فالوان الحياة بين يديك..
بحب الله ورسوله
ستنعم..
بعيشةلا يأس فيها..
.ExternalClass .EC_hmmessage P{padding:0px;}.ExternalClass body.EC_hmmessage{font-size:10pt;font-family:Verdana;}
فضلا اقرءوه للاخر
زميل وشخص عزيز طلب مني نطلع مكه … واخبرني انه ناوي يؤدى
رحنا .. سوينا عمرتنا وإلي علينا بالخير .. وحنا راجعين إلا وصاحبي يهدي السرعة … سألته
خير
قال بدخل رابغ ( وهي قرية على الخط)
سألته ليش … ويش عندنا في رابغ
قال .. بتشوف بعينك
دخلنا البلد وانا مستعجب .. إلا وصاحبنا وقف جنب سوبرماركت وقال …
قلت اشيل ولا يهمك .. بس لمين
قال اسرة هنا .. ابوي الله يرحمه كان يتولاها دائما ..
قلت الله يجزاك كل خير .. وين الناس التي تبر ابوها كذا بعد الممات ..
رحنا ودقينا على البيت … خرجت امرأة عجوز ..
موقف جدا رائع .. يهز القلب بحق
مشينا .. كملنا الطريق …
هدينا السرعة ووقفنا
خير يا عم
قال ابد .. الكفر مبنشر
ظنيننا انه طالما كبير في السن ما يقدر يغير الكفر ..
قلنا طيب … هات الكفر الأحتياطي نغيره لك
قال … حتى الإحتياطي مبنشر .. والعدة الي ترفع السيارة كمان خربانه …
مشكلة بمعنى الكلمة .. خاصة انهم منقطعين في الخط ..
هذا الموقف لأي مسلم … هو كنز من الحسنات ..
اخذنا الكفر … وقلنا له بنروح نصلحه في قرية مستورة ..
إلا والرجال قال
طيب خذوا الولد معاكم
قلنا له … يا رجال ما يحتاج … بعدين نتأخر …
قال ابدا .. خذوه معاكم
قلنا خير
إلا والولد يسأل ابوه
يبه .. ما عطيتني فلوس للكفر
رد عليه وكأنه احرجه .. قال هه … نسيت الفلوس … ما جبت معي فلوس
رد خويي بسرعه .. اركب اركب .. بعدين وخير
وبعد ما مشينا .. إلا وخويي يسأل الولد
ما شاء الله عليك .. انت سنه كم ؟
قال .. اولى متوسط
قال خير .. طيب ابوك وين شغال …
قال ما يشتغل .. مريض
قال … خير إن شاء الله
وجلس يتحدث معاه احاديث جانبية … لجل يتحرى عنهم أكثر وبعدين قال
الله يعينكم .. طيب .. ليه ما تغيروا هالكفر وترتاحوا ..
رد عليه الطفل بضحكه بريئة .. كل الكفرات كذا .. هذا احسنهم ..
ضحك صاحبنا بسرعه وقال خير إن شاء الله
وصلنا لمستورة .. ووقفنا عند اول محل كفرات ..
حط كفر جديد نفس المقاس
إلا والولد يصرخ .. ليه جديد .. ما عندنا .. ابوي رايح يذبحني
رد عليه خويي .. اقول اسكت ولا كلمة ..
قال … طيب
وسأل العامل عن شئ … وقال له العامل ما عندي ..
ركبنا السيارة وانا ما ادري وين رايحين .. بس متأكد انه خير
وقفنا عند محل زينة سيارات وقال لنا اصبروا في السيارة
دخل المحل وخرج ومعاه عده لرفع السيارات …
حتى انتم عدتكم خربانا ؟
إلا وصاحبي يرد
اقول اسكت ولا كلمة .. انت معانا امانه .. والأمانه ما تهرج .. تراني عصبي
رجعنا للمحل .. كان العامل ركب الكفر الجديد .. إلا وصاحبي يقول للعامل
اعطيني كمان ثلاثة كفرات جديدة .. نخليها اربعة مرة وحده
إلا والولد قام يصارخ .. اربعة .. ياويلي من ابوي ..
طالع فيه خويي هالمرة بنظرة صارمة وقال …
سكت الولد وهو يطالع يمين و يسار .. ويناظر فيني يبغاني اتكلم ..
جاني خويي وسألني .. معاك مية ريال سلفة أكمل حق الكفرات …
قلت .. آسف .. سلفه مافي .. تبي مشاركة في الأجر … على عيني وعلى راسي
قال … يا ابن الحلال عيب عليك سلفني مية
قلت … آسف اسلفك لو وصلنا .. لكن هنا مافي غير مشاركه
ناظر فيني وقال
يا ابراهيم .. هالمشوار من يوم لبسنا الإحرام
يا ابراهييييييييم .. ليه تستكثر علي اني ابر ابوي .. ولو بكفر ..
