قبل يومين سويت حلى بجلي الفراولة
والحمدالله طلع لذيذ وخفيف
وعجب زوجي بشكل ما توقعته ويقول حلو وخفيف ومو دسم
قلت اجل لاااااازم اصوره واعرضه عليكم 
وهو عبارة عن 3 طبقات
الأولى طبقة الكيك:
انا سويت كيكة عاديه بيضاء بلبن الزبادي او ممكن استخدام الكيك الجاهز وتحضريه بالبيت
مقادير الكيكه:
علبة لبن زبادي
بيضتين
بمقياس علبة لبن الزبادي علبة دقيق
وبنفس مقياس العلبة ثلاث ارباع علبة سكر
ونفس المقياس نصف علبة زيت
شوية فانيليا
وملعقتين صغيره بيكينج بودر
الطريقه:مثل اي كيكه اول شئ البيض مع الفانيليا
ثم يضاف السكر وبعده الزيت ثم الزبادي وبالتدريج الدقيق
واخر شئ البيكنج بودر
وتكوني حضرتي الصينيه إما دائريه لو تحبي تقطعيه مثلثات عند التقديم او مربع او مستطيل لو تقدميه على شكل مربعات
تدهني الصينيه بالزيت وترشي شويه دقيق
وممكن تصبي الخليط كامل بالصينيه وبعد ما تستوي تقصيها على المستوى الي تبغيه
سواء حبيتي طبقة الكيك تكون عريضه او نحيفه
وتكوني مجهزه الفرن من قبل على حراره متوسطه (180) وتخليها 20 دقيقه وتخليها تبرد
الطبقة الثانيه:علبة قشطة قيمر
8 حبات جبن كيري
كيس دريم ويب
كيس جلي فراولة
2 ملعقة كبيره حليب بودره
كاس ماء مغلي
الطريقة :نخلط الدريم ويب والقشطة والجبن والحليب بالخلاط لحد ما يتجانس الخليط
وقتها نكون ذوبنا جلي الفراولة بكاسة المويه المغليه وخليناه يدفى شوي
بعدين نضيفه شوي شوي للخليط السابق ونخلطه
اخر شئ نصبه على الكيك وندخله الثلاجه او الفريزر
الطبقه الأخيره :
كيس جلي فراولة
كاسين إلا ربع ماء مغلي
الطريقه :
نذوب الجلي بالماء المغلي نغطيه ونتركه يبرد فتره
وبعد ماتتماسك الطبقه الثانيه زين نطلعها من الفريزر ونصب طبقة الجلي عليها شوي شوي بالملعقه
ونخليه بالثلاجه
وزينيه بأي شئ تحبيه ممكن قطع فراولة او كريمه
انا حسيتها احسن ومتماسكه زين ثاني يوم
شكله ما شاء الله مرتب و لذيذ 
عليكم بألف عافية (f)
تسلم الايــــــــــــــــــــــــــاادي ياعسل
ما شاء الله
شكلها بجنن
تسلم ايدك عزيزتي(f)
تسلــــــــــم الأيــــادي
^ السفيرة^
meme1977
آآآآآآآآآآهات الصمت
غـــرااام..
تسلمو يالغاليات على الرد
وانا مبسووووووووطه انه نال اعجابكم
تسلم يمينكـ