر بالنعناع طبعا احليه بشوية سكر لأني ضعيفه وهو يضعف زياده وانا اريد امتن بس ناويه استبدل السكر الاسمر بالدبس عشان احصل على فوائد اكثر, اااه يابنات والله لو شو ما امدح هالشاي مابوفيه حقه ,مرات بدل شاي النعناع اخذ شاي اخضر بالياسمين او شاي اخضر بروحه, فانتو نوعو بعد كل مره جربو شي عشان ماينتهي من السوق هههههههه بعدين بتوهق انا ..بقول ياريتني ماخبرتهم خخخ لا أمزح ^_________^
أعرف في واايد منكم مايحبونه وفي منكم معدتهم ماتستحمل واقولكم يفوتكم الكثييير بالنسبه للي معدتها ماتستحمل تراجع الطبيب
أو تدرون اذا تقدرون على حليب الصويا أفضل بكثير من حليب البقر الطازج بس انا ما استحمله أحب حليب البقر أكثر , أشربه أبيض
وافضل شي اللي خالي من الدسم لن اللي فيه دسم يتعب لي معدتي وافضل نوع حليب جربته هو المراعي اللي لون غطاته وردي وهو خالي من الدسم بس مش دايما موجود فالسوق بسرعه يخلص فاذا مالقيته اخذ حليب المراعي او مرموم أوالروابي بس قليل الدسم, وكلكم تعرفون فوايد الحليب يقوي العظام ويعطيكي خدود رويانه وجسم رويان وهومغذي يعطي طاقه ويقولون يبيض, مرات لما امل من الحليب الابيض أحط حليب بالكاكاو البودره لأنه مفيد للبشره وللنعومه
ملاحظه: اذا ابدا ماتقبلتي الحليب جربي الزبادي (الروب) له نفس المفعول 😉
في حديث للرسول ما اتذكره بس فسه ان الاكل للتخمه يمرض الجسم ويجيب الوهن , وعن تجربه يخرب النفسيه والبشره
والبطن يكبر ويكبر ويكبر, فكلي باعتدال, مره شفت فال تي في لقاء مع ميريام فارس وقالت انها ماتاكل وااايد وحتى ماري جوزيه ملكة جمال لبنان تقول انها ماتاكل وااايد واكيد كلكم شفتوهم كيف حلوات ومهتمات بجمالهم.
1-الملح
هههههه صح ملح الاكل ويفضل الطبيعي أو ملح البحر الميت أفضل املي البانيو للربع واترسيه ملح واقعدي فالبانيولمدة 10 الى ربع ساعه او اكثر روووعه ينظف الجسم تنظيييف ويشده وهذا خذته من عارضه امريكيه تقول انها دايما تسبح فالبحر بس فالخريف والشتا عشان البرد تحط الملح فالبانيو وهي متعلمه هالشي من امها وبشرتها تجنن صااااااااااااااافيه ومافيها ولا غلطه, وطبعا جربت حمام الملح مرتين فالاسبوع ومن أول مره حسيت جسمي انشد ونظف طبعا بعد ما اخلص اخذ شور فاتر واغسل جسمي بشور جل دوف سائل استحمام الدلال أو لشد الجسم والله يابنات جربو هالحمام وبتستانسون بالنتايج من اول مره والطريقه سهله مايبالها حوسه وبهدله وتكلفتها قليله جدا والنتايج مع الوقت تبين النتيجه احلى واحلى.(a)
2- السكرب(المقشر)
تعرفون اس ستيفز خذو أي نوع منه احلى سكرب (مقشر) جربته بحياتي, والسكرب تعلمته من وحده لبنانيه تقول لاااازم اللبنانيات يسون سكرب مره فالاسبوع وبعده شور جل عادي وبعد ماتنشفين حطي كريم ع جسمك , واحلى كريم جربته هو فازلين اللي لونه اصفر فاتح بفيتامين أ و اي يعطي نعومه بدون مايسمر ويمدحون فازلين اللي بالكاكاو بس ماحبيت ريحته أبدا, وفي وحده عاليوتيوب يابانيه بشرتها حلوه وصافيه تحط سكرب كل اسبوعين بعد يعني السكرب شي أساسي واغلب اللي اشوفهم عاليوتيوب ولون جسمهم موحد يستخدمون السكرب لأنه يشيل الجلد الميت ويطلع جلد جديد نضر
بس لازم بعده ترطيب لاتنسين,ولاتطلعين فالشمس على طول ولاتقعدين فالحر لن الحراره الشديده والبروده الشديده مش اوكي حق البشره.
اروع حمام جربته بحياتي ويكون مره فالاسبوع فقط
واهم شي عشان تعرفين اذا انتي مسويه الحمام صح ان يطلع من جسمك اشيا غريبه بنيه أو رماديه أشيا تخوف
بس هذا كله جلد ميت, وبعد ماتطلعين من الحمام المغربي اشربي لك عصير فرش أو كاس ماي لأن مدته ساعتين او ساعه وفالحر فلازم تعوضين بالسوائل
وتذكري الترطيب,الترطيب بعد الحمام المغربي (f)
-حمام ملحي مرتين فالاسبوع
-سكرب مره فالاسبوع وأفضل يكون بعد حمام الملح تسوين سكرب ع طول
وياسلااااااااااااااااااااام
مافي مثل حمام الزيت طريقتي بأنه وانتي شعرك ناشف تحطين حمام الزيت اللي يناسبك أكثر شي حبيته انرجي
تخلينه ع شعرك ربع ساعه في هالاثناء اكون مسويه الحمام الملحي وبعد الربع ساعه اغسل جسمي بالشور جل وشعري بالشامبو او بالماي فقط لأن شعري عادي وانا كل يوم اغسل شعري لكن الشامبو بس مرتين فالاسبوع .
والله يوفقكم ويرزقكم الستر والجمال والدلال والرحمه
مع السلامه
اختكم
فلاور
:15
f)
تقبلي مرووري
تقبلي مروري .. أختك/ أوتار المشاعر ..
نصايح جدا مفيدة
جزاج الله كل خير يالغلا