انشالله بإذن الله سأذهب للحج هذا العام وهذي طبعاً أول مره.
ما هي الحاجات الضرورية التي آخذها معي؟ وفي منى وعرفات .
– كما تعلمون اننا في فصل الشتاء هل أحمل معي ملابس ثقيله؟[/SIZE]
الله يسهل لج دربج ويتقبل منج الطاعة ويكتب لنا الحج باذن الله
اهم شغلة الدلاغات الشتوية
وملابس شتوية
وسجادتج الخاصة
والله يسهل عليج
عيل لازم أشوفج
لأني بإذن الله رايحة الحج السنة
حبيبتي
بالنسبة للتجهيزات
أنا إلا الآن جهزت الأحرام بس (بصراحة سويتلي حرامين )
وأي تجهيز ثاني بقولج
على العموم صج الجو بارد
بس لازم تعرفين أنو زحمة وايد من الحجاج يعني مارح تشعرين بالبرد
وماتنسين أنج بتمشين يعني مارح يكون برد أبداً
ملابسج راح تكون ملابس عادية بس ممكن تاخذين معاج شال أوشي بس مايكون ثقيل يعني مو خفيف ومو ثقيل
على العموم إذا ودج أي شي بجهزة أقولج عنه بإذن الله
وتقبل الله مقدماً
وإن شاء الله أشوفج بالحج
 |
اقتباس |  |
 |
المشاركة الأساسية كتبها شظايا الماضي |  |
 |
| ما شاءالله
الله يسهل لج دربج ويتقبل منج الطاعة ويكتب لنا الحج باذن الله اهم شغلة الدلاغات الشتوية وملابس شتوية وسجادتج الخاصة والله يسهل عليج |
||
 |
 |
أي دلاغات شتوية الله يخليج
زحمة واااااااايد
وأنتي تشوفين بالزحمة شنو يصير
وبعدين مكة ماتصير باردة وايد
وأكيد الحملة توفر بطانيات
اشكرج انج طرحتي الموضوع هذا لاني بعد سايره الحج السنه ان شاء الله وبأذنه
وبغيت اعرف شو الاشياء اللي ممكن احتاجها وبغيت اعرف خبراتكم يابنات في الحج اشياء ضروريه يمكن نحن اللي اول مره نحج ممكن نحتاجها
واشياء نتجنبها واشياء ماننساها… افيدونا الله يجزيكم خير ويجعله في ميزان حسناتكم
وان شاء الله ماراح ننساكم من دعواتنا
بالنسبه لي انا
اخذت جرابات بس مب شتويه عاديه مهم انها تغطي رجولي
وملابس خفيه قطنيه
عبايتين +شيلتين
نعالين وانتو بكرامه
مصحف
السجاده نسيتها
وشو بعد ممكن نحتاجه تمنى انكم تفيدونا
اول شي الملابس ركزي انها لازم تكون مريحه والافضل طبعا القطنيه والافضل تكون واسعه قليلا وذات اكمام طويل وركزي ان اللبس هذا اهو الي بتحرمين فيه وما راح تنزلينه الين تتحللين من الاحرام يعني يمكن يجلس 24 ساعه كامله ويمكن اكثر لكن لامانع من ان يغسل ويجفف ويلبس
اما العبايه فاحرصي ايضا على ان تكون مريحه وان تكو بنفس طولك يعني لا تكون سايبه في الارض علشان ترتاحين فيا اثناء المشي وتفتكين من الناس الي كل شوي ترصع فيها والحذا استخدمي بوت رياضي خفيف ويكون جلد لانه اوقات بتمرين على اوساخ وماء
وكذالك شي مهم وهو غطاء الوجه احذرو النقاب لانه يستوجب الفديه يعني جهزي غطاء مريح والافضل طبعا انه يكون طبقات علشان تخففينها اذا احتجتي او اضلم الجو وكذالك الجوارب احرصي على نوعيتها وخذي احتياط لان هالاشياء تفقد بسهوله
