تجربتي السريه في حل مشاكل الشعر 2024.

وصفه لتخلص من تقصف الشعر وتقويته:

هذي الوصفه انا استخدمتها مره او مرتين مااذكر بس ماداومت عليها هي وصفه سهل ماتاخذ منج وقت طويل

تتكون الوصفه من حبة افوكادو مستويه كيف تعرفين اذا هي مستويه ولا لا اول شي تشترين افوكادوا خضرا وتدهنيها بعصير ليمونه علي القشره وبعدين تلفينها بورق جريده وتتركينها ثلاث ايام داخل الثلاجه او خارجه علي كيفج بس انا افضل داخل الثلاجه , وبعدين تستخدمين الخاشوقه (الملعقه ) مجوفه علشان تستخرجين اللب منها وهذي صورة الخاشوقه

اذا كان شعرج طويل فانتي تحتاجين حبه كامله من افوكادوا اما اذا كان شعرج قصير فتحتاجين الي نص الحبه ونفس شي زيت زيتون اذا شعرج طويل تحتاجين ملعقتان طعام من زيت زيتون والقصير ملعقه واحده من زيت زيتون وصفار بيضه واحده ويوضع على شعر لمدة نصف ساعه وتسخدم مره الى مرتين في الاسبوع وهي مفيده جدا لشعر المقصف

********************

الوصفه الثانيه ممتازه لشعر الجاف وتعطي لمعه حلوه حتى الزيوت ماتقدر تسويها بهل السرعه وانا مجربتها شخصيا جربوها وخبروني بنتيجه

تخلطين بيضه مع ملعقة شاي عسل مع ملعقتين من زيت زيتون وتخلطينها عدل الوصفه علشان يتكون عندنا خليط متجانس وتقدرين تضفين كميه بسيطه من الشاي الاحمر يعني ملعقه صغيره علشان يعطي لمعه حلوه لشعر وتحطين الخلطه على الشعر المبلل او الناشف بس اذا تبين نتيجه مرضيه حطيه على الشعر المبلل وغطي شعرج بماده غازه غطاء الراس او ورق شفاف مال الاكل وتتركينها مدة نص ساعه او اكثر وغسلي شعرج بشامبو والبلسم
************
وصفه لترميم واستصلاح الشعر التاف

وهي عباره عن حبتان كيوي او حبه كيوي ويا ماي ورد وتحلطينهم بالخلاص وتخليهم على شعر من ربع الي نص ساعه

************
وهني حبيت اقولكم عن بعض الاعشاب وفوايدها لشعر مثل الحنا والميرميه والبابونج
وبعضها يساعد من تخلص من القشره والفطريات مثل الميرميه
والحنا والبابونج لاعطاء اللمعه والتغذية الفروه وكيفية استخدام هذي الاعشاب بطريقه بسيطه جدا اول شي تيبن ماي مغلي وتحطين فيه العشبه وتخلينها لمدة 15 دقيقه وبعدين تغطين النقيع لزيادة تركيز مفعوله وتتركينه لمدة ثلاث ساعات وتغسلين فيه الشعر

الوصفه الي بعدها هي لشعرهم منكوش يعني يحتاجون يسون سشوار لشعرهم علشان يكون سهل تسريح والوصفه تغنيج عن استخدام السشوار او حتى تخليج ماتخافين شعرج يكش اذا حد لعب فيه يعني مايستوي مثل جودي ابوت هههههههههههههههه امزح وياكم لا تزعلون
اول شي تخلطين اربع ملاعق كبيره من زيت زيتون وملعقتين صغار من خل التفاح ومثلهم من جلسرين وبيضتين وتخلطيهم باستخدام المضرب اليدوي ويتحطين الخليط علي الشعر لمدة ربع ساعه وتغسلينه بماي فاتر انتبهوا تغسلون شعركم باي وصفه تحتوي على البيض بماي حار لانه البيض بالماي الحار يتجمع ومايطلع بسهوله

وصفه لتساقط الرموش اول شي تخلطين كميه متساويه من زيت جوز الهند و زيت الخروع وزيت الزيتون

وللحواجب تخلطين ملعقه كبيره من زيت الخروع ويا عدة قطرات من زين الجلسرين

ولشعر التالف نستخدم كميه من جرجير الطازج المغسول وممكن نجففه ونستخدمه ونخلط معاه فنجال من ماي الورد بالخلاص وتترك في الشعر لمدةساعه الي ساعتين وممكن تخلكين جرجير ويا فنجال ماي وتصفين مالها الماي وتخلصين فيه الحنا والجرجير مثل ماتعرفون مفيد حق الشعر المتساقط ومتضرر وينبت الشعر

