كيفهم الحلوين 
هذي الكعكة اللذيذة للأخت جــالاكـسـي من منتدى آخر ، وأنصحكم بتجربتها ..
أخذتها مرة معاي للدوام وأعجبتهم كثيراً ، وأهلي كذلك مدحوها ، وكميتها كبيرة ما شاء الله وتكفي للتجمعات
نبدأ بالمقادير والطريقة :
( تخلط المقادير بالترتيب )
4 بيضات + ملعقة صغيرة فانيليا + كاس سكر + ثلاث أرباع كاس زيت + كاس حليب مجفف + كاس ماء + 2 كاس طحين + 2 ملعقة كبيرة بيكنج باودر
ثم نصب ثلاثة أرباع الخليط في القالب المدهون أو المرشوش بالزيت ، والربع الباقي نضيف له ملعقتين من الشوكولاته البودرة المرة ( أنصحكم بماركة هينتز )
ثم نصب المزيج البني فوق السابق ونقوم بعمل تموجات خفيفة بالسكن
هنا قبل دخولها الفرن
الآن ندخلها لفرن مسخن من قبل على درجة 160 ولمدة 35 – 40 دقيقة ثم تحمر من الأعلى
وتخرج وتترك لتبرد ثم تقطع
وهنا بعد خروجها من الفرن
وهنا بعد التقطيع ، شوفوا كيف منتفخة ما شاء الله وهشة
المزيد من الصور
تحياتي ومحبتي الخالصة لجميع الغوالي
وعذراً لأني لم أصورها بالخطوات التفصيلية ..
دعواتكم لي هي مبتغاي يا أحبة ..
تسلم الايادي..
اكيد بجربها
••—————————❤–
الغالية
هنـــد
☀
اولاً انا سعيدة جداً بتواجدك معنا
من زمان ما شفت اطباقك الحلوة
وانا على طول ادعيلك على كيكة
الشوكولاطة الهشة بالصوص
اطيب وانجح كيكة تقريباً كل اسبوعين اعملها
المووووهيم
سيكون من دواعي سروري تجربة هذه الكيكة الجديدة
وعندي ثقة انها زاكية وبتبيض الوجه
يعطيك الف عافية
☀
ووفقك الله
–❤—————————••
مَع حُبِّي
شَـمْس وَقَمَر ..}
حيالله هنووودة:JUMP:.. زين يوم فكرتي تطلين علينا..:21_129:
سبحان الله .. تعرفين عاد اني من فترة كنت كاتبة الطريقة بجرب الكيكة.. بس الظروف ماصارت..
ولين احين الكيكة في بالي بسويها !! ومن شفتج جربتيها تشجعت أكثر خخخخخ
بما انج قلتي الكمية كبيرة.. معلومة لج ولجميع الأخوات..
الفترة الأخيرة صرت كل ما اسوي كيك تكون مثل هذي اقصد اللي بدون كريمة.. الباقي منها أحطة في الأكياس البلاستيك مثلا في كل كيس أربع قطع كيك.. وأحطها في الفريزر .. ومتى ما بغيتي تاكلين منها طلعيها من الفريزر من وقت لين ما تذوب وشوفي كيف تطلع والله أروووع من ماكانت وهشششة.. وكأنج بوقتها مسويتنها!!
وعلى فكرة مدة حفظها في الفريزر 6 أشهر
يعطيج العافيه
أختك/ الأحمديه:wink:
بس عندي سؤال
من تحت الكيكة لونها بني بعد شلون ، مع ان من فوق بس قلتي نضيف الربع الاخير القسم البني ؟؟
تسلم الايااادي وانا من المعجبات بكعكاتك ودوووم
اطبقها وتعالي اسمعي المديح واقولهم من ايد هنوده