#تطبيقي لفطائر الكباب الحلزونية للعسولة مها عبدو#

السلام عليكم ورحمة الله وبركاته

حبوباتي عرايس عروس

ده اول موضوع ليا ف قسم المطبخ كله

عشان انا بصراحة لسة مبتدئة خااااااااااالص :o:o

ديه يمكن تالت او رابع مرة اعمل فيها اكلة لوحدي :o:o

بس الحق يتقال مامتى ساعدتني فى كام حاجة كدة …كمان يعني !!!!هههههههههههه

بس انا ناوية ان شاء الله ابقى شطورة اوي ف المطبخ عشان بحب الطبخ بجد

المهم…

انا حاوريكو تطبيقي البسيط ويارب يعجبكو

طبعا مش شبه بتاع مها خالص ههههههههههه

بس والله طعمه خرافة وعجبهم ف البيت اوي اوي

تسلم ايدكي يا ماهي :L:

وادي الرابط بتاع الموضوع الاصلي

http://forums.3roos.com/showthread.php?t=545628

الاول عملت العجينة زي المقادير بتاعة ماهي

كيلو دقيق
2/1 ملعقة اكل ملح
2/1 ملعقة اكل سكر خشن
1 2/1 ملعقة اكل خميرة سريعة او خميرة خيز
2 ملعقة اكل زبادي طبيعي
فنجان قهوة صغير به زيت نباتي
ماء دافئ للعجن

بس مش كيلو دقيق….كتير اوي ….عملت كوبايتين ونص بس وسيبتها تتخمر ساعة وغطيتها بورق فويل

وبعدين عملت تتبيلة اللحمة

لحم مفروم
بصل مفروم
ثوم مهروس
ملح
فلفل اسود
زبادي طبيعي
كسبرة مرحية

بس مش كان عندي حبهان للاسف

وهنا بعد ما عملتهم صوابع…ماعملتش كمية كبيرة اوي عشان ديه تجربة كدة

بس المرة الجاية ان شاء الله حاعمل كتييييييييييييير بجد طلعت وااااو :thumbs_up:

بعدين حطيت حبة زيت صغيرين فى طاسة تيفال وشويت الصوابع فيهم

هنا وهما ع النار..معلش البخار طلع ع الموبايل فالصورة طلعت مش باينة …😮

وبعدين سخنت الفحمة على النار وحطيت الفحمة ف وسط الصوابع فى حلة وكبيت عليها الزيت اللى فاضل من الشوي وغطيت بسرعة

معلش مش لحقت اصور الخطوة ديه…كانت ع السريع

بعدين سيبتهم ف الحلة عشان يتشبعوا بريحة الفحمة

ودخلت ع العجينة

عملتها صوابع طوييييييييييلة ورفيعة

بعدين بدأت اخد صوابع الكفتة والف عليها العجينة

وهنا بعد ما خلصت المقدار كله ودهنت بالبيض ورشيت عليه السمسم وحطيته ف صاج عشان ادخله الفرن

معلش شكله مش امور زي بتاع ماهى بس ماشي الحال

وسيبته ف الفرن حوالي عشر دقايق خلي عنيكي عليه عشان بيستوي بسرعة اوي

واخيييييييرا شكله بعد ما طلعته

معلش الصور مش واضحة اوي الكاميرا مش كانت مشحونة فصورت بالموبايل

دي صورة بالكاميرا بعد ما شحنتها وبعد ما دقناها انا ومامي -فديتها -وهى موللللللللعة هههههههه

ف الاخر حبيت اقولكوا اخطائي عشان تقولولى اتفاداها ازاى المرة الجاية

اولا :

زي ماانتو شايفين لزقت مع اني حاطة زيت ف الصاج

مش عارفة كان مفروض احط ورق فويل مثلا ولا ايه؟؟؟

ثانيا:

