عندي مشكلة وي ولدي عمره الحين سنة و خمس شهور … المشكلة انه قبل لما كان عمره سنه كان يتكلم و يقول بعض الكلمات و بسرعة و الكل كان يتوقع منه يتكلم بسرعة .. لان ما كمل 5 اشهر الا قال بابا .. و عمر السنه كان ايقول كروة و حبيبي و ماما و باابا و بعض الكلمات اللي اتدل على معنى .. بعدين فجأة ما شفته الا ما ينطق و لا كلمة بس ماما و حتى بابا ما يقول .. و الحين عمرة سنه 5 شهور يقعد يخربط يبغي يتكلم بس ما يقول كلمات لها معنى كلش … قالوا ليي اتكلمي و ياه وايد صرت اتكلم وياه طول اليوم بس هووو ما يرد عليي و لا بشي…
تالي رحت بيت ابوي و كان يبغي حلاوة و كان الاطفال عندهم الا ايقول ليي ابه ابه … استغربت اني كلش ليش اتكلم هناك و الكل فهم ويش ايقول انه يبي حلاوة بس ليش وياي ما يرد علي و لا يقول و لا كلمة … اشتريت له قصص و اشتريت له كتابي الاول الى الطفل في عمره سنه و نص .. هوو يفهم كل شي اقوله له .. لو ويش ابغي منه يفهم عليي بس مو راضي يرد عليي ماادري ويش اسوي فيه ..اذا يبغاني افتح الباب ليه اينادي اماه و يقعد يضرب على الباب و يقول كلام مخربط ما له معنى .. يبغي يشرب ماي ياخذ الكأس و يروح الى الكولر و يشرب ماي و بعض الاحيان ما يحصل له كأس يقعد ياشر على الكولر انه يبغي ماي ..
اتخيللوا قعدت اقلد صوت القطةو ابغيه ايقلد عليه ما عطاني وجة .. و تالي ما شفته الا قاله مره وحدة و سكت و قام يضحك و تالي راح ينخش عني …. ماادري ويش اسوي فيه …
امي تلومني اتقول ليي كل منش .. ما يتكلم و ماادري ويش اسوي …
عسى البنات يردو عليكي وزين ليش ماتودي عند اخصائي صوت وحنجرة
في اطفال يعاندون مايبون يتكلمون بس لانهم مايبون مافيهم شي ويفهمون بس كسولين مايحبون يتكلمون
الحين المطلوب منج انج ماتجبرينه على الكلام كللللللللللش ولاتغصبينه على شي تخلينه على راحته بتشوفينه بينطلق مره وحده في الكلام بسرعه رهيبه وبعدها بتقولين ياريته ماتكلم تم ساكت
القهر اللي قاهرني اياه و لا شي قلته له الا يفهمه عدل …اتخيلي .. اتكلم ويااه اهوو فوق السرير الا اقوله حسووون تباعد ماما لا تطيح هوو قريب من الطرف .. هوو كان مغمض بينام .. قام اتباعد و راح نام في وسط السرير شوفي شلون اهووو يفهم ويش قاعد يصير .. بس ما يتكلم باط جبدي من القهر … و الشي فاجرني زيادة الكل يخوفني ايقول ليي نجان مو ولدش ما بيتكلم خير شر …
من عمر سنة واهو ما شاءالله عليه ايقول كلمات وااايد حتى الكل كان يقول لي اكيد بيتكلم من وقت
بس الحين ما يتكلم كلش حده ماما وبابا وامبوه يعني كلمات كلش قليلة
ويفهم كل شي
بس ان متخوفه واكلمه وايد
خصوصا ان صديقاتي ولدوا وياي وعيالهم ماشاء الله يقولون جمل مو كلمات
اللي عنده خبره يا ريت يخبرنا
اني ولدي الحين ما يقول غير بابا فقط الاول يقول ماما ودادا والحين نسى يمكن
انه في بيت ابوي لما الاطفال اخذوا الحلاوة و خاف انه ما يحصل حلاوة قاام ايصارخ ابه ابه .. بقوة عدل .. استغربت … الحين قاعدة اقول ويش اسوي ..
مستغربين شلون قبل كان يتكلم و الحين و لا شي بس امااه …
حاولت اعناده علشان يتكلم بس و لا كأنه احد ايعناده .. حقرني و غاور عني … مشى راح الى ابوه و لا افتكر … بعض الاحيان يفجرني على تصرفاته …
بعض الأطفال كذة يعرفون يتكلمون ويفهمون بس يبون يتكلمون حسب مزاجهم
ولد اخوي عمره 3 سنين ونص ومايتكلم ابدا قدااام احد
او حتى قداام اهله
نااااااادر مايتكلم ويقول كلمة واحيان بس يتكلم قدام امه وتكون هالكلمات مفهومة ونطقها صحيح
معناها انه يعرف يتكلم بس هو يعاند او مايبغى يتكلم
لاتخاافين كثييير
انا ولدي عمره سنتين و3شهور مااايقول شي كله خرابيط بخرابيط عاادي