سكت … ولا قدرت انطق بكلمة وقلت ابشر … اتفضل ..
ركبنا السيارة ورجعنا .. والولد ساكت ولا فتح فمه بكلمة …
ترى ما عندنا نعطيك حق الكفرات
رد عليه خويي .. ولا يهمك ..
قال .. والله انا اصلي … واسأل ابوي
رد عليه .. خلاص اتفقنا .. وسكتنا … لين وصلنا سيارة ابوه
يوم شافنا ابوه من بعيد … ابتسم وجلس يدعي لنا ..
انت مجنون … انا قلت لك اشتري كفرات .. من وين لنا الحين
إلا والولد يقول .. يبه .. والله قلت له .. بس كلما اكلمه يقول لي ..
إلا وخويي .. يقول يا رجال .. كلنا تصير علينا ظروف ..
كل واحد معتمد على الثاني …
مو صح يا ابوعبدالمجيد ؟
طالعت فيه وانا مستغرب … قلت ايه
وبعدين قال … ولو جيتك في البيت ابيك تذبح لي اكبر طلي عندكم
قال ابشر وتعال الحين عشاكم عندنا
قلنا الأيام جايه إن شاء الله … وركبنا السياره على طول …
سألته … متى رحنا المدينة وخلص علينا البنزين
قال الله يغفر لي .. ويش تبيني اقول .. هذه صدقة عن ابوي الله يرحمه !!!
ما حبيت احرجه قدام الأطفال
قلت طيب
…
كنت خليتنا نرفع له السيارة ونركب الكفر !!!
قال … هذا مشكلة اكبر .. ساعتها بيجلس يدعي لنا …
طيب ليه نحرجه والا نجرحه؟ .. نمشي احسن …
ونسأل الله ان يتقبلها
وان يرحم ابوي
مشينا شويه
…
وكان باقي
على
صلاة العشاء دقائق
لقينا سيارة تبيع مويه وبسكوت وشاهي وقهوه … وعندها شاحنات واقفه …
وكل واحد وضع له سجاده لجل يصلي عليها ..
والبعض ما معاه أي سجاد ويصلي على التراب
قلت لخويي خلينا نوقف ونصلي جماعه
وقفنا …
وحطينا السجادتين إلي معانا بالعرض …
لجل يصلي عليها إلي ما معاهم سجاد
بعد الصلاة …
إلا وخويي يسال البائع ..
ما عندك سجاد للبيع ؟
قال … لا
قال … ولا بساط عادي ؟
قال ما عندي
قال خير إن شاء الله
ركبنا السيارة ومشينا .. ويوم قربنا على كوبري الرايس ..
سألته خير ؟
قال … خير
قلت ادري .. بس ليش هديت ؟
قال .. عمل خير
قلت … وين عمل الخير … حنا في صحراء ما عندنا احد ..
قال … لا
قلت … اجل وين عمل الخير
ثم قال قوله تعالى
( وهدوا إلى الطيب من القول وهدوا إلى صراط الحميد )
اسأل الله أن نكون منهم
بنرجع مستورة
سألته … ليش غلطانين في حساب الكفرات ؟
قال … أي كفرات الله يهديك هذا الموضوع نسيناه
سألته .. اجل ليش نرجع ؟
قال .. تسلفني وانا اقول
قلت .. اما هذه كثر منها .. سلف ما راح تشوف لو تطلع عيونك ..
سألني .. شيل .. ايش ؟
قلت ما ادري .. بس احس ان السالفه فيها شيل ..
رغم اني ما ادري ويش السالفه .. بس إلي شفته اليوم …
قال يا ابراهيم ..
انت مستكثر
اني اسوي لأبوي خير
قلت …
انت مستكثر اني احط لأبوي نصيب مع ابوك !!!
من طيب اخلاقي …
ومن كرمي باخلي السالفه بالنصف بين أبوي وابوك …
عاجبك ..
ولا روح دور لك على مكينة تصرف منها فلوس ..
ويمكن تلاقي …
ويمكن ما تلاقي …
بس علمني ..
ويش السالفه ؟
قال بنرجع مستورة .. ونشتري سجاد كبير ..
والثانية ..
عند السيارة إلي مثلها بس وانت رايح على جده ..
والثالثة
بنحطها في الأرض …
ونحط حولها حجار كبيرة لجل يبان ان هذا مكان مخصص للصلاة ..
قال رسول الله صلى الله عليه وسلم
(من بنى لله بيتا ولو قدر مفحص قطاة بنى الله له بيتا في الجنة )
رجعنا مستورة ..
