بصراحة ماادري هل هذا مكان مناسب للموضوع او لا ؟
بدخل في الموضوع على طول الموضوع ومافيه اني بالجامعة اول سنة لي وماادري كيف انظم وقتي :
1_من ناحية الطبخ طبعا مااقدر اطبخ وانا راجعة من الجامعة وخصوصا اني مااطلع الا متاخر تقريبا 2 وصعبة اطبخ بليل واسخنه من بكر
2_متى اذاكر دروسي
بيعني محتاجة نصايحكم وتجاربكم
لكن العزيمة والهمة ..
شوفي يااقلبي آطبخي الدجاج آو اللحم من الليل نص طبخة وخليه بالثلاجة واذا جيتي من الجامعه كبي عليه الرز يكون طعمه يجنن مااياخذ ولانص سااعه .. والعصر آرتااحي سااعه آو سااعتين و بعدين نظفي البيت وغسلي المواعين وخوذي دش والمغرب صلحي قهوتك وتقهوي وتفرغي لنفسك وزوجك وخلي لك سااعه تذكرين فيها آتمنى آني آفدتك ..
انشاء الله البنات يفيدونج … ولازم من الحين تتعودين بعديين بيجيج ولد وبتتوهقين اكثر
طبعا أنا مريت بنفس اللي مارة فيها لأني تزوجت وأنا بالجامعة
طبعا أول سنوات الجامعة كنت أيلس فيها لين الساعة 5 العصر ولما آيي أسخن اللحم أو الدياي اللي طبعا سويته من الليل أحط عليه العيش أسير آخذ شاور على ما ينضج الرز أحط العيش في الملة وأسير أتعدل وإيي ريلي نتغدى ع المغرب نيلس شوي لين 8 9 ونرقد
أما بالنسبة للدراسة فكنت أسوي الواجبات في الجامعة وأدرس فيها بعد وإذا فيه واجبات لكلاس الساعة 3 أسوي قبل لا أرقد
هو تعب بس شو نسوي المهم خلصت الجامعة وألحين أنا موظفة أد الدنيا
الموضوع كلش سهل ولا تحاتين ولا تحطين شئ ببالج المهم تفكري وتركزي بس في الدراسة …
يعني مثلا اذا كنتي بالجامعة وما عندك طفل وايد اهون من وجوده … واذا كان زوجج في الشغل عادي انج تاكلين يعني تتغذين في الجامعة وهو بعد خصوصا لين تجلسين فيها للعصر مثلا !
انه افكر اسوي جذي صج اني ساكنة ويا بيت عمي بس افكر اني اكل في الجامعة لاني استحى اخذ اكل من عندهم واني برجع العصر من الجامعة !
وعن غسال الثياب والتنظيفات عادي اختى خليها من اسبوع لاسبوع لان ما فيه اطفال يوسخون والخ …