السلام عليكم اخواتي اشحالكم لوسمحتوا عندي سؤال انا اعطي ولدي حليب مع بيض نيئ مع شوي عسل سمعت انه مفيد للاطفال الضعاف يزيد الوزن وانا من اسبوع سرت اعطيه اياه وعادي يشربه بس خايفه انه يضر اللي عندها معلومه عن هالشي تقولي وانا ولدي عمره سنتين و8شهور واذا حد عنده وصفات لزياده الوزن تقولي لانه وزن ولدي 11كيلو وصح اذا حد عنده معلومه عن العنبر لزياده الوزن وااله يجزيكم العافيه وخير..انشاء الله…
والله ماعندي فكرة
بس الي اعرفة انه البيض مو بزين يناكل حتى الكبار من غير سوى يعني مب مستوي
وان شاء الله البنات يفيدونج
والله ماعرف خيو يمكن الاخوات يفيدوكي
أختي الحبيبة الافضل الاتعطية البيض نيء لأان الاطباء ينصحون بضرورة طهي الدجاج والبيض جيدا بسبب انفلونزا الطيور ..بعيد الشر ان شاء الله… العسل يكفي مع الحليب … والمتن ياأ ختي ليس دليلا على الصحة .. انا عيالي نحاف ..لكن الحمد لله مايشتكون من شيء ولا أحاول أغذيهم باشياء زيادة .. ياكلو من ما ناكل منه…
لالالالا أختي لا تعطي إبنك البيض النيء لأنه يسبب عدوى السلمونيلا بعيد الشر عنه ..
خطييييييير على الكبار شلون الصغااار :rolleyes:..
ابحثي في النت بتلاقين وصفات كثيرة.. وإن شاء الله البنات يفيدوكِ..
مشكورات اخواتي على الرد ويعطيكم الف عافيه والله يخليكم عيالكم .
عطيه تمر وطحينه وهالأيام موسم الكستناء ( أبو فروه ) وعطيه البطاطا الحلوه كلها أشياء تسمن ومفيده.
مشكوره اختي suzysooz والله ما قصرتي .
شوفي حبيبتي وصفة البيض النيئ مع الحليب هاي يشربونها الرياضيين عشان موضوع العضلات وفعلا هي تسمن بس لا تجربيها لولدك وهو أقل عن 6 سنوات ..
ممكن تجربي البيض البلدي مو المستورد هنا عادي وومكن تثقي في هالمشروب ، وضيفي له شوية فانيلا أو ماي ورد عشان الريحة تروح ..
بالنسبة للحليب نفسه ممكن تسوي فيه إضافات أخرى غير البيض ، عندك الطحينية والتمر والموز أو الهورليكس مع العسل
وفيه عندك بعد حليب النارجيل ( البودرة ) ضيفيه للحليب العادي
وسوي ماي حلبه بدل الماي العادي يعني في كوب الحليب سوي نص ماي حلبة مغلية والنص الآخر ماي ع ادي وسوي له أي من الإضافات اللي ذكرتها لك .
ممكن تسوي مكسرات بس مو تخليها ثقيلة لا سائلة ، مطحونة عدل
ممكن تضيفي ويا الحليب العادي تبع طفلك مسحوق من حليب البيدياشور أما مسحوق إنشور فهذا للأربع سنوات وفوق
ام المهند مشكوره والله ما قصرتي