تقشير الابطين بليزززززز بنات ساعدوني 2024.

مرحبااااااااااااااااااااا بناااااات شلونكم يا حلوين

تكفووون اللي عنده معلومات يساعدني , فيه أحد منكم سوى تقشير كيميائي او كريستالي أو أي علاج لسواد الابطين ونفع معه يعطيني معلومات,, آنه تعقدت وفقدت الامل وفلوس أطيرها بالهبل على كريمات غالية وأبد ما تأثر ولا تجيب حتى شوية نتيجه,, آنه قررت أسوي تقشير وقاعدة اسوي سيرج وابي معلومات من عند اشخاص موثوقين اللي هم انتوا ,,, اللي جرب هالتجربة يقدر يخبرني عنها وشلون طريقة العلاج وجم جلسة أخذ وياريت ياريت يفضل بنات البحرين عشان يدلوني على العيادة اللي راحوها والاسعار عشان اكون مُلمة بكل التفاصيل. عندنا عرس بالصيف ومابي أخجل من هالنقطة أبي ألبس اللي يعجبني بكل ثقة لان الثقة تزيد الجمال اللي كل البنات والنساء يبحثون عنه, وآنه صغيرة والله من كثر ما متعقة من الموضوع وايد استحي آنه مع اني مهووسة ومجنونة كريمات ونظافة فمادري ليش هالمنطقة تلوع جبدي واحس كلما استخدم كريمات اكثر اللون يزيد سواد بدل ما يقل

بنات البحرين ابي افضل دكاترة بالبحرين آنه قالولي عن دكتور حرب ودكتورة نضال خليفة, آنه ابي الشخص الاضمن واللي نتيجته تكون مرضية وحلوة ,,

رجائي فيكم اللي يعرف أي شي يساعدني ولو ما اعرف نخوتكم في المساعدة ما كتبتلكم

أسمحي أكون أول من يرد عليك برأي أبتعدي عن التقشير لهذي المنطقة لأنها راح تسود بزيادة والمنطقة حساسة وماراح تستحمل التقشير وأنا ما أقول ماله فايدة بس نتائج التقشير في البداية تكون حلوووة وتبيض المنطقة ماأحد ينكر ذلك بس يبغى لها بعد التقشير عناية وترطيب بأستمرار وكريمات مبيضة وغير كذا ماراح تقدرين تستخدمين مزيل عرق والمنطقة راح تتقشر بأستمرار بعد الجلسة وراح تحسين بألم وحرقان وإذا ما ألتزمتي را ح ترجع المنطقة زي أول وأكثر فنصحيه مني أبتعدي ودوري شيء ثاني أوحل آخر لتبيض المنطقة وغير ي مزيل العرق وأعملي على تهويه المنطقة وتجفيفة ونزع الشعر منها بالليزر أو بالحلاوة بقطع صغيرة حتى ماتتألمي ..وأنا ما جربه التقشير ودفعت فيه الكثير من الأموال وفي أفضل العيادات بعد بس مافي فايدة النتائج تكون حلووة لمدة شهر ونصف بعدين تبدأ المنطقة تسمر وأرجع أسوي جلسة وتقعد نفس المدة وترجع هكذا