واشترينا ثلاث سجادات كبار .. وجمعنا حجار كبيرة …
لجل نحدد المسجد إللي نبي نسويه
رحنا للسيارات الي تبيع على الخط ..
واعطيناهم السجاد ..
ومبلغ من المال …
لجل يفرشوا السجاد وقت الصلاة ويهتموا بيه …
وأشهدنا الله عليهم …
وكفى بالله شهيدا
بعد كذا بدينا
ننزل الحجار من السيارة …
واسمع صاحبي
يقول آية وحده
يكررها طول الوقت
( ربنا اغفر لي ولوالدي وللمؤمنين يوم يقوم الحساب )
( ربنا اغفر لي ولوالدي وللمؤمنين يوم يقوم الحساب )
( ربنا اغفر لي ولوالدي وللمؤمنين يوم يقوم الحساب )
وما ان ركبنا السيارة إلا واسمعه يقول
اللهم إن كنت تعلم ان هذا العرق نزل على وجهي لوجهك الكريم …
فحرم وجه ابي على النار
الله أكبر
على مثل هذا الدعاء …
كم باقي بيننا من الناس
مثل هذا الشاب !!!
قلت وانا احاول اخفف عليه
ما شاء الله عليك ..
كل هذا في يوم واحد ..
اكيد انك مرتاح انك أديت واجبك نحو ابوك الله يرحمه
قال يا ابراهيم ..
ما حارتاح إلا لما اشوفه بعيني يدخل الجنة .
…
وخايف منه
استغربت ..
قلت خايف عليه وفهمتها .. لكن خايف منه
.. ليش !!!
تنهد تنهيدة طويله
ثم قال كلام ..
عمره ما خطر في بالي ابدا
يقول
يوم القيامه الواحد في عرض حسنة ..
يوم يفر المرء من أخيه وأمه وأبيه
اخاف يجيبني يوم القيامة
قدام رب العالمين
ويقول
يارب ابني هذا انجبته … وانفقت عليه ..
واحسنت تربيته ..
كم من ليالي سهرت عليه … كم مرة حرمت نفسي لأجل اعطيه …
وعلمته القرآن ..
وعلمته الصلاة ..
وكنت اخذه من يده للمسجد .. وعلمته حق الوالدين …
وأنك أمرت ببرهما ..
فلما مت ما برني ..
ولا أدى حقي ..
ولا دعى لي ..
فاقتص لي منه ..
وأعطيني من حسناته .. واطرح عليه سيئاتي
ساعتها …
ويش اسوي ..
وين اروح …
من مين أفر ..
من أبي ..
ام من رب العالمين ..
أين المفر
ثم بكى وانتحب
وقرأ
( يقول الإنسان يومئذ أين المفر * كلا لا وزر * إلى ربك يومئذ المستقر )
***
ختاما
لو لك أب أو أم ميتين …
هل لك أن تتخيلهم تحت التراب ..
في داخل اللحد
إلى صالح دعاك .
. فيرفع عنهم ..
أو يزيد من نعيمهم
قل يا أخي
( رب ارحمهما كما ربياني صغيرا )
قووووووول ..
ولو في سرك .. إن ربك لذو فضل عظيم
قوووووول ..
ولا تستحي …
ربك كريم
وإن كانوا أحياء
…
فكل متع الدنيا ما تسوى ..
لو خرجت من صدر أمك
كلمة آه ..
وأنت السبب فيها
لو كلمتهم في الصباح .. كلمهم في المساء ..
لا تقول فترة طويلة ..
ما لحقت اشتاق لهم ..
يمكن هم يا أخي إشتاقوا لك
بالله …
ويش تسوى الحياة ..
بدون سعادة أمي وابي
لا تنتظروا الأيام تعلمكم
…
لأن الثمن حيكون غالي جدا
آية عظيمة
أفر إلى قدم أمي
…
لأنشد الجنة كلما قرأتها
( أيطمع كل أمرئ منهم أن يدخل جنة نعيم *
كلا إنا خلقناهم مما يعلمون )
جزاك الله خير غلاتي,,
قصة مؤثرة حقا,,
رب اغفرلي ولوالدي وارحمهما كما ربياني صغيرا,,,
مشكورةحنو على المرور
قصه رائعه.
رغم انها من سنين هنا بس ربي قدر لي اقراهـا الحين!!
الحمدلله كل يوم اتعلم شي جديد
و ..
ربنا اغفر لي ولوالدي وللمؤمنين يوم يقوم الحساب …
ربي يجزاكـ بالجنه ياصاحبة الموضوع تحت أي سمـاء كنتِ…