يبتلكن طريقة ام علي انماااااااا ايه لذيذه بشششكل
ووسهله وايد
المقادير
عجينة السبرنق روول الجاهزه ..الكميه اللي تكفيج ..
1قشطه
دريب ويب مغلف واحد (كريمة الخفق البودره)
وحليب حسب الرغبه انا حطيت 3 اكواب تقريبا لاني احبها طريه ومشربه حليب يم يم مااحبها ناشفه
وماننسى الفانيليا والزبده حسب الرغبه بعد انا مع 3 اكواب الحليب حطيت ملعقتين صغار زبده وحطيت ملعقه كبيره فانيليا عشان النكهه تطلع الذ وطبعا كل وحده ممكن تتحكم بالنكهه
والسكر حسب الرغبه بعد ..انا احبها سكر زياده تطلع الذ
الطريقه
نفرد عجينة الرول في صينيه وندخلها الفرن لين تنضج وتحمر
ونطلعها ونفتت بايدينا الرول لقطع صغار ونوزعها في قوالب صغار او في قالب كبيرمثل ماتحبين تقدمينها ..وعقب نخلط القشطه مع الدريم ويب ونصبها فوق الرول بعد مافتتناه
وعقب نوزع مكسرات وزبيب حسب الرغبه وعقبها نفور الحليب+الزبده+الفانيليا عالنار ونصبها فوق القشطه والمكسرات
وندخلها الفرن 10 ل15 دقيقه او لين تحمر من فوق
ملاحظه وممكن تزيدن كمية المقادير اذا بغيتن تسون كميه من ام علي ..يعني انت تتحكمن في المقادير ..
انا حبيت اسويها في قوالب صغار عشان تطلع ارتب عالتقديم وطلعت يميييييييييي روعه
وكل اللي ذاقها مدحها :21_207:
الحمدالله وماشاء الله:9_28:
وهذي الصور
وهنيه من قريب
جربنها يابنات تراها روووووووووووووووووعه واكشخيبها جدام ضيوفج :flower:
اتمنى انها عيبتكن :3ooos:
الله يعطيك العافيه ..
ان شاء الله اطبق الوصفه
مشكــــــورة علــــــى هالوصفــــه
ولا تحرمينــــا مــــن جديــــــــدك
مشكوره شكله يفتح النفس
ربي يعطيك العافيه