بارك الله فيكم خواتى
حابة اعرف رايكم فى مدرسة abc فى ابوظبى والبشاير والنجاح
حابة ادخل ابني فى صف ثاني العام القادم ان شاء الله
الرجاء اللي اختها او اخوها اوابنها او اي احد من اهلها او حتى جيرانها تقولي ايش مستوى المدرسة في الانجليزي والعربي والدين
وهل يشكروها من جميع النواحي والا…..
محتاااااااااارة
امانة اللي تعرف شئ لا تطنش
جزاكن الله خيرااااا
اللي أعرفه إنه النجاح أقواهم في التدريس …و مديرتها ماسكه المدرسه بأفضل ما يكون…
يالله الثانيات تفاعلوا معي
لكن قويه لدرجه الطلاب يتعبوا جدا و يداوموا في الإجازات كل سبت امتحات بكل اللي أخدوه بكل المواد و آخر ناس يخلصو في إجازة الصيف
مدرسه تدريسيا كويسه تدرس المنهج البريطاني و هو معروف بقوته
اما بالنسبه للغة العربيه و لتربيه الأسلاميه فاللي اعرفه انها ضعيفه !
و بالنسبه لل abc انا مره قدمت فيها و سفت المدرسه من داخل احسها عاديه وممكن تنفع لطفل عمره 7 سنين بس ما عندي معلومات اكثر يدرسوا المنهج الأمريكي
و بالنسبه للبشايرما عندي علم
على فكرة انا سجلتة في ال ا بي سي
صح المبنى عادي لكن يشكروا فيها كثير وهي منهج بريطاني
دراستهم وااايد وااايد قوية بالذات لو الواحد يبى اساس الانقلش يكون قوي..
انا الحمدالله لغويا و كتابياً Excellent لدرجه انه نادرا ما حد يصدق اني دارسة فالبلاد — دوم يتحرون برع
مدرسة النجاح good choice بس وااايد يشددون عالياهل هالعيب فيهم !!
و المديرة شديدة الصراحه — على ايامي — بارعة ابو زين — كانت شريره خخخ
بس مدرسيهم ماعليهم كلام و الدراسة نفس ما قلت لج واايد قوية …اللهم معاملتهم شوي قوية
لكن دخلتة ا بي سي خير الامور الوسط
دخلتة والحمد لله كان خيار موفق ارتحت لها كثير من جميع النواحي النظام والترتيب وكمان المدرسات روعة