شسوي فطور لامي التي تعاني من الضغط والكولسترول

صباااح الخير ياحلوات

امي عندها ضغط وكولسترول ومن سنه ونص مسويه عملية قلب مفتوح

يعني شرايينها كانت مسكره بسبب الدهون وسوولها استبدال

هي الحمد لله يارب بخير الحين ربي يحفظها ويطول بعمرها وجميع امهاتكم يارب

لكن احس دايم ياعمري انو وجباتها محدده يعني ملح شووي وبدون زيت

فتصير وجبات روتينيه ,, وفطورها يكون شي ناشف نحرص عليه :/

لكن ودي اغير لها واحط لها حاجات حلوة ,, انا من يومين بس صرت احب الطبخ :worn_out:

وفكرت بامي كثير ودي دايم افاجأها باكلات حلوة وصحيه لها ,,

اغلب افطور او الاكل عامة يكون دسسسسسسم او داخل معاه شي دسم

فاتحطمممممم

تكفون عطوني وصفات للفطور واذا عندكم للغداء والعشا بعد ياليت 😎

:L:

خلاص مزاعلتكم :فيس مبلم :

ماقصرتوا الله يعطيكم العافيه

صلحت لامي امس شوربه مررره انبسطت عليها الحمد لله يارب

شاكره لكم ردودكم :ورده:

و عوافي على قلبها و ما قدامها إلا العافية… و الله يحفظها من كل مكروه و يخليها لكم F: 

مشكووره يا آآآِش(عجزت اقرا الاسم ههههه)

مرره فرحت بردك لان عطاني مجااال افكر وش اسووي لها ربي يوفقكم كلكم ماقصرتوا ياحبيلكم

((

الوااان سحريه

حياااك ياحلوة

الشوربه عباره عن شوفان مع مويه وملح شويه وطماطم مطحون

طبعا يوم غلوا شوي مع بعض طحنتهم كلهم ورديتهم للقدر مره ثانيه

وفيه ترى امكانيه تحطين بطاطس وااياهم بس ماحطيته امس كنت مستعجله أوي

اهم شي ان هالوجبه تحتوي ع قمح

ربي يشفي الوالدة ومرضانا ومرضى المسلمين أجمعين ياربي

في فطور يشبه السيريال بس بالشوفان وان ما لقيتي فرش فيه معلب (اللي ينحط مع الشوربة)
اغلي الشوفان في حليب قليل الدسم لغايه ما يستوي
حلو لحاله وممكن تظيفين له العسل أو الفواكه حسب ما تحب الوالدة

البر مثل حب الهريس ويسمونه حنطة ولازم بقشره ،بر عمان مشهور (الحب اللي لونه غامق) نسميه بر صلالة لقيته هنى أكيد له بديل في السعودية ، اشتريه فرش واطلبي المطحنة تطحنه لك ، واخبزي به كل أنواع الخبز وبالاخص الرقاق لأن عجينته ما فيها دهون أبداً، وحطي عليه عسل أو مع قشطة فرش قليلة الدسم المراعي حلوة

الفايبرز في الشوفان والبر ما تخلي الدهون تلتصق في جدران الأوعية وتسهل تذويب الدهون الموجودة وتساعد على سرعة الهضم وتنشط الأمعاء

نوعية أكلها كثري فيه الفواكه والخضار وفي التتبيل اعتمدي الأعشاب بدل الملح والفلفل مثلا السماق أصلا مالح واحرصي على المشاوي وبالأخص الأسماك مفيدة وكثري الليمون والنعناع والأعشاب العطرية تخلي الطبخ له طعم ونكهة.

ياربي يشفي جميع المرضى ويتمم علهم العافية