وافضل خلطه من زيوت لتكثيف الشعر هي خلط زيت اللوز + زيت الصبار + زيت زيتون
وتخلط الزيوت بكميه متساويه وتوضع على النار الهاديه لمدة دقيقه او الين ماتحسين انها استوت دافيه وتسكرين النار بسرعه قبل لايفور الزيت واذا فار الزيت لاتستخدميه على الشعر لانه فايدة راحت او ممكن تضيفين لزيت كزبره مجففه وتتركينها في الزيت ليوم كامل وتستخدميه علي الشعر وتتركينه لمدة ساعتين الي ثلاث ساعات كل اسبوع ونتيجه بعد شهرين

وبعد هاذي الوصفه استخدمتها حرمت اخوي وهي شعرها جاف ونفعتها لانها وقفت تساقط شعرها بس ما استمرت عليها لانه ريحة البصل قويه وخصوصا هي لانها حرمه وصعب تسويها
الوصفه تتكون من بصل وماي تخلطينهم في الخلاط وتاخذين ماي البصل وتفركين فيه الفروه وتنامين على الوصفه واليوم الثاني الصبح تغسلين شعرج بماي دافي وتكريرنها ثلاث مرات في الاسبوع لين ما يتوقف التساقط

لكثافة الشعر نستخدم بياض بيضتين مع عصير ليمونه ونخلطه مع الشامبو

وصفه الامراض الشعر وتساقطه تسوين خليط من زيت الخروع وزيت الزيتون وشوي عسل وتخلطين عدل وتحطينه علي الفروه

وعندي لكم طريقه لتلوين شعر بلون مرجاني حلو ويجنن انا استخدمته الوصفه وطلع لون شعري روووووعه وربي الشاهد على كلامي وانه مفعول اللون بيكون افضل على الي لون شعرهم باهت ومب اسود وايد بس بعد تقدرين تجربينه صدقوني حلو
مقادير : عشر ملاعق كبيره من الحنا الايراني وعصير ليمونتين وملعقه كبيره من القهوه النقيه من غير هيل ولا اضافات يعني القهوه العربيه الساده وبياض بيضه وماي مغلي وشوي من زيت الذره تخلطين جميع المقادير واخر شي الماي المغلي وتضيفين الماي المغلي على دفعات وتخلطينه الين ماتصير مثل العجينه وتتركين الوصفه شوي وتتدهنين الفروه بزيت الذره لحفظها من الجفاف وبعدين تحطين الخلطه على الشعر لمدة مابين نصف ساعه الي ساعه او اكثر على حسب درجة اللون الي تبينها وتغسلين شعرج بالشامبو والبلسم

وفي شامبو وتونك انا استخدمتهم وانصحكم فيهم الشامبو اسمه شامبو clear صناعه اندنوسيه مايبيعونه في الجميعات انا اشتريته من ابن بطوطه مول في دبي يبيعونه في مكان مثل الكرفانات الي تكون في نص المول وكان على ما اعتقد في ردهت الصين والله ما اذكر بس محل يبيع كريمات ومنتجات اسيويه والله العظيم اني ما اقص عليكم اني استخدمت هذا الشامبو بروحه من غير مكملات ولا ماسكات ولا تونكات ولاشي بروحه بس كنت احطه ف شعري لمدة خمس دقايق وبعد فتره تقريبا اسبوعين او ثلاث حسيت شعري صحي وناعم وغليظ والله شاهد على كلامي اني ما اجذب وانا يوم اشتريته كان سعره 13 درهم والحين اخر مره يوم سرت واشتريته سعره 8 دراهم بس واستانست يوم شفتهم رخصوه بس هذا clear مب نفس الي في الجمعيه الي في الجمعيه للقشره هذا لشعر الضعيف ويتكون الشامبو من فيتامينات مقويه وهذي صورته

ولناس الي عندهم بداية الصلع او بروز فروة الراس بسبب تساقط انصحكم باستخدام هذا المرهم العجيب الي وصف لي اياه الدكتور واي كنت استخدمه كل يوم على الفروه والي مكان الخفيف او خط الي موجود في نص الراس بسبب القصه تاخذين كميه بسيطه من المرهم ويعني بحجم السبابه وتفركينه في المنطقه المصابه قبل النوم وهذا جل مقو و منشط ومنبت لشعر للاماكن الي فيها الشعر خفيف او المصلعه وبتلاحظين انه ينشف بسرعه في الفروه ونتيجه بعد ثلاثه اسابيع الي شهر وسعر المرهم 60 درهم وبتحصلونه في اغلب الصيدليات وانا اشتريته من صيدلية المركز الطبي وهذا صورته واسمه (Stimulating Gel)
من ماركة DUCRAY