اليوم سويت سينامون انما ايه 
وحبيت اعرضها لكم وبالصور :clap:
بالبداية احب اشكر الاخت السفيرة اللي دلتني على مقادير العجينه وطلعت روووووعه تجنن موت
اسفنجيه خيال من جد
حتى ملمسها ودك طول الوقت تعجنين فيها :gum:
والشكر موصول لصاحبة العجينه وهي ام عزيزان من مدونة عالم حواء جزاها الله خير
يللا اترككم مع المقادير والطريقة والصور
الكاس المستعمل هو كاس الجبن =240 غ
والملعقة ملعقة الاكل وتكون الكميه ممسوحه
والحليب عادي وحتى لو الملاعق مليانه
والفنجان انا استعمل فنجان القهوه التركيه بس ما امليه على الاخر
والعجينه تتكون من مرحلتين
بالاول تخلطين المرحله الاولى وتتركيها عشر دقايق وراح يكون شكلها سائل اشوي
فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق واضيفي ملعقتين حليب بودر مليانه …. انا احط ملعقة خميره بس
وبعدها تحطين مقادير المرحله الثانيه عليها
3 كاسات دقيق /نصف كاس زيت
وتبدين تعجني فيها … بالاول ممكن تلصق في ايدينك بس عادي حطي في ايدينك اشوي زيت او طحين وابدي اعجني فيها وكل ما طولتي عجن فيها راح تكون احسن واحسن
لما تتكور معاج وتصير ملسه وما تلصق في الوعاء …
وبعدين
بعد ماجهزت عندي العجينه
فردتها ورشيت عليها قرفة مطحونه وسكر مطحون بعدين طويتها الين صارت اسطوانيه وقصصتها وبيطلع لكم الشكل حلزوني
بعدين صفيتها بالصينيه اللي تنفتح من الجنب
وحطيتها بالفرن
وبعد ماطلعتها هذا شكلها
بعدين فتحت الصينية من الجنب
وبعدين حطيت عليها حليب مركز نستله
وبالعاااااااافيه عليكم :shy:
رووعه ماشاء الله
تسلم ايدك يا اسيرة قلبه
شكلها وايد شهي بصراحه:shy:
ماا شاااء الله
أحلى يا أسوره والله منتي سهله..
شكلها يشهي شهيتيني..
ياللا ارسليلي صينيه عشان احكم طعمه ولا لأ..
يعطيك العافيه وتسلم ايدك..
ولا تحرمينا من جديدك..
الحلو مايجيب الا الحلو
تسلم ايدك ياقمرايا
lekaa139
الله يسلمك ويحلي ايامك حبيبتي
مرورك الاروع
تسلم يمناك على الطبق الرائع والصور الحلوة
من شكلها يمى يمى 🙁
ماطرشتى لى قطعه :angry:
على الاقل نذوق وبعدها نحكم :angry:
بس فعلا انتى طباخه ويابخت هلك بهالاطباق السنعه
ربى لايحرمنا منك ولا من روائعك حياتى
وتقبلى اعذب تحيــــــــــــاتى
هلا فدييييييييييييييتك بنت عذارى
الله يسلمك يارب
اشكرك على الاطراء ياقلبي
تسلم ايدكـ ياعسل
يعطيكـ العافيه