شلون اقدر اعود حبيبتي على النوم بدون قماط؟؟؟ 2024.

صار لي فترة احاول اخلي نجودة تنام بدون قماط الصبح ، وفي الليل اقمطها، سويت هالشي تمهيد اني اشيل عنها القماط في الليل، ومقررة ان هالشي يصير اول ما تدخل شهرها الخامس، هي قريب تدخل الشهر الرابع، بس المشكلة انها وايد تحرك ايدها وتفرك عينها بايدينها، وهذا الشي وايد يضايقها وما يخليها تنام عدل(n)

اليوم مسكت يد وحدة من ايدينها ونامت بعد ما عانت المسكينة(x)

شتنصحوني فيه؟؟
متى راح تتحكم في ايدينها بحيث انها ما تضايقها وقت النوم؟؟
ويا ليت تشرحون لي مواقفكم وتجاربكم انتوا مع عيالكم

سالفة عبادي ويا القماط
ماكنت اقمطة عدل اول الشهور علشان جذي يوم شلتة عنه كان عادي
بروحة يحيب ينام من غير اقماط لانة ماعوتة ماكنت مقتنعة بسالفة القماط يعدل رجول الجاهل او يقوية
بس كنت احب اقمطة عن هواء المكيف
وشلتة عنه من يوم امممممممممممم يمكن من نهاية الثالث

والله الله يكون بعونك

انا اولادي الاتنين ماقمطتهم ابدا الا ساعات معدودة ولوقت قصير الاغلب
لاني ابدا مابحب القماط واولادي كمان ماحبوه ودائما يتعصورو حتى يفلتو يد ولا رجل

انتي اختي بعد ماتنام فكي عنها القماط وشوفي
اذا مارضت خلليه عادي والله في وحدة اعرفها ضلت لعمر السنتين تقمط اولادها بالليل بحجة انهم
ينامو وما يصحو
والله المستعان

انا عن ولدي

باليوم اللي كمل فيه 5 شهور شلته عنه

بس اول نرة اذاني و بالغصب نام و ن ثاني مرة عادي ماكو اي مشكلة

لان الطفل يكبر و يتعود على ايده و يبي يتحرك

هلا و الله بأم نجودة !

معاناة ببداية تعويد الطفل على النوم بدون قماطه ! ،،

انا اللي نفع معاي .. كنت اشيل القماط لما يستغرق بالنوم و بعدها اخليه نايم على جنب و ورا ظهره وسادة صغيرة حتى ما يرجع على ظهره ..

يهالطريقة يتحكم بأياديه و مع الوقت اختي راح تتعود البنوتة !

سبحان الله هجوره بنتي نفس العمر وحاتي هالسالفه

مشكورين يا الغاليات

انا الاحظ انها دام طول النهار مو مقمطة عادي تنام عادي بس الصبح اول ما اشيل عنها القماط ما تقدر

برايكم القماط هو السبب وكانه مخلي ايدينها متخشبة؟؟؟؟

انا ما احس ان القماط يمثل مشكلة..

أنا معصومة بنتي ما تنام الا مقمطة..
لأن اذا حركت يدها تقعد..

امي تقول عادي، حتى بعض الاطفال يظلون سنة كاملة

دام هالشي يريحهم خلاص..
وما وراه ضرر

هلا خيو ام شجاع شخبارش وشخبار نجودة القمرة

اني اقول ليش لا تحاتين كل شي وشوي شوي بطبيعة البيي ما يحب القماط دام انش في النهار مخليتنها بدونه فشوي شوي تشوفينها تله وبتنام

عن تجربتي كنت اقمط حمود ومن يصيح بالليل يقم ابوه ويفل عنه القماط<<<<< يقول يضايقه

ولا حسيت بصعوبه ولا شي الحمدلله

وبطبيعة الطفل يخاف من ايده وبعدين يتعود علها ويبدأ يتعرف عليها

سلامي وتحياتي لأم نجودة ونجودة

انوار وبنت الاصايل تسلمون والله

اتمنى ما تمثل مشكلة لاني قاعدة اتبع معاها اسلوب التدريج في كل شي والله المعين