تكفون بنات ساعدوني لوجه الله/ المنطقه الحساسه+اماكن اخرى / دعوه من صميم القلب 2024.

للمنطقه الحساسه

كل مايخص المنطقة الحساسة من استفسارات ومشاكل توضع هنا

قبل لا تبتدي بحلق المنطقه قومي بتقشيرها هالخطوه تساعد على ازاله الجلد الميت وظهور الشعر اللي تحت الجلد باستخدام مقدار ملعقه كبيره من السكر وعصير الليمون وزيت الزيتون وعمل تدليك للمنطقه الحساسه الخارجيه بالمقشر بحركه دئرايه لمده 5 دقائق ولا تنسي تبللي المنطقه بماء فاتر قبل وضع المقشر وفيه عد مقشرات مقشر الليمون من بودي شوب ومقشر كاب ومقشر المشمش من سانت ايفز روعه او باستخدام البيكنج صودا او بيكربونات الصوديوم

الخطوه الثانيه

غسلي المنطقه بغسول طبي خاص للمنطقه الحساسه وانا ارشح لك سيباميد طبي وماعليه كلام وفيم فرش وسيستال قومي بوضع قليل من الغسول براحه يدك ورغيه بقليل من الماء واغسلي المنطقه به بماء فاتر ونصيحه لا تراكمين الشعر لين يطول كل 4 ايام شيليه

نجي لطريقه ازاله الشعر فيه امواس نسائيه خاصه للمنطقه الحساسه يبعونها بالصيدليه وبعضهم يجي معا رغوه مثل فينوس وجيليت وايد حلوين حطي على المنطقه رغوه او انا احط نشا واكثر منه وشيلي المنطقه اللي فوق بس بالموس وبعكس اتجاه نمو الشعر
المنطقه اللي تحت في اله ببروان زي القلم مخصصه للمناطق الضيقه حلوه لها المكان ابدي شيلي الشعر من تحت لفوق وبحذر شديد حتى لاتنجرحين
وبعد ما تخلصين حلق المنطقه غسليها بماي بارد جدا حتى تتقفل المسام وبعدها امسحيها بمناديل ديتول المعقمه او مناديل البيبي وعقب جيبي قطنه وتكوني مجهزه طاسه فيها ملعقه جلسرين وشوي ماي ومذوبه فيهم حبه اسبريين وامسحي المنطقه حتى لا تصير حبوب او تقدري تسوي ماسك النشا وماي الورد وتدهنين المنطقه فيه وتخلينه يجف وتغسلينه بماي وتمرري ثلجه وبعدين ارجعي غسلي المنطقه بالغسول وجففيها زين بالفوطه بالطبطه وعقب رطبيها بزيت اللوز والجلسرين او زيت الصبار من بيبي جونسون ووقت ال 3 ايام من الحلق استخدمي كريم طبي لمنع الحبوب من سيباميد لللاطفال واحرصي انج ما تلبسي ملابس داخليه ووقت النوم حتى تتهوى المنطقه واستخدمي الشورت القطني ويكون مو لاصق
ورطبي المنطقه يوميا مهم جدا والغسول استخدميه مرتين بالاسبوع لا تكثرين
وكل يوم امسحي منطقه البكيني بتونر للبشره الحساسه من كلين اند كلير او نيفيا
واهتمي بنفسج وقت الدوره واشربي شاي دراسين وشاي بابونج ووقت الدوره تغسلي بماي دافي وملح وكثري من الاشياء الدافيه وابتعدي عن الاكل الدسم واللزج والحامض واشربي ماي