الاهم وال ي ركزو ايضا عليه والي هو الملابس الداخليه القطن ثم القطن وياليت تلبسين شورت قطني مريح وركزي انه يدخل بين الافخاذ لان الاحتكاك المستمر مع المشي راح يسوي حريق وهاذا موؤكد الحصول عند البدينات واذا قدرتي حطي مرطب في هالمكان والافضل الفازلين لانه يحمي من الرطوبه والي سبق ربي ستر علي منه لاني ولله الحمد نحيفه لكن المعاناه كانت مع اختي الكبير لاااااانها بدينه قليلا
والكمامات لا تنسينها ولا تشيلينها نهائيا بعد الله ساعدة في حمايتي من الافلونزا وتعب الحج
يعني الحمد لله رجعت من الحج وما تعبت وهالشي نادر
وياليت تأخذي مسكن لالم الراس اذا كنت من النوع ال يشتكي من الصداع وكذالك مسكن لالم العظام اذا كنتي تستخدمينه بعض الاوقات او ممكن مرهم لالم العضلات واذا كان فيه اي علاج انتي تتناولينه لا تنسينه وياليت تحطين في شنطتك بعض البسكوت الجاف الي ممكن يتحمل ويجلس فيا ها لوقت اللزوم والجوع
والله الله في الفلوس خذي احتياطك
وبعد ذالك كله ساذكرك بما هو اهم كوني مع الله وداومي على ذكره واستغلي تلك الايام وقللي من السوالف واحذري ثم احذري من الذنوب ولا تتركي القرآن ولا الاستغفار ولا تتركين الابتسامه في مكانكم بين النساء فهي اقل صدقه تحصلين عليها والصبر ثم الصبر لان الوضع في الحج يدعو للنرفزه والتضجر ولاكن اتركيه وادعي الله واستشعري ان تعود ي من الحج كيوم ولدتك امك ولا تترددي في خدمة ومساعدة من يحتاجك
اسأل الله ان يتقبلك ويكتب لكي حجا مبررور وادعيلي بالتوفيق والصلاح والجنه لي ولوالدي ان تذكرتي والا فسامحك اللك وسهل امرك
(ترا فعلا برد وراح تحسين فيه اكثر شي في الليل والفجر مع الوضوء)
نحتاج لهذه النصايح كونا اول مره نحج ومانعرف الاشياء اللي ناخذها واللي بنحتاجها في الحج
ونحن بنتظار اضافتك لاعدمتك الغاليه
وان شاء الله ماراح انساج من دعائي والله يوفقج
1. كمبل أو شال خفيف
2. شورت قطن
3. عباية عدد 3
4. حجابات او شيلة
5.جوتي رياضة او جوتي طبي (عرفتوه نفس سستر المستشفى)
6.صابون بدون ريحة
7.كيرفري (شرائح من الكوتكس)
8. ابرة وخيد احتياط
9.دلاقات ويقولون المحبب من اسفلة علشان يمسك على الارض
10. سجادة خاصة
11. بنادول
12. بسكوت مثل ما قالت الاخت البسم
وانشالله ما ننسى احد بالدعاء…
أنا للحين بس جهزت الأحرام …
وأنا خاايفه من الدوره الله يستر منها … باخذ حبوب لأن موعدها بيكون يصادف اليوم العاشر في الحج …بس ان شاء الله ماتلعوزني ….
أهم شي من هذا كله ربي يوصلنا لهذاك المكان الطاهر ويتقبل منا …
ثانيا راح اذكر لكم الاغراض اللي نحتاجها وهي:مصحف كتيب صغير لشيخ معروف مثل بن باز اوغيره يشرح فيه مناسك الحج سجاده 4شورتات فخاذيه فرشه للشعر شامبو صغير فرشاة اسنان ومعجون بنادول كريم فازلين او سودو لتخفيف الاحتكاك شرابات للرجول منشفه كبيره وصغيره للشعر وللجسم بعد الاستحمام جزمه مريحه شنطه صغيره مريحه عشان تحطين فيها الجوال وفلوسك بطانيه خفيفه اللبس يكون مريح على حسب ذوقك 2 طرحه او شيله قطنيه
وان شاء الله اكون ذكرت اشياء تفيدكم والله يسهل علينا ونرجع بالسلامه