العجينة كانت بتمط معايا ده عادى ولا انا عملت حاجة غلط

كمان مش نفشت اوي بعد ما سبتها ساعة تتخمر…ليه؟؟؟

يارب يكون تطبيقي عجبكوا وهو بسيط اوي

بس حبيت تشاركوني فرحتي اني عملت اكلة حلوة زي ديه لوحدي

بانتظاركو يا حلوات

بحبكوا موااااااااااااااااااااة

وتستاهلين احلى تقيم حبوووبه

اقتباس

المشاركة الأساسية كتبها **فراولاية**

	السلام عليكم ورحمة الله وبركاته وعليكم السلام ورحمة الله وبركاته حبيبتي بس انا ناوية ان شاء الله ابقى شطورة اوي ف المطبخ عشان بحب الطبخ بجد ما دام عندك نية انك تتعملي وتصيري شطورة فاكيد راح تكوني اشطر الشطورات لانه المطبخ اساسه النية وحب الطبخ لانه هو اللي يخليك تجربي مرة واثنين ومية عشان تتعلمي حتى ولو غلطتي ماراح تياسي وتتكاسلي بعدها المهم… انا حاوريكو تطبيقي البسيط ويارب يعجبكو طبعا مش شبه بتاع مها خالص ههههههههههه بالعكس حبيبيتي شكله يهبل :thumbs_up: بس والله طعمه خرافة وعجبهم ف البيت اوي اوي الف صحة وهناء على قلوبكم حبيبتي تسلم ايدكي يا ماهي :L: وايديك يا عسل على التطبيق الجميل والشهي ***** معلش شكله مش امور زي بتاع ماهى بس ماشي الحال بالعكس حبيبتي شكله مرتب وحلو واللي يخلي العجينة تساعدك انها تتشكل وتنمد معاك انها تكون مسبوكة كويس وكمان مرتاحة كويس لانها وقتها بتطاوعك في الشغل زي ما انت عازوة واخيييييييرا شكله بعد ما طلعته اممم عيني ياعيني ف الاخر حبيت اقولكوا اخطائي عشان تقولولى اتفاداها ازاى المرة الجاية اوكي معاك علشان التوضيح اولا : زي ماانتو شايفين لزقت مع اني حاطة زيت ف الصاج مش عارفة كان مفروض احط ورق فويل مثلا ولا ايه؟؟؟ حبيبتي الاغلب ان الفطائر اللي تندهن بالبيض تلصق في الطاجين في حالة انه وقت الدهن نزل البيض لقاع الطاجين او الصينية تبع الفرن عشان كدا تلصق العجينة في الصينية بعد النضح لان البيض عمل كانه غراء بين العجينة والصينية حاولي المرة الجاية انك لما تدهنيهم ما تكثري البيض وما تخليه ينزل لتحت وكمان حطي للاحتياط ورق الخبز في قاع الصينية ثانيا: العجينة كانت بتمط معايا ده عادى ولا انا عملت حاجة غلط ما فهمتش كيف يعني تمط لو قصدك انك لما تفرديها ترجع ثاني ويتقلص حجمها فهذا لانها مش مرتاحة كويس لانه كل ما ترتاح تطاوعك في الشغل كثير وتتشكل زي ما تبيها بسرعة كمان مش نفشت اوي بعد ما سبتها ساعة تتخمر…ليه؟؟؟ حبيبتي ساعة تخمير شوية المفروض اكثر وكل شوية تجي وتكسري لها الخميرة تبعها ( يعني لما تلقيها اختمرت وزاد حجمها اعجنيها شوي ثاني وخليها تختمر ثاني ) ومكن ان الماء اللي استعملتيه كان بارد ومش دافئ او الخميرة تبعك مفعولها مش قوي كفاية يارب يكون تطبيقي عجبكوا وهو بسيط اوي عجبنا جدا :thumbs_up::thumbs_up: بس حبيت تشاركوني فرحتي اني عملت اكلة حلوة زي ديه لوحدي هههه الف مبروك حبيبتي، حبيت تعبيرك بالفرحة بانتظاركو يا حلوات احنا اللي بانتظار باقي تطبيقاتك واكيد راح تكون تطبيقات ممتازة بحبكوا موااااااااااااااااااااة وانا كمان بحبك في الله حبيبتي

يعطيك الف عافية حبيبتي على المجهود الرائع

تسلم ايديكي وايد مها