للوجه

اول شي
يوميا لازم تشربي 8 كاسات ماي واخلطي معاه ماي ورد وابتعدي عن القهوه والشاي والنسكافيه والغازيات واستبدليهم بعصائر طبيعيه وتكون فريش لا للمعلبه لانها تحتوي على مواد حافظه اشربي يوميا عصير برتقال البرتقال والليمون وعموما جميع الفواكه مفيده للبشره والشعر والجسم ونوعي بالعصائر مره عصير اناناس مع الزنجبيل او عصير الليمون بالنعناع او عصير كيوي بالنعناع وايضا ممكن تشربي شاي لكن بالاعشاب زي النعناع والقرفه واليانسون والبابونج والشاي الاخضر كلها هذا مفيده للبشره وتصفي الجسم من الداخل استمري عليها لمده شهر وشوفي كيف بشرتج تتغير
ايضا كل يوم على الريق اشربي كوب ماي دافي مع ملعقه عسل او عصير ليمون
نوعي بالغذاء اكلج لازم عالاقل 2 مرتين بالاسبوع تاكلين سمج السمج والماكولات البحريه وايد مفيد جدا
البيض والحليب ممكن تحلين الحليب بالعسل او مع قطع من التمر
اكل 7 تمرات يوميا
الخضروات والفواكه لازم كل يوم تاكلين سلطه ونوعي فيها حطي فيها الخس والملفوف الملون والجزر والخيار والطماط والجرجير وركزي على الخضروات الورقيه الخضراء مفيده لصحه الجسم والبشره ونوعيه غذائج هي اللي تبين في ويهج وجسمج فلازم تهتمي باكلج
ابتعدي عن الاكل المقلي واللي يحتوي على بهارات وايد والاكل السريع
واهم شي ابعدي عن الشبسات والمنبهات والمقليات والشكولاتات مهم جدا لانها تسد المسام
نجي للعنايه بوجهج
العنايه اليوميه
خذي لج مجموعه كامله تحتوي على غسول وتونر او حليب منظف وكريم النهار وكريم الليل وواقي الشمس وانا افضل تاخذين مجموعه طبيه عندج كلينك مجموعه الثري ستيب او كلينك او فيشي او بايوديرما تستخدمينها مرتين باليوم صبح والليل ولا طلعتي ضروري ضروي تحطين واقي شمس عندج بايوديرما فنان او فيشي
سوي لج شاي اخضر والماي يكون اللي تغلينه فيه الشاي ماي ورد وخليه يغلي ولما يبرد صفيه واضفي له كبسوله فيتامين موجوده بكل الصيدليات وحطيهم باللي يحطون فيه مكعبات الثلج وخليهم يجمدون وكل يوم خذي مكعب وحطيه في شاش ابيض اافضل ومرري على كامل ويهج
العنايه الاسبوعيه نفس العنايه اليوميه بس اضيفي له التقشير من مره الى مرتين بالاسبوع
عندج مقشر الشاي الاخضر من سانت ايفز او مقشر المشمش اغسلي ويهج بالغسول بماي فاتر حتى تتفح المسام وعقب وويهج رطبي خذي منه شوي على اصابعج وقشري ويهج بحركات دائريه لمده 5 دقائق وعقب غسليه بماي بارد وجففيه بالطبطه مو بقسوه لازم نعومه وبنفس الاسبوع اختاري لج اي يوم وسوي ماسك
عندج ماسك الزبادي
ملعقه كبيره زبادي مع ملعقه عسل وكبسوله فيتامين اي تحطينه على ويه مغسول بالغسول وتخلينه ينشف وعقب غسلي ويهج واستخدمي مكعب من مكعبات الشاي الاخضر وبعد 10 دقائق استخدمي الكريم المرطب
او ماسك التفاح
تفاحه مقشره ومبشوره
ملعقتين كبار زبادي
ملعقه عسل

العنايه الشهريه
سوي فيشل او حمام بخار انتي تقدري تسوينه بنفسج خطواته كالتالي غسلي ويهج بالغسول بعدين
سخني ماي بجدر وممكن تضيفين له نعناع وشرائح من الليمون او البابونج وعلى طول خذي فوطه نظيفه وغطي الجدر فيها وعرضي ويهج للبخار لين يحمر وتحسينه يعرق عقب جيبي المقشر وقشري ويهج وغسليه بماي فاتر لما تخلصين سوي اي ماسك من اللي كتبتهم لج وحطي على ويهج وعقب غسليه بماي بارد من الثلاجه حتى تتسكر المسام ورطبيه بالكريم

للابط زوري موضوعي

روتيني وعنايتي بمنطقه الاندر ارمز

لليد

مقشـــر شهــر العسل

بعد التقشير سوي ماسك بيكربونات الصوديوم معرفه للتفتيح الله يجزي صاحبه الماسك خير
3ملعقه كبيره بيكنج صودا او بيكربونات الصوديوم مع عصير ليمونه وبتلاحظي المزيج يفور خليه يركد خدي منه وبحركه دئرايه وبهدواه فركي يدج وعقب غسليها بماي على النار حطي ملعقه عسل ملعقه عصير برتقال طبيعي وملعقه قشر برتقال مطحون يعني قشر البرتقال تاخذينه وتخلينه ييبس في الشمس وتحطنينه لما يصي جاف بيصير مثل البودره وملعقه زيت اللوز وخليه يدفى فقط بعدها البسي قفاز فوقه فوطه دافييه او القفاز الكبير حق الطبخ وبعد دلك ادهنيها بكريم اليد اللي ترتاحين له وانا افضل كريم فازلين الوردي المخصص لليد والاظافر وكريم طبي اسمه افينو وفيه بعد كريم لليد من لوكستيان بزبده الشيا مالقيتي تقدري ترطبيها بزيت الجلسرين وزيت اللوز ودلكي اليد وانتي تحطين الكريم بظريقه الضغط واحرصي على الضغط على كل اصبع من طرفه 5 دقايق وبعدين كنك تجمعين يدينج وتضمينه لبعض ورطبي اليد باستمرار وخلي عندج كريم قريب من الكمودينو قبل النوم ادهنيه وحقيبتج ولا طلعتي استخدمي واقي شمس وحطيه على يدج من بايوديرما وحتى لا تجف يدج البسي قفازات وقت غسل المواعين وللاظافر جيبي طاسه صغيره حطي فيها زيت زيتون وغمسيها فيهم وافركي الاظافر بليمونه