أبني عمره شهرين ومصاب بالزكام 2024.

السلام عليكم

أرجو من الأخوات مساعدتي
كيف أساعد أبني ذو الشهرين من التخلص من الزكام والبلغم والكحة ؟

خيو فيكس للاطفال استخدميه مجربته لولدي لما كان عمره شهر انشالله تستفيدين
ما عليه شر

الفكس ببطن القدم والبسيه جوارب

كان أقولك امسحي على خفيف على صدره بس
مابيتحمل ريحته القوية

وبداله دفي زيت زيتون وامسحيه على صدره يرتاح عليه

الله يشفيه ويحفظه ..

مساء الخير اختي ..

انا ولدي تو داخل الشهر الرابع .. ومن اسبوع فيه كحه وزكام .. وراجعت الطبيب طمني ان صدره سليم وقالي الكحه 80 بالميه علاجها بالبيت ومايحتاج اي ادويه

غير قطرة الماء والملح قد ماتقدرين استخدميها ينظف انفه..وعطيه بابونج او نعناع تغلين الماء وتحطين كميه بسيطه يا ببونج يانعناع بيريح صدره وانصحج مرتين مره بالصبح يرتاح ومره بالليل وواذا حلبه زينه للبلغم..

عن تجربه زيت الزيتون دافي على صدره وباطن رجليه بيريحه وااايد … وانا بصراحه استخدمت له دواء بروسبان بو ورقه خضراء اختي قالت عن الكحه بنتها الدكتور معطنها اياها وهي بعمر الشهر وكلمت الدكتور قالي هذا عباره عن اعشاب مايضر واعطي ابني مقدار ملي ونص ..

واليوم بصراحه احس ولدي تحسن بفضل من رب العالمين … وان شاء الله مايشووف شررر

بس نصيحه راجعي الدكتور عشان تتاكدي ان صدره سليم مافي اي شي..لان توو صغير لاتهملينه..

تحيااتي

اسالي الدكتور اذا دوااء بروسبااان زيين له او لااا

لانه ولدي عمره 7 شهور واعطيه منه يبيعوونه في الصيدلياات عن البلغم وااايد زييين

وعن الكحة دفي زيت الزيتوون او الزيت اللي تستخدمينه له ودهني فيه جسمه

مايشوف شر الكتكوت

وفيكس في القدم مع تلبيس الجوارب يفيد مثل ماقالوا البنات

ياااقلبي الله يشفيه يااااربF:

مثل ماقالو لك البنات ونوميه على مخده عاليه شوي

واعطيه علاج مكتوب عليه مذيب للبلغم بس مدري وش اسمه
ولدي لما كان عمره شهر صرفه الدكتور له مع قطره ماء وملح

وقالي نوميه على مخده عاليه على ظهره

ودهنيه بالزيت ودفيه ولا تروشيه ابداااا امسحي له بس

ماعدا الحفاظ طبعا غسليها عشان الاحمرار

ودهني خشمه بالفازلين العادي دون عطر
من برا ومن جوا عشان لا يتجرح من السيلان

وبنفس الوقت يدفي خشمه وتروح الزكمه طوالي

والاعشاب مريح البابونج واليانسون

اعطيه رضعه منها

ومايشوف شرررر يااااااااااارب:L::L: