هددي النمل قبل ما تقتليه 2024.

و احنا صغار لما نشوف نملة جاية على طول نذبحها، و كانت جدتي تنهانا عن هالشي و دايماً تنبهنا إننا ما نذبحهم…
و كانت تقول إن النمل يقهم كلامنا، و تستشهد بقصة النملة اللي سمعها سليمان عليه السلام… و تقول لنا إذا جات النملة في دربكم أو أزعجتكم، هددوها… يعني قولوا لها روحي من هنا ولا باذبحك…
و فعلاً من يومها و انا أكلمهم و انا مقتنعة بكلام جدتي و يروح النمل على طول…

و اللي أكد لي هالكلام، إن مرة أختي جابت الشيرة (الحلاوة) و نستها مفتوحة على الطاولة اللي جنب الباب في غرفة النوم، و لما رجعت الغرفة لقت منظر عجيب، و جاتني و هي متخرعة و تصيح، و لما رحت شفت الغرفة، و لا كان جيش من النمل، يا بنات كان منظره يخوف… يعني مو طابور صغير يمشي، لا كان طابور عريض و طالع من دولاب الملابس و قاطع الغرفة إلى علبة الحلاوة… أختي من الخرعة جابت المكنسة و تقول بكنسهم… قلت لها اول شي قولي لهم يطلعون، و إذا ما طلعوا اكنسيهم… قامت تصيح و تقول انتي مجنونة أكلم نمل!!! قلت لها جربي ما راح نخسرين… و فعلاً قالت لهم إذا ما طلعتوا ترى بكنسكم…
و سبحان الله يا بنات و قدام عيونا، مثل ما طلع فجأة، انسحب فجأة و اختفى تماماً و لا بقى و لا نملة، مع العلم إن الغرفة ما كان فيها اي حشرات او نمل من قبل!!!

سبحان الله الخالق…

و اسمحي لي أختي بنقل الموضوع إلى ركن أفكار و خبرات