قووه حبيبات قلبي
بقول لكم عن تجربتي في شيل الشعر من هذيك المنطقه
المهم كنت اشيل بحلاوه والوضع ماشي مية مية
وتعودت من قبل الزواج اني اشيله وصار شي عادي
صج اني اقعد يوم كامل اعابل بالحلاوه
لكن باقي الشهر مرتاحه
ما طول عليكم
مافي حل حزتها الا اكلم بنت عمي تشتغل بالمستشفى عشان تطرش لي امواس الحلاقة مالتهم
يمدحونها انها تشيل الشعر عدل
جربتها صج شالت الشعر وكأني مسويه بحلاوه
لكن ثاني يوم على طول بدت الحكه و طلع لي حبوب:down:
المهم بعدها قلت لا للحلاوه ولا لموس المستشفى:no:
وخلنا نتبع سنة نبينا صلى الله عليه وسلم
رحت الجمعيه وشريت امواس نسائيه
وجل احطه على المنطقه مع شوية ماي قبل الحلاقة
اول شي بقول لكم عن النتائج بعدين بقول لكم عن الطريقه
اول يومين من الحلاقة المنطقة كانت ناعمه وتهبل
كأني مسوية بالحلاوة
المهم بعدها بـ 3 ايام بدا يطلع الشعر بس حيل صغير وناعم
خفت اشيله يطلع لي حبوب وخليته
يعني بقولكم مو اول ما يطلع تشيلينه
ولا انج تطولينه
خليه يومين ،، صج مبين لكن ملمسه ناعم
المهم بعدها طول الشعر شوي بس والله ناعم انعم من شعر راسي
والحين انا مقرره اتم على نفس الطريقة وماغيرها
شرايكم اقول لكم الطريقة والأدوات
اول شي شريت امواس نسائه
جربي من سوبر ماكس و جيليت ومن
وبعد شريت الجل من سوبر ماكس
وبس
اول شي رطبت المنطقه بالماي
بعدين خذت نقطه صغيره من الجل
عجبني الجل الوردي (ريحته ورد وهم للبشرة الحساسه)
رغيت الجل على المنطقة وبديت اشيل بالموس
وبعدها غسلت المنطقه وحطيت قطعة ثلج
ومن بعدها كريم مرطب للبشرة الحساسه من دوف(لأنه خالي من العطور)
همسه:: غاليتي تجنبي مسح المنطقة بالليمون لأنه يسمر مع كثرة الاحتكاك
هم تجنبي تشيلين بالموس واعصابج مشدوده لأنج بتجرحين المكان
واخيراً تجنبي الشيل بالموس على المنطقه وهي ناشفه عشان ما تتجرح وهذا هم يطلع فيها حبوب
اممم ولا تكتفين بترطيبها بالماي لأنه ما يكفي،، احسن شي الجل
-( تم التعديل بواسطة المشرفه أم سعيده)-
اتمنى اني ما طولت عليكم
بس حبيت افيدكم من تجربتي
دعواتكم لي بالذريه الصالحه:shy:
رعــبـــوب
:down: صج منطقة تعور الراس :down:
يعطيج ألف عافية يا قمر وتسلمين ع المجهود الحلو
أمس تستخدم الأمواس بس أنا ماني مقتنعه انها زينة
أخاف موت منها وأحس انها ما تنظف زين
تسلمين عزيزتي رعبوب على الموضوع واسمحيلي اني سويت بعض التعديلات عليه..
ومشكوره وايد على افادة البنات وان شاء الله يستفيدون منج..
وان شاء الله الكل يستفيد من تجربتك
انا اكره حاجه اسمها حلوه
:confused:
ان شاله نستفيد:clap:
صادقه يالغاليه،، شي يعذب
يسلمج ويعافيج من كل شر يا قمر انتي
جربي طريقتي وما بتندمين
بس ادعيلي
سهورر
تسلمين يا قلبي
العفو حبيبتي واتمنى اني افدتج ولو بشي بسيط
ام سعيده
وعليكم السلام و رحمة الله و بركاته
ويسلمج من كل شر ياعمري
مسموحه يالغلا،، واسمحيلي تعبتج معاي
RoOoOmy_M
العفو عزيزتي
شاكرة لج مرورج العطر
عبق المسك
العفو يالغلا
تسلمين لي على المرور العطر
MakSofa
العفو يا عسل
انا هم مثلج صرت اكره الحلاوه في المنطقه الحساسه
بس باقي جسمي ماستحمل اسويه بغير الحلاوه
ام رشووود
العفو عزيزتي
تمنياتي لج بكل الفائده
البرتقاله
اي حبيبتي جربي الجل
وصدقيني بترتاحين في استخدامه