كيف اسوي القهوة التركيه؟؟

يا عرايس يا حلوات احتاج منكم طريقة عمل القهوة التركيه

الله يخليكم لا تتأخرون علي

ومشكورييييييين مقدما

السلام عليكم …
بسيطه … اشتري القهوه التركية … واخذي الكنكه مالت القهوه وحطي فيها ماي على عدد اكواب القهوه اللي تبينها مثلا كوب واحد حطي ماء كوب واحد في الكنكه وخليها تغلي على النار .. لما تغلي ارفعيها وضعي ملعقتين قهوه تركيه بالاضافه الى السكر اذا اردتيها وسط ملعقة واحده اذا اردتيها زياده ملعقتين على حسب الرغبه .. وحركي حتى تمتزج القهوه مع الماء المغلي والسكر ومن ثم ضعيها على النار واتركيها حتى تشعرين انها سوف تغلى ارفعيها ثواني واعيدها مره ثانيه وثالثه .. حتى يصبح لديك (وش) وجهه على سطحها وافرغيها بالكوب وعليج بالف عافيه وسويلي وياج ما عليج امر انطرج

والله تستاهلين اسويها لك وارسلها
بس انا في فرنسا وانت بالكويت
يعني بتوصلك وهي ايس كريم2

بس تصدقين ياشريفة ماتوقعتها كذا بهذي السهوله
تسلمين حبيبتي والله يعطيك الف الف الف عافيه

اووووول ما قريت ردك قمت بسرررررررعه وسويتها لزوجي
يووووووووووووووه قام يدعيلك ويقول لو مو متزوجه بيشوفلك عريس بس فرنسي معليش؟؟
هههههههههههههههههههه

تسلمين حبيبتي مره ثانيه
والف الف الف شكر

سلام عليج اختي … اذا حابه تعملين قهوة تركية جربي هذي طريقه وانا دايماا اسويهاا ..

المقادير:

1) اربع فناجين ماء.

2) اربع ملاعق صغيرة بن تركي.

3) سكر حسب الرغبة.

الطريقة:

1) ضعي الماء على النار حتى يغلي.

2) ارفعي الوعاء عن النار وأضيفي السكر وحركيه ثم أضيفي البن وأعيدي الوعاء الى النار حتى يغلي.

3) اذا كنتي تحبين الرغوة( بعد الغلي الأولى ارفعي الوعاء عن النار ارفعي الرغوة بالملعقة وضعي قليل منها في كل فنجان.

4) اغلي القهوة عدة مرات ثم صبيها في الفناجين.

وبالعافية عليج

تسلميييييييييييييييين يالظاهرية الله يجزاك الف الف خير
:flower::flower::flower:

لاشكر

لا شكر على واجب