مقدمة الرأس والشعر الخفيف 2024.

بنات عندي مقدمة الراس الشعر فيها صار خفيف وايد مع انه كان اكثف من جذي بس يمكن من سوء
التغذيه او الحاله النفسيه ما ادري ابي شي يخلي الشعر بهالمنطقه ينبت بسرعه ويصير كثيف ؟ ؟ !!!

صراحة ماعندي حل جذري وسريع
لكن أسمع بعض الصديقات يقولون انهم استخدموا الثوم وكانت نتائجه مذهلة لكن ريحته ما يحتاج
أنا مره صار عندي تساقط فضيع في شعري حتى خف وكان السبب الرجيم وقلة الفيتامينات واستخدمت فيتامينات وبعد شهر رجع شعري وتحسن وصرت بعدها اركز على الفواكة والخضروات اكثر شيء والحمد لله
وإذا كان السبب نقص غذا أو فيتامينات ياليت تحاولين الحصول عليها من مصادرها الطبيعية أو استخدام كبسولات فيتامينات
أما نفسيا حاولي الابتعاد عن الضغوط والمشاكل اليومية وابتعدي عن التفكير …. وتقبلي تحياتي

مرحبا اختي عروس الكويت ,,

انا أعاني من نفس مشكلتج ,, انه شعري خف من جدام أكثر وماكان جذي قبل ,,

فرحت حق دكتورة متخصصة ’’ وعطتني علاجات للشعر وحبوب فيتامينات ,,

لا تهملين شعرج روحي عالجيه من الحين ,,

والله يوفقج انشالله ..

الثوم ثم الثوم
حكي المناطق اللي عندك فيها الشعر خفيف بالثوم وبتلاحضين الفرق

الجرجير مفيد للصلع في مقدمه الراس

شكرا على الردود بنات

انزين اذا استخدمت الفيتامينات او الزيوت بعد جم تبين النتيجه.؟؟؟

ختيه عندها نفس مشكلتج قالت انه حمامات الزيت في الصالون وااايد اوكييه بس انا اشوف انه الافضل انج تستخدمين الثوم

واداومين عليه ..

اشكرج على الرد فديت العين

انزين كيف نستخدم الثوم؟؟؟؟ كيف الطريقة

:yes:
حبيبتي عروسة من الكويت انا بصراحه جربت صالون بالكويت علاجاتها كلها طبيعية بس عاد يعتمد متى عرسج ؟؟
لان شعرج خفيف من جدام يعني بتستخدم لج ماسكات ثوم وجرجير وفلفل بصراحه يساعد ان تطلع لج شعر …
بس نصيحه اذا بتروحين لها قبل عرسج اقل شي ب 6 شهور عشان الريحه تروح… وانا وايد رفيجاتي عرايس راحو لها… ادعيلي اعرس 😮