حبيباتي البنات وخاصة الخبيرات في التجميل والمكياج انا انشاءالله راح ابداء في مشروع صغير جدا وهو اني راح ازين قريباتي في المناسبات وانا الحمدلله عندي خبره بسيطه في المكياج بس اللي حابه اعرفه منكم انكم تقولولي على افضل كريم اساس للسهرات ويكون ثابت او اي شي يثبت الاساس او المكياج كله وابغى اعرف ايش هي الوان الظلال اللي اشتريها كبدايه يعني ايش هيه الالوان الاساسيه وايش افضل ماركه للظلال كمان ابغى اعرف ايش اخذ الوان من الظلال المائيه بليز بنات لا تخذلوني الله يخليكم ضروري تساعدوني علشان انشاء الله راح ابداء قريبا لانه ماشاءالله المناسبات كثيره عندنا واللي عندها صور لرسمات عيون حلوه لاتبخلون عليها كمان اللي عندها صور تساريح كمان لاتبخلون عليه وانا اسفه على ازعاجكم والله يحقق مطلب كل وحده تساعدني ويفرج همها اميين يارب العالمين
آمين
اتمنى البنات الخبيرات يفيدوكي بهالخصوص
كيرولاين
ماك
بناي
غيرماس
هذول اغلب الماكيرات يستخدمونهم ..
مثبت المكياج ممكن تشترين فيكس من ماك ..
الالوان الاساسية عندج من ماك حلوين وثابتين
ميك اب فور ايفير وكيرولاين بعد ..
الالوان الاساسية :
الاسود
البني
الذهبي
الرصاصي
الازرق
الاخضر
البنفسجي
الوردي
حبيبتي كمبتدئة لازم تعرفي الاساسيات من اول شي لاخر شي
التنويع بالماركات اهم شي
دراسة اشكال العيون
والحواجب
وشكل الوجه كثير مهم
واذا على الماركات اتجهي للماركات السينمائية او البروفشنال واذا عندج مبلغ
للشراء يكون حلو خذي الاشياء الزينة ولا تستخدمي الحاجات الي ممكن تحسس البشرة
لان في وعي كبير في البنات ..
طبعا الماركات الي ذكرتهم مها حلوين بس ازيد عليهم ماركتين بعد
– ميكاب فورايفر
– ستياج تقريبا كذا اسمها
يعني بتحتاجي بيس + مصححات المكياج وميكاب فورايفر + كرولاين عندهم الدرجات الحلوة
بن ناي انتبهي من وين تشتريه لان مرة من المرات انتشرت مواضيع انها مغشوشة فاحسن تتجهي لكرولاين ..او ماك او فورايفر
بالنسبة للشدوهات يفضل تنوعي لان بتصادفك ملابس الزباين يعني التنويع مهم ممكن تحصلي تاجرات يعطوج باليتات للمكياج السينمائي مثل ميكاب فور لايف +ماركة مكياج وماركات ثانية وصدقيني ثابته وبتحصلي معظم الخبيرات يستخدموها …
بس اظمني التاجرة وان بضاعتها سلمية …
يحتاج تقري اكثر وكمان الصور لحالك تيبي بتحصلي كثير من المواضيع +المجلات النسائية الي تعرض الميكاج سواء على اوجه الممثلات او العارضات …
اليوتيوب كثير بتحصلي حتى الميكاج العربي ..
ان شاء الله قدرنا نساعدك