السلام عليكم ورحمه الله وبركاته
عن نفسي من عشاق العطور الشرقيه
فحبيت اراويكم عطوراتي اللي احبهم
والجديد منها وان شاءلله تنال اعجابكم
اول شي عطر اقاويل
اخذته من حول سنتين من معرض الخريف ب 14 دينار او 12 دينار وريحته عجيبه واستخدمه شوي شوي عشان لا يخلص رحت السنه ابي الا ماشفت المحل اللي يبيعه تحسفت
عطر الهجان من اصغر علي ماعرف سعره اخذته من عطورات امي ههههه
وشحلاته بس لي عندكم مناسبه عرس شي ماشيات ويا الدخون
عطر عود مجدد من اجمل رفيجتي حبيبتي من قطر يابت لي هديه كلها عطورات وعود ومن ضمنهم هاي العطر من اتعطر فيه اتذكرها الغاليه ووياي دوم بالشنطه
عطر الف ليله وليله من اجمل كانه خذته ب 11.200 دينار مادري شوله ال 200 فلس ههههه
ريحته حلوه ويازينها للاعراس والطلعات السبشل
عطر حروف من الشايع وصيت امي تاخذه لي من كويت وريحته دخون اينن وحلو بس حق الشتا تحسون بدفوه بريحته
<A href="http://www.pc4up.com/" target=_blank>
تتهنين فيهم حبيبتى في عطورج
انا جربت حروف والف ليله وليله بصراحه روعه
تسلمين
تسلمون ع المرور
المووضوع ناقص مساعه طالع كامل
احد يعرف السبب حول 10 صور مونازله الحين
مادري وين راح نص المووضوع تعبت عليه
برد انزل البقيه لعيونكم
وهاي عطر عجبه بعد من الشايع من كويت وسعره كانه 8 دينار كويتي لي يومكم ذي ماجربته بس مستانسه عليه انه عندي من كثر ماشفت مدح البنات له ويا حروف
عطر من الملكي امم ماذكر اسمه كانه المكان او امير القلوب ماحبيته وايد بس استخدمه حرام يتم بس اقب عنه فتره وارجع له كانه سعره 5 دينار اخذته من معرض الخريف اولت العام
عطر عود مبخر من الملكي سعره 6 دينار اذا ماخاب ظني يالله من يشمونه فيني بالجامعه عبالهم متعوده وحاطه دخون هههه صج رهيب
عطر عزيزه بنت خالتي يابته لي من الامارات وريحته حلوه
مخلط دهن العود الرئيسي ب 4 دينار
خذته يوم يسون لنه معرض العطور اللي صوب المتحف
ريحته حلوه اخلطها ويا عطر عزيزه شاريته من الخيمه اللي صارت في محرق تصيرون عجايب ويا الروايح
عطر البنفسج خذته ب 10 دينار من بعد ماشميته على رفيجتي بالجامعه وصج اينن خفيف ولي احطه على بشار الصلاه يدوخ هههه
طبعا من تاريخ 21/1 لي 29/1 صار عندنه معرض الخريف
وتعرفون تنزل محلات العطور فيه من كويت والبحرين وسوريا وغيره
عاد اول ماطحت طحت على محل الفودري وشميت عنده دخون اسمه معمول البيت خذت 8 تولات ب 10 ورديت مره ثانيه خذت 4 تولا ب 4 دينار وايد حلوه رحت امس مخلص 
وبما ان امس اخر يوم رحت ميرت لي العطورات من عقب ماشفت البنات شياخذون
فاول شي خذت لي عطر الشيخه من الملكي ب 4 دينار فديتها حبيبه عزوزي علمتنه ان ناخذه ب4 لان اهم يبيعونه ب 6 دينار حليو العطر بس يبي له مزج ويا عطر ثاني وتضبط السالفه
خذت عطر مخلط البخور الملكي من الملكي سعره 5 دينار ويازين ريحته متدخنه وطالعه
رحت محل المبخره للعود وشريت عطرين واحد اسمه باقـه وامتثال وتكمل علي سعرهم ب 11 دينار اليوم تعطرت من باقه تينن ريحته انصحكم فيه وبقوه محله صاير في جد علي البحرين
واخذت من عطورات الحماد عطر اسمه سديم ب 15 دينار وصج رهيب شميته من اول يوم ومورايح عن بالي وعنده عطورات ثانيه حلوه مثل الايام وعجايب وغرايب وسابيا
وطبعا رجعت للفودري واخذت ست كامل اسمه تركواز من عطر ويا لوشن ويا بودر ويا خمريه ب 5 دينار
خذت من عنده بعد عطر ملاين وعطاني مجانا لوشن اصداف
وبعدين انيي حق الدخون انا ماستقر على نوع معين فاول ماقلت لكم ان رفيجتي يابت لي عطور ومن ضمنهم عوود من اجمل اسمه عود مبخر ويا عود مدحته لي فديتها عشان احطه بشعري صج رهيب من محل بقطر ماعرفه جان بفيدكم الدبه مناحسه ماتبي تعلمني بالاسم
وبعد طلبت من شمسه المهيري دخون السايل ماعجبني للامانه ماحسيت انه ستايلي بالدخون اشوه مادفعت شي خالتي شرته لي فامانه اي احد يسمع عن ذوق احد اول يجرب لان انه مشيت على المدح
وهاي مجموع من دهن العود كلهم هدايا من ابوي ومن رفيجتي ومن عمتي وشي اخذته من السعوديه
وهني صوره جماعيه لعطوراتي ويا الدخون
وامانه اي احد يعجبه شي يدعي لي بان الله يستر علي ويرزقني بالزوج الصالح والذريه الصالحه ولاتنسون التقيم 
لا احلل من ينقل المووضوع بدون ذكر المصدر الترجيـــه
يااااااااحبي للعطور العربيه ما اعرف اعشقها عشق مو طبيعي وانا اكثر وحده بالبيت
تحب العطور العربيه اما البقيه من اهلي يحبون الفرنسي الا انا بنادر اتفق معها ههههههههه
يؤؤؤؤؤؤ بخور وعود وعطورات ياااي تباين اغراضج روعه تسلمين اختي
بس دعن العود انا ناادرا اتفق وياااااه ههههههه
اممم اختي تتهني فيه يااااارب
بس بغيت اسألج عطر البنفسج من وين ماخذته لان اسم مر عليه بس ما اعرف من وين ؟؟؟
وتتهني فيهم يااارب
واااااي تهبل عطوراتج انا ذبحتي العطور العربيه الي ريحتها عود
و جربت جم واحد من الي قلتي عليهم
انصحج بعطر البرواز من الملكي للعطور بيعجبج ان شاءالله و سعره 5 و بل مقاصص 4
و عطر ريفال و عطر ارائك من جنيد حلويييييين
و عطر شمس من اجمل
و عليج بل عافيه اختي
زهور الريف
الله يهنيج بالسعاده يالغاليه
نفسي انا ماحب الفرنسي وماتعنى اروح اشتري منهم الا اذا جاني هديه ههههه
بنفسج يالغاليه من محل جنيد
مايغلون عليج
قطوه بحرينيه
لاتحديني زوووود ههههه تراني ابيها من الله
لي طلعت بعدين بمر اشوفهم واقولج رايي فيهم
والله يعافيج حبيبتي
تسلمين ع المرور الطيب