أخواتي كتبت فهذا الركن وكلي ثقه بانكم راح تساعدوني في اكمال غرفة نومي …
بصراحه انا غرفة نومي جديده بس مادري احس الغرفه ميته
اولا الطقم لون الخشب جاي بني على اخضر على بني باهت اتمنى فهمتو قصدي
ولون الغرفه لون ميلك شيك الجوكلت يكون بني فاااااااتح او مثل عصير حليب بالكاكو بني فاتح
والستارة بني على اخضر فيها نقوش مخمل نفس نقوش ورق الحائط الدارجه هالايام وطبعا اللون باهت
بتقولون ليش اخترتي كلشي بهالطريقه
لان اثثنا بيت كامل انا وخواتي وامي في اقل من اسبوعين لان سافرنا عقبها فمن جذي اتلخبطت الامور كلها
حاليا شريت اشوية اكسسوارات وراح اشتري زولية قدام السرير تكون بيج فااتح مايل على الابيض فيه شعر او صوف طويل قلت يمكن تكسر روتين الغرفه الممل
وافكر اشتري كنب لان عندي مساحات واسعه …. وصاحباتي نصحوني افصل لي ارفف واحط فيها اكسسوارات
والله مو داريه شنو اسوي بالضبط
محتاجه لأفكار
يعطيكم العافيه 
ماشاء الله عليكم
لكن تدرون انا الغلطانه الي اكتب لكم ولاحد يرد رجاءا
تصدقين حللوه فكره المكتبه في الغرفه
امممممممممممممممممممممممممممممممممممممم وش بعد
خلاص ماعندي شي
أو ممكن تستخدمي "تيبل لامب" على جوانب السرير يضفي إحساس و حركة حلوة
و ممكن تغيير مفرش السرير و إضافة لوحات جديدة بالغرفة , عندك مساحة بالغرفة فممكن تحطب كنبيتين و طاولة صغيرة !
صراحة أنا مش حابة فكرة الرفوف مش حاسة إنها بمحلها
يا ريت لو تحطيلنا صورة للغرفة واحنا نساعدك ان شاء الله..
اتمنالك التوفيق.
دمتي بود..
وحطي غنفات مال بو شخصين وحطي لوحه مثلا لون برتقالي بكسر اللون مره
وحطي ورود بارزه لصقي ع طوفة بطريقة مرتبة احس حلو بيظهر
وحطي حوض سمج متوسط الحجم اموووت ع اسماك عندنا بالبيت
حوض سمك ع شكل طاوله الصراحه خبال
وألحين بفصل اثنين غيرا وحطي لج بالغرفة كناري والله صوته يرد الروح
والسموحه ع التقصير
حبيبتي واذا بغيتي شي فالج طيب