اشحالكن حبايبي ؟
خواتي العزيزات ابا اعرف احسن صالون ف بحرين بخصوص مكياج العروس؟
يفضل اللي مجربة مكياج صالون و طلع مكياجها حلو بليز تشاركني الموضوع
ابا اعرف الاسعار و مكان الصالون واذا في حد معين فصالون شغلها بالذات يمودحونه
وحدة من ربيعاتي تمدح صالون سلوى منو متمكيجة عندهم ؟!
وياليت تشاركينا تجربتج يا الغالية …. كيف كان مكياجج لبناني او خليجي ولا هندي او سنمائي او فني ؟؟؟!!!!
اتريا ردودكم
فامان الله
نصيحة مني ..سلوى وبس
وانا لك من الدعا ء عزيزتي
بس للامانه في ناس تطلعهم حلوووو
اني شفت مكياج لوحده اسمها شيماء بوجيري تقدرين تكتبين في النت وبيطلع لج صور من مكياجها هذي بيتهم في المحرق… بس اسعارها شوي غاليه
ما شاء الله عليهم ما يقصرون
شوفي شغل الخبيرات سلوى وشيماء بوجيري وخذي ارقامهم
حتى على الاقل يطون لج خيارات
والله يسهل عليكي
في خطوبتي و خطوبة اختي و زواجها رحت سلوى
بصراحة المكياج و الشعر كانو روعة بشهادة الجميع
حتى اختي في خطوبتها و زواجها تعدلت عندها و صارت روووووعة
كل الي يشتغلون في الصالون متمكنين من شغلهم
انا المكياج جربت مروة و كانت اووكي و الشعر جربت نورية و وداد و كانو ممتازين
بس في النهاية الشي يعتمد على الذوق و الناس أذواق
وكانت تشتغل معاهم وحدة اسمها فاطمة هي لبناية ومكياجها لبناني روووووووعة مكيجتني في خطوبة اختي عن جد ابدعت سعرها اقل شي 30 دينار
الحين طلعت من الصالون راحت صالون ثاني والله ما ادري وش اسمه .. عموما هالصالون كلهم مكياجهم روعة وشغلهم بشكل عام حلو ونظيف ومرتب وترتاحين عندهم
وفي بعد صالون ايلاف عند فردوس الحلواجي مكياجها ناعم وهادي العرايس اللي شفت شغلها عليهم كلهم ابداع ما شاء الله
و صالون اشرقت نورة الكعبي مكياجها حلو لكنه ثقيل نوعا ما واسعارها كأن تبتدي من 35 دينار ومعاها بالصالون عبير الرويعي معروفة مكياجها الناعم حلو لكن الثقيل شفت صور ما عجبوني وبعد معاها وحدة تصير لها اسمها ريم مكيجت اختي في زواجها مكياجها وايد وايد حلو