بما انه يخص الاطباق الرمضانيه فنزلته في هالقسم ..
اسمحولي شي بسيط وما يتقارن مع الموائد اللي الاخوات حاطينهم ..
وعلى فكره انا من 4 سنين في رمضان نزلته بس الصور راحت وموضوعي مالقيته ..
فحبيت انزله مره ثانيه بالخطوات
من اطباقي الرمضانيه المفضله ..ثلاجتي ماتخلى منه في رمضان
ومأخوذ من كتاب خفايف
المقادير :
نص كيس شعيرية الارز يعني (100جم)
ماي للسلق
ربع الى نص كوب شربت ورد
نقاط من اللون الاحمر
4 اكواب ماي +12 ملعقه كبيره حليب بودر
5 ملاعق كبيره نشا
نص كوب سكر
3 ملاعق كبيره ماي ورد
فستق للوجه حسب الرغبه
الطريقه:
نسلق الشعيريه فالماي دقيقتين او ثلاث ونضيف اللون الاحمر ونصفيها من الماء ونصب عليها الشربت وتقلب ونصفيها مره ثانيه.
نوزع الشعيريه في ملال او كاسات
نحضر الحليب ونأخذ منه كوب نذوب فيه النشا ..وباقي المقدار نسخن على نار وسط مع السكر
واذا بدى يغلي نضيف خليط الحليب والنشا ونحرك لحد مايغلظ ويصير قوامه قشدي نرفعه من النار ونصب الماي ورد عليه ونقلب.(ماتكون جامده ولا تكون خفيفه )
نصب الخليط فوق الشعيريه الورديه ..
انا احرك الشعيريه بعود الاسنان واخليها ترتفع على سطح كل كاس
او اخلط نص مقدار المحلبيه مع الشعيريه قبل لا اوزعهم فالكاسات واصبها واصب المحلبيه الساده فوقها
( يد شغالتي مب يدي 
لزوم التصوير)
اخر شي عالوجه نرش الفستق المكسر
جربوها وبالعافيه عليكم
ماشاء الله
بس وش هى شعرية الارز
وهل لما اكل الصحن تكون طرية
معلش اول مرة اعرفها
تسلم الايادى
اكثر شي يستخدمونها في الفالوده الايرانيه او الاكلات الصينيه
ماشااااااء الله ابداع
شهيتيني
يعطيك العافية ياقمر على الطريقة
رااائعة، و يبيلها تجربة 
تسلم إيدج يالغالية و عليكم بالعافية (f)
ويعطيكي العافيه حبيبتي
وكل سنه وانتي طيبه
رَبِيِ يِعْطِيكِ آلعَآفْيَهْ وٍيسَلِمْ دِيَآتِكْ . . ْ
دومج مبدعة وراقية بافكارج الحلوة
لاتحرمينا من جديدك
كثير حلو تسلم ايدينج…..