ممكن اسال سؤال مهم . ليه الكل بيتكلم فى الفرع و يسيب الاصل . الكل بيسأل عن اسباب الزواج التانى و الكل بيحمل الراجل المسئولية لوحده
طيب ممكن انا اسال سؤال اهم : ليه الراجل اساسا بيفكر يتجوز تانى او حتى يبص بره زى ما بيقولوا ؟ طفاسة؟ فراغة عين؟ ماشى طيب ممكن نعرف ليه بقى 90% من اللى قطعوا السمكة بيبقوا بعد الجواز حاجة تانية؟
ايتها المرأة فلتسألى نفسك من كنت ؟ و ماذا كنتى ؟ و ماذا اصبحتى بعد الجواز ؟
و برضه باسال الراجل نفس السؤال ؟ ماذا كنت؟ و ماذا اصبحت بعد الجواز؟
ليه الست بمجرد ما تتجوز تنسى كل شئ ؟ مش بالومها و عارف ان المسئولية كبيرة عليها بس برده ما تنساش ان معاها انسان تانى
و برضه الراجل بيطلب حاجات كتير ما ينفعش يطلبها بعد الجواز
النتيجة ان كل واحد بيفكر فى نفسه و طلباته و ينسى التزاماته و خدوا الامثلة دى و بعد كده فكروا مين الغلطان بس سواء كنت راجل او ست ارجوك فكر بعقل
الرجل
قبل الزواج
1- يذهب اليها فى ابهى زينة
بعد الزواج
دائما مرهق من كثرة العمل
قبل الزواج
2-ريحة البرفانات تدوخ
بعد الزواج
ريحة عرقه تقرف
قبل الزواج
3-حالق دقنه دايما
بعد الزواج
دقنه طويلة و بيحلقها بس فى المناسبات او لما شغله يحكم كده
قبل الزواج
4-لا يقول الا ارقى الكلمات و احن الالفاظ
بعد
اما صامت دائما او يتحدث بعصبية و شكاوى الشغل
قبل الزواج
5-نفسه يخرج معاها و يتفسح فى اجمل الاماكن
بعد
ما بيبقاش عاوز يخرج الا علشان يعزى او يهنى
قبل
6-ياخد رايها فى كل حاجة حتى لو مش هاينفذها
بعد
اساسا مش بتعرف اى حاجة عنه
قبل
7-يتقبل منها اى نقد بصدر رحب لسلوكه و تصرفاته مع وعد بالتغيير
بعد
لو علقت على تصرفاته ليلتها مش فايتة و دلوقتى مش عاجبك يا هانم!!!
قبل
8-قبل الجواز حماته تبقى مامته و مامته كانها حماته
بعد الجواز : هى امك هاتطول فى الزيارة ؟!!!!
و لو امه : باقولك ايه ده بيت ابنها تقعد زى ما هى عاوزة
قبل الجواز
9-كل شوية تليفون يقولها وحشتينى
بعد
لو اتصلت بيه بعد يومين غياب فى الشغل
: ايه ما انا كنت لسة معاكى من يومين ؟
تعالوا بقى نشوف الست
المرأة
قبل الزواج
1-ابهى زينة و اجمل رائحة
بعد الزواج
دائما :اما قمطة التنضيف و الزعافة فى ايدها او نايمة من كتر التعب
قبل
2-مامتك طيبة قوى دى احن عليا من ماما
بعد الزواج
هى امك مش هاتسيبنا فى حالنا
قبل
3-لو زعلت منه تتدلل عليه و تقوله : لا ابعد عنى انا زعلانة منك
بعد الزواج
لو زعلت منه ليلة اللى خلفوه سودة
قبل
4-اول ما يتصل بيها تقوله : كده تتاخر عليا
بعد الزواج
لو اتصل بيها تقوله : ايه انت بتراقبنى
قبل
5-برفانات من اللى قلبك يحبها
بعد الزواج
يا بصل يا توم و لو ما فيش لا ده و لا ده يبقى ريحة الجاز اللى بتنضف بيه
قبل
6-تتقبل منه اى نقد على اساس انه بيحبها و بيخاف عليها
بعد الزواج
لو علق اى تعليق ما لوش لازمة يسمع موشح من نوعية
انت كنت عاوز تتجوز رقاصة؟ روح خلى اللى فى الشغل تدلعك
هو انت فاكرنى زى اللى انت بتشوفهم
قبل
7-كل يوم تسريحة جديدة
بعد الزواج
ما فيش غير تسريحة الزعافة ( عارفينها طبعا)
المشكلة سيداتى سادتى مش فى طرف واحد المشكلة فى الاتنين
1- بص لعيوبك قبل ما تبص لعيوبها
2- حاولوا تتفاهموا سوا و تتكلموا مع بعض عن الحاجات اللى مش عاجباكوا فى بعض ( بصدر رحب)
3- حاولوا تكونوا بعد الجواز زى قبل الجواز صحيح المسئولية هاتزيد عليكوا لكن ما تنسوش انكوا المفروض عارفين من الاول ان هو ده الجواز
4- لازم تلاقوا وقت لبعض علشان ما تتوهوش من بعض و لو ده حصل صعب قوى تلاقوا بعض تانى
5- لازم تبقوا عارفين ان زى ما الراجل بيبص برة برضه الست بتبص برة يعنى ( ده اجمل – ده لبسه احلى – ده مهتم بنفسه)
6- اللى بيتجوز مش بيتجوز فرد لا بيتجوز عيلة يعنى من الاول كده لو اهله مش عاجبينك بلاش و العكس برضه لانك انت او انتى مش هاينفع تلعبوا فى الحتة دى
ايه رايكم انتم في اسباب انهيار الزواج
منقول
تسلم ايدك 
و تم التقييم
اللهم لا تجعل انسنا الا بك ولا حاجتنا الا اليك و لا رغبتنا الا فى رضاك و الجنة
***************************************************
كلام عظيم يا بطوطة
تسلم ايدك
********************************************************
شوفوا مواضيعى
كسوة الكعبة المشرفة … اللهم ارزقنا حج بيتك الحرام …. ( بالصور)
النساء شبكة .. و الرجال صنادييق !!
الاعجاز العلمى فى اثبات طهارة القطة كما قال الرسول صلى الله عليه و سلم
ساعدونى .. عاوزة اعمل رسمة معينة عندى كاستيكر للحائط .. ازاى ؟
نقل موفق
تستاهلي التقييم حبوبه
دمتي بود