عندنا حوض سمك في الشقه وعند بيت أهلي واحد…
إحنا إللي عندنا صغير مثل إللي يجيبوه في توم وجيري
وحاطين فيه سمكتين
زوجي ينظفه كل أسبوع مره…
وأحس هذا الموضوع يزهق صراحه… بس ماعليه ما فيه مشكله الحوض صغييير…
إلى الآن ما فيه مشكله…
بيت أهلي الحوض إللي عندهم كبيييييييير وإذا جا أبوي بينظفه… يبغاله وقت عشان ينظفه يعني ما يقل عن ساعه وشويه…
تعرفون لازم السمك يشيلوه من الحوض ويشيلوا الأشياء اللي تزين الحوض… وبيوت السمك… وحجز الزينه…
ويشيلوا الماي…
يعني العمليه تاخذ وقت وطاقه بعد…
الزبده إنهم لما ينظفوه نفرض اليوم… يومين ويصير الماي أخضرررررررررر يعني كأنه الماي حق السيب (مجرى الماي إللي بين المزارع) ما أدري إيش تسمونهم إنتوا…
ويصير منظره مقرف… لما سأل المحل إللي يبيعوا السمك قالوا إن السبب هو الليتات إللي موجوده في الحوض نفسه تزيد حرارة الماي ويصير الماي لونه أخضر…
جربوا طفوا الليتات ونفس الشيء الماي تغير لونه…
أحد صارت له نفس المشكله أو أي أحد يعرف حل للمشكله هذي يقول لي لو سمحتوا…
انا عندي حوض سمج تقريبا من 4 سنين والحمدالله السمج اللي عندي يولد ويتكاثر ومااغير له الماي …
بس ازيد عليه اذا نقص …
اهم شي ان الحوض ما ينحط في مكان تكون اشعه الشمس مباشره لانها تخلي الطحالب تنبت
انتظر ردج … 
بس بيت أهلي حاطين الحوض في الصاله حقتهم يعني ما فيه أشعة شمس مباشره للحوض…
وهم يصير الحوض أخضرررر…
احنا كان عندنا حوض وايد وايد وايد كبير وكنا نتعب وااايد كلما بغينا نغير الماي وكل اسبوع كنا لازم نغيره لانه كان يخيس تعرفين شو طلع السبب
الفلتر ماكان يشتغل
اصلا الفلتر يحطونه عشان مانتطر ان نغير الماء ومن يوم غيرناه والما تغير لونه ابد لدرجه ان كان ينقص الماي ونزيده بس
وشوفي بعد يمكن من الحصى ولا النباتات اللي حاطينها يمكن في شي يخلي الطحالب تتكاثر فيه
شو رايج تغيرون الفلتر وتركون فلتر كبير وونفس الوقت تغيرون نوع الاكل اللي تعطونه للسمك بالاضافه بعد تحطون هالسمك اللي ينظف الزجاج هذا تراه يتغذا على الطحالب فيخلصطك منه
اتمنى اكون افدتج بشي
اختج
عسوله
ما يخليه اخضر بس يصير خيوط مال غائطهم
وانا حابه اخذ واحد بس المشكله في التنظيف
ياريت اكون افدتك