طريقتي لعمل اللوك البرونزي 2024.

طريقتي لعمل اللوك البرونزي

اللوك البرونزي المحبب للكل مع حلول فصل الصيف .. اما بالنسبة لي طول السنة احب يكون لوني برونزي احس ان حتى المكياج يطلع عليه احلى طبعا انا ما اقصد اللون البرونزي الاوفر والغامق احب اللون يكون معقول ..
وهذي طريقتي اللي اسويها تقريبا كل يوم هههه احس ان الالوان حلوة حق الاستخدام اليومي والصباحي.. والنتيجة تكون مقاربة للصورة اللي فوق…

.

. نبدأ.

. نوعيتي بشرتي والعناية بها .

مهم جدا ان تكون البشرة صحية ومعتنين فيها حتى تكون مهيئة للمكياج وحتى يطلع المكياج بأحلى صورة ..
انا بشرتي جدا جافة مفتقرة للرطوبة وفيها شوية دهون وما كنت احب احط بودرة او مكياج يبين جفاف البشرة .. بس مع العناية بالبشرة اللي ما بتاخذ منا لا مجهود ولا وقت صرت انا اللي اتحكم فيها واستخدم نوعية المكياج اللي ابي من بعد ما كانت هي تتحكم بي ..
العملية بسيطة جدا ترطيب طول اليوم قبل وبعد ازالة المكياج وتقشير البشرة مرتين او 3 مرات بالاسبوع وتغذيتها مرة بالاسبوع على الاقل باستخدام الماسك المناسب..

قبل ما ابدأ احط المكياج اتأكد من ان بشرتي نظيفة واستخدم هذا الغسول من Clarins ما يحتاج لماء

واحط جل او اي مرطب او مستحضر للعيون

استخدم مرطب للبشرة بس ما اكثر وايد منه حتى ما يتكتل كريم الاساس

اللي حابة تستخدم الكونسيلر اللي يناسبها حول العيون او على اثار الحبوب واللون يكون مثل لون البشرة ما يكون افتح

ارش كذا رشة من مثبت المكياج

واستخدم كريم الاساس بحيث يكون اغمق بدرجة من لون البشرة هذا للي بشرتهم بيضاء واللي بشرتهم حنطية او سمرا تكون الدرجة مثل لون البشرة

اذا كنت حاطة مكياج بالمساء اخلط مع الفاونديشن الدايموند كريم من makup 4 ever رقم 7.. لونه ذهبي رهيييييب يعطي لمسة شوي لماعة

واحاول اوزع البودرة على كامل الوجه ويكون لونها بلون البشرة او اغمق بدرجة وحدة

الحين باستخدام هذي الاضاءة البرونزية من ماك Dark

او star bronzer من لانكوم او نقدر نستخدم اي بلاشر لونه برونزي

نحدد الوجه كامل ونكثر شوي على عظمة الخد وعلى جوانب الانف واعلى الجبهة

واذا كان مكياج للمساء استخدم اضاءة ماك belightfull على اعلى عظمة الخد، في نص الجبهة اخلي خفيف وعلى طول الانف وبنص الذقن

بالعين استخدم لون خفيف سموكي واحب شادو Clue من ماك اخذته من كولكشن اوريجينال واحطه على كامل الجفن المتحرك

او اي لون برونزي ثاني وعلى عظمة الحاجب اخلي النايلون او فانيلا من ماك

استخدم كحل بداخل العين وامده شوي لبرى

احط الماسكرا بكثااااااافة وبعناية لان الرموش تعطي جاذبية ووسع للعين .. اخذ وقتي وراحتي وانا احط الماسكرا لحد ما تصير بالكثافة المطلوبة

تاتو الحواجب من makup4ever

والمفروض بالنهاية يكون بهذا الطريقة

البلاشر اللي استخدمه اعتقد اسمه Holla من بنيفيت .. يكون اللون اللي فوق يسار

او بلاشر Ablaze من ماك

على الشفاة احط البرايم

احددها بمحدد Spice من ماك واستخدم روج Hug me من ماك او Beige Nude من جيرلان .. اللون واحد

واخلي فوقه هذا الجلوس من Revlon

وبالنهاية يكون لنا مثل هذا اللوك

الرجــــاء التقطيع عند وضع صور الميكاج المخصص للوك

وخلصنا

ياريت اللي تنقل الموضوع تذكر المصدر