ملف العناية بالمنطقة الحساسة يوميا 2024.

السلام عليكم صبايا

حابه اتكلم معاكم اليوم بموضوع وافيدكم شوي

البعض ممكن يجهله والبعض يهمله والبعض يخجل بالكلام عنه

نتكلم عن النظافه الشخصيه للمنطقه الحساسه

الكل والاغلب يهتم فقط بالتبيض والتنعيم لكن شنو عن النظافه اليوميه ؟؟

تختلف الطرق

لكن راح اتكلم عن خطوات بسيطه لمن تتعود عليها البنت او

حتى الام تعود بنتها اللي على وشك البلوغ بالاهتمام بخطوات بسيطه

أول شيء:

الكل يعرف أهمية الإهتمام بالمنطقة الحساسة ونظافتها, وبنفس الوقت فيه كثير مهـملين هالنقطة!
بعضهم بنآت و بعضهم متزوجات..

راح نتكـلم عن عدة مواضيع..

/ كيفية العنـاية الشخصية للمنطقة من غسولات إلى نظافتها ..(فوط يومية, مناديل, طريقة للنظافه ,

حطي ببالج ان المنطقه مكتمه ماتتعرض للهواء .. لذلك تلاحظينها لونها غير عن باقي جسمك..
عشـآن بحط هالطرق..
عشان تحصلين على منطقة ناعمه ونظيفه ولونها حلـو..

اول شي نتكلم عن النظافه

تتقسم لاكثر من ناحيه

عندنا اول شي ازاله شعر العانه

في اكثر من طريقه

التقليديه (( الشيره )) الحلاوه – الشمع

الاضرار :: ترهل المنطقه – الالم الفظيع – الاحمرار
الفوائد :: ازاله الشعر بشكل كامل
في اكثر من وحده تجهل طريقه الحف
فسوي مثل ما اقولج..
1/ قـصصي الشعر.. خليه صغير نوعا ما..
2/ اخذي الحلاوة قطعة صغيرة حيل بطرف الاصبع .. وأبدي شيلي..
لان اذا كانت الحلاوة كبيرة ..راح تتعورين..

لكن لمن نشوف الاضرار وايد وتأذي
في عندنا حلول بديله اطرحها لكم

امواس النسائيه

راح اطرح لكم مجموعه واهي اولا واخيرا من تجاربي

نــصائح لمستخدمي الامــوآس..

_(استخدمي الامواس النسائية مو الرجاليــه انتبهي.
.
فينوس الوردي

او Bic Soleil

موس انا استخدمه لونه وردي رووعه ومايسمرالمنطقة بزيت الصبار وفيتامين اي بين الشفرات
طريقتي: استخدمه ع المنطقة ناشفه بدون رغوه بشكل افقي يعني احرك الموس بخفيف.. بدون ماي او صابون او اي شي!
جربوه روعــه

عندجSuper max

حلاقة نسائي. وفيه منه عدة روائح ( اللافندر والروز) روعــه وخيال ريحـته وسهولـة استخدامه

مــلاحظه:واذا تبين ممكن تستخدمين

– الآله –

من افضل الالات لنزع شعر المنطقه الحساسه هي آلة براون

تحتوي على شفره خاصه بالمنطقه الحساسه + قطعه لونها ازرق توضع بالفريزرلمدة ساعتين ثم اخرجيها وضعيها على المنطقه الحساسه فهي تعمل عمل المخدر

هي نوعا ما افــضل من الموس.. وممكن تستخدميها لمنطقه العلويه خط البيكيني بدل الموس

وفي من تفضل الليزر
لكل شخص وجهة نظره

خلصنا الحين من الحف وازلنا شعر العانه
المرحله الثانيه ب

عد الحف ممكن لتجنب الحبوب والبثور
نستعمل اسكينول او تونر
الافضل بلا منازع الليمون لانه الكل يعرف الليمون يقتل ويفيد ضد البكتيريا والجراثيم
في انواع وايد من فيم فريش من كير فري من همالايا كل وحده واللي تحب
طريقه الاستعمال قطنه بلليها ومرريها على المكان

نروح للمرحله اللي بعدها

النظافه

يوميا لان المنطقه مغلقه مكتمه ما يدخل فيها هواء او تتعرض للهواء
وخصوصا بعد دوام او مدرسه
شنو نسوي
اول شي شي بديهي نرجع من الدوام نبدل الاندر وير
وبعدين الاغلب يجهل فائده ومنتج عظيم
الغسول النسائي للمنطقه الحساسه
فائدتها تقتل الجراثيم والبكتيريا
تحافظ على نظافه المنطقه
تتخلصين من الروائح
تمنع نقل البكتريا بين الملابس الداخليه
لكن حطي ببالج
ان كثرة الاستمعال للغسول مضره ي
عني مجرد استعمال مره باليوم فقط مو اكثر لان مثل ماعندنا
بكتيريا مضره عندنا بكتيريا مفيده مانبي نقتلها
طريقه استمعال الغسول
واهي نقطه مهمه جدا
الغسول من الامام للخلف باتجاه واحد عشان ماتنقلين البكتيريا لاكثر من مكان
وماتنقلين البكتيريا للمنطقه الحساسه او العانه

شنو افضل المنتجات ؟؟

تترواح المنتجات ووايد وكل وحده حسب ماتفضل
راح احط افضل او اشهر المنتجات

بلا منازع فيم فريش

كير فري

سيباميد _(ماركة ألمانيه وناعمه ع المنطقه وحلوة و ريحتها حلوه

غسول سيتيال طبي

-غسول ديو-سيبت ممتاز

–غسول Leocrema جداً رائع

طبعا هذي الافضل وكل شخص وتجربته واللي يحبه
عدم استخدام الشامبو او الصابون العادي لانه يسبب جفاف + تسلخات و إلتهابــآت
مو تقولين الشامبو عادي لا واذا حسيتي بحكه او التهاب او افرازات
عالجي نفسج على طول الغسولات افضل شي لانها تقتل البكتيريا
ابتعدي عن العلامات التجاريه في غسولات مفيده وطبيه وعروفه

ايضا الاستعمال اليومي للفوط الصحيه إهتمي بإستخدام الفوط الصحية اليوميـة..
ا ناعمه وحلوة كإستخدام يومي.. وجذي .. تحصلين على منطقة نظيفه حتى الكلوت مايتوسخ عليج ..وكل مرا تغيرينها..
بجذا تحافظين على نظافة المكان و مايكون فيه بكتيريا.. متجمعه او كل شوي تغيرين الكلوت..
والافضل بلا منازع وكل خسب اختياره

في عندنا منتج حيل حلوو عن نفسي لازم بالشنطه موجود على طوول لان فتره تروحين لاستعمال الحمام لازم معاج الا واهو المناديل النسائيه المبلله تختلف عن المناديل العاديه لاتستعملين اي منديل وخلاص
لا لان المناديل النسائيه الطبيه المضمونه تكون مناسبه للمنطقه
اهتـمي دايماً تمسحين المنطقة بالمنديل بعد إنتهائج.. و انصحج مسحي المنطقه بالمناديل نظيفه وماتسبب لج اي حساسيه او اي إلتهابات .. ولا فيها مواد عطره.. انا عن نفسي افضلها مناديل.._(برايفت , فيم فريش, كير فري، سيباميد) او استخدمي اي نوع تفضلينه..
يعطي المنطقة رطوبه و انتعاش حلو وريحة حلوة ونظافه مثلا

في منتج رائع اهو ديودرنت للمنطقه الحساسه مجرد بخه يوميا الصبح
يعطيج انتعاش مو طبيعي وريحه ونظافه من فيم فريش

في مجموعات او كوليكشنات كامله للعنايه بالمنطقه الحساسه
مثل كوليكشن فيم فريش

خلصنا من النظافه والعنايه اليوميه

نرووح للخطوه الثانيه
الدوره الشهريه

نعرف نظافتها وايضا نهتم باستمعال الغسولات والمناديل خصوصا بالفتره هذي
تجنبا للروائح والبكتيريا
والتغيير المستمر للفوط الصحيه
لكن الطهاره نعرف شلون نتطهر
وفي شغله البعض ما يعرفها اهي المسك للطهاره واتباع السنه النبويه في استعمال المسك
طريقته اخذي قطنه بلليها بالمسك ومسحي مكان الدوره
وطبعا تخففينه بالماي شوي
عندج مسك القرشي للطهاره تلاقينه سائل
عند امل الكويت المسك الابيض
عندج مكعبات المسك عند القرشي

ممكن تستعملين المسك الاصلي الاسود

ولكن مهم تخففينه بالماي

و لكن يقال انهم يسببوا التهابات و افضل انواع المسك هو مسك الغزال الحجرى من الدرجة الثالثة مستخرج من انثى الغزال وهو الذي اتفق عليه الأغلبية ونصحوني به واكدو لي انه المستخدم في الطهارةبعد الحيض لأنه قاتل للبكتريا والفطريات ولايحتوي ابدا على كحول او مواد عطرية ولا يسبب الألتهابات ,,,,,و انا شخصيا استخدمه و بمجرد لمسه لليد او للجسم يترك رائحه زكيه جدا ,,,

طريقة استخدامه ,,,

تاخذ قطعة وتهشم بعد غسلها بالماء ثم توضع في زجاجة نظيفة مع قليل من الماء المعقم الدافئ وترج وتترك قليلا ثم تشرب قطنة نظيفة فيه وتتطهري بها
( المتزوجة من الخارج والداخل والفتاة البكر من الخارج فقط )

و ممكن حتى وهو بودره يمسح فيه المنطقه الخارجيه او حتى الابطين جدا رااااااااااااائع و انا شخصيا مجربته ,,,

اهـــم نقطة نوعا ما.. وهي كيفية الحفاظ ع نعومــة وبيآآض المنطقه وشدهـآ ا

ذا حرصتي على الخطوات السابقـة بشكل مستمر .. راح يبقى لج طريقه وحده وهي الحفاظ ع كل إلي سوتيه ..
وبعطيكم عده طرق وتجارب

1/ بإستمرار خذي قطنة و إسكينول بالليـمون ونظفي المنطقة من فوق و خط البيكيني..
بتنظف لك المنطقة و مع الوقت بتشوفين المنطقة فتحت

2/ هذي خلـطة ممتازه استخدميها يومياً تبيض المنطقة وتنعمها .. وتشدها
زيت لوز+ نص كوب ليمون _(طازج اعصريه) + ماي ورد
حطيهم بعلبه وقبل ماتنامين مسحي المنطقه مع خط البكيني..
خلال اسبوع الى اسبوعين بتشوفين كيف البياض والنعومه خـيال

3/ ينصـحون بكريم مبيض للمنـطقة الحساسة وهو Feed

4/ بشكل عام افضل زيوت ممكن تستخدمينها للمنطقة تبيض و تشدها هي زيت اللوز او زيت الورد او زيت جنين القمح.. حاولي تدهنين المنطقه بإستمرار لاتهمليها..

5/ فيه خلطة سمعت انها مع الاستمرار تفتح المنطقه ولااتنسي خط البيكيني جداً مهم بنات وهي حبه كريم بيتنوفيت +كريم دوف الوردي..
كريم بيتنوفيت = هو لاثار الحروق او حبوب او إلتهابات..

بس الخلطه نوعا ما حلوه..
6/ الحمام المغربي .. عند عملك الحمام المغربي الخاص بكِ ضعي كميه منه على المنطقه الحساسه من الخارج فقط ثم اغسليه وابتعدي عن دعك المنطقه بالليفه
افضل حمام مغربي للجسم والمنطقه الحساسه ( ملعقتين حنا + 3 ملاعق صابون مغربي اسود + مويه دافئه ) ضعيه على جسمك وخاصه المنطقه الحساسه لمدة ربع ساعه ثم قومي بغسله..

جيبي اول شي.._(موية ورد + مقشر بالمشمش او زيت زيتون مع ملح او سكر اي مقشر تفضلينه+ كريم دوف الوردي..)

بعد ما تنتهين من الحمام المغربي للمنطقــة.. بتكون المسام مفتوحه قشري المنطقه برفـق.. وبعدها مرري عليها موية ورد بقطـنه.. وبعدها حطي كريم دوف الوردي
شوف النعـومه والبياض

التقشير بالحمام المغربي يكون تقريباً مرا بالاسبوع..

7/ ملح اليوكو(( ملح الحليب)) يـجنن .. مع الاستمرار عليه بتشوفين البياض و النعومه
الطريقه :
ملح يوكو+ عصرة ليمون مرا قليل عشان مايربي عليك الخلطه + شوي زيت لوز او اي زيت عندك.. وفركي المنطقه و لاتنسون المنطقهكلها..

واهم نقطه
لاتنسوون الترطيب

افضل كريمات الترطيب: هي إلي تستخدميها لايدج استخدميها للمنطقه
منها جلوسليد مع ليمون و زيت لوز.. مع الاستمرار بتشوفي المنطقه خــــيال..

منقول
صاحبة الموضوع Queen + اضافة اخرى من موضوع اخر

يعططيكـ العافيهـ ع النقل يآحلوهـ .$

يسلمووو ع النقل والتجربه

يعطيك العافيه عالطرح
سلمت اناملك
دمتي بكل خير..

مشكوووووووووورة

نقل موفق
الله يجزاك خير

رووووووعه…

تسلمين ويعطيك الف عافية

تسلمي يا قمر

اشكركم يا بنات على تفاعلكم الحلو

ملف العناية بالمنطقة الحساسة يوميا 2024.

اترك تعليقاً إلغاء الرد