السلام عليكم …
كثير خوفونا من المستحضرات الجاهزة .. وخاصه الي يصير فيها حركتات حلوة ولمعــه …
اليوم ان شــاء الله بنتعلم كيف نصنع هذه المستحضرات من غير خوووف من مكوناتها …
وان شا ءالله تكون سهله ومفيده لكم …
[line]
ساعات نشتري مرطبات للبشره ولوشنات وننساهااا … تقدرين تخلطينهااا مع بعض او لحالها مع الجل الملمع وبدوون ماتستخدمين زيوت عطريه او لوشن عادي …
عادي كل وحده وابداعهااااااااااااااا ….
اعلمكم طريقتي ..
جيبي اللوشن المعطر المفضل عندك … ولوشن مرطب مثل جرجنز او اي لوشن ثاني بدون رائحه …
واشتري انبوبه او انبوبتين من اللمعه الخاصه بالشعر والجسم الي يكون راسهااا فيه كره انا استخدمت الي اسمه Giletter.. او ملمع يستخدم للجسم للبنيات الصغار للحفلات … ان شاء الله تكونون فهمتوا علي … المهم انه مايكون الملمع بودر لا يكون مثل الجل وفيه اللمعه وينشف بسرعه … والله اكثر من جذي ماعرف اوصف …
ولاتنسين العطر الي تبين تستخدمينه لازم يكون مركز .. استخدمي الزيوووت الي من بدي شوووب روعه ومركزة وريحتها قوويه … .. او حتى الكلونيا العاديه
الحين في علبه فاضيه …
حطي الجل اللماع وحطي فوووقه شوي من اللوشن المعطر وكميه صغيره من اللوشن العاادي وخلطي المقدار وعطريه بالعطر الي تبينه … وجربي الخليط شوفي اللمعه قويه ولا لا ؟ …
وقعدي زيدي شوي شوي باللوشن لين تحصلين على الدرجه الي تبينهاا من التركيز …
غطي اللوشن واستخدميه بعد كم يوم .. عشان تتركز الريحه
يعني بالكثير 4 او 5 ايام …
كيف تصنعين البودر ؟؟
1- تحتاجين لكميه من النشا + كميه مساويه له من الرز المطحوون ( اشتري الجاهز او اغسلي الرز بعد تنقيته من الاوساخ ونشفيه واطحنيه خليه نااعم كثيييييررررررر )
هنا بتكونين صنعتي بودره بدون ريحه وكل مكوناتها طبيعيه … وعلى فكرة تناسب الاطفال الصغار الي يعانون من الحساسيه …
2- بنحتااج الحين لبودره لمااعه … في بودره تصير على شكل فرشاة ومعبيه بملع فضي او ذهبي او برونزي … اذا ماا عندك هالنوع روحي لاي محل مكياج وطلبي منهم بودره لمااعه للجسم والوجه .. وبتلقين انواع عديده ..
3- تجيبين علبه فاضيه ( انا عندي بودره مون فلاور من بدي شوووب .. مقسومه لقسمين قسم تحطين فيهاا الاسفنجه وشويه بودره على حسب الاستخدام والقسم الثاني باقي البودر عشان ماا تروح ريحه البودر بسرعه ) .. تحطين البودر الي سويتيه او الجاهز او بودره بيبي جونسون على رائحه اللافندر وايييييييد يهبل ..
وتخلطين معه البودره اللماعه … جربي شوي من البودره على يدك اذا عجبتك اللمعه اوكي واذا تبين تزيدين اللمعه زيدي البودره اللماعه … واذا حسيتي انك كثرتي باللمعه .. وتبين تخففينها زيديها من البودره العاديه
بس هو حلاته باللمعه الزايده صح ؟
وبعدين
وتعطرينه بالعطر الي تبينه … او بالرشوش او او او …
انا استخدمت بودره بيبي جونسون برائحه اللافندر + بودره فضيه لمااعــه الي على شكل فرشاه كاامله + خلطه خاصه من الرصاصي اسمها البتول وهي رشوش للملابس عجييبببببببببببببببببببببه …
واذا عندك زيت من البدي شوب اسمه المسك الابيض استخدميه بيطلع روووعه او اي زيت ثاني منهم …
او استخدمي الزيت الجاف من بدي شوب على رائحه البابايااااااااااااا … عاد انتي وعطرك المفضل
واذا بتستخدمين عطرك المركز استخدميه … محد بيقولك لاااااا ….
طريقه التعطير ..
رشي شوي واخلطي البودر … بتحسين مثل الكريات الصغيره بالبودره عادي راح تتفكك لاتحاتين .. وبعدين رشي مرة ثانيه وخلطي البودره … وبالمرة الثالثه رشي بس هالمرة لاتخلطين العلبه .. غطيهااا واتركيهاا كم يوم
اكيد بعضكم يعرف انواع كثيره منها بودرة الور اسمع كثير يمدحونها
وبلغاري
وبودرة المسك الابيض
وصدف وووووو
واكيد تعرفون العطور المركزه
منها من زهور الريف
ومنها في المحلات الكبيره اللي تبيع العود والعطورات الشرقيه
وبندخل في الموضوع
انا جبت بودره ما لها ريحه ابدا وجبت خلطة عطور مركزه من زهور الريف ومحل عود
خلاص وجبت علبه بلاستيك محكمه
ورشيت من عطري المركز في البودره وسط علبة البلاستيك
وتركتها لمدة اسبوع
وجربيها ودعي لي
والله لي فتره استخدمها بالفعل رووووعه ومميزه وغير مكلفه
ولما استخدمها احس بانتعاش
واذا في أي استفسار انا حاضره
ومنكم نستفيد ..
الله يسعدكِ يارب
ودمتم بالود«®°·.¸.•°°·.¸¸.•°°·.¸.•°®»
طريقتج تهبل وباسويها أنشالله
وراح اجربها ان شاء الله عن قريب
واحسن من الجاهز
تسلم ايديكي